blaðið - 27.01.2006, Side 4

4 i INNLENDAR FRÉTTIR
FÖSTUDAGUR 27. JANÚAR 2006 blaöið
Stefán Jón Hafstein boðar lausn í málefnum Bla6i6/SteinarHugi
leikskólakennara í Reykavík á næstu dögum.
Stefán Jón Hafstein:
Komiö verður
til móts við
leikskólakennara
KB-banki:
Hagnaðist um 49 milljarða
KB-banki birti ársuppgjör sitt ígœr. Hagnaðurinn
þrefaldaðist á milli ára.
Stefán Jón Hafstein, formaður
menntaráðs Reykjavíkurborgar
segir að komið verði til móts við
kröfur leikskólakennara í Reykja-
vík á næstu dögum og boðar að
mál þeirra verði leyst á farsælan
hátt. Mikil ólga hefur verið meðal
faglærðra leikskólakennara und-
anfarnar vikur í kjölfar þess að
laun ófaglærðra starfsmanna leik-
skólanna voru hækkuð verulega
í kjarasamningi við Eflingu og
Starfsmannafélag Reykjavíkur. Sú
hækkun þýðir að ófaglærðir fá í ein-
hverjum tilfellum hærri laun en þeir
sem menntaðir eru.
„Við munum leysa það mál á næstu
dögum, það er svo einfalt. Það verður
komið til móts við leikskólakennara.
Það eina sem við sitjum yfir þessa
dagana er hvernig við getum leyst
úr þessu máli á sem farsælastan
hátt og ég vil reyna að horfa til fram-
búðarlausnar ef það er hægt,“ segir
Stefán í viðtali við Blaðið sem birt
er í heild sinni á bls. 16. „Samning-
urinn sem við gerðum við Eflingu
og Starfsmannafélag Reykjavíkur-
£önnunaeða
borgar var nauðsynlegur vegna þess
að það vantaði starfsfólk á
leikskólana og samning-
arnir hafa vissulega
riskimánar
við þurft að ÆT Heim isi/æn r oq qómsætir
geta klárað
málið til
enda strax,
það skal
ég viður-
kenna.
Ég hefði
v i 1 j a ð
gera það
í stað
þ e s s
að láta
m á 1 i ð
faraíþetta
óefni sem
það er í nú,“
segir hann
ennfremur.
Heildareignir KB-banka námu 2.541 milljörðum f lok árs 2005.
BlaM/Frikki
Hagnaður KB-banka á síðasta ári
nam rúmum 49 milljörðum sam-
kvæmt ársuppgjöri bankans sem
birt var í gær. Þá hagnaðist
bankinn um tæpa 15 millj-
arða á síðasta ársfjórðungi
2005 sem var langt yfir
væntingum.
Kaupaukagreiðslur
umfram áætlanir
Hagnaður KB-banka í ár
er þrefalt meiri en hann
var árið 2004 þegar hann
var tæpir 16 milljarðar.
Samkvæmtársskýrslunni
jókst hagnaðurinn um
178,2% eftir skatta milli ára
og nam hagnaður á hvern
hlut um 75,2 krónum sam-
anborið við 35,6 krónur árið
2004. Hreinar rekstrartekjur
á síðasta ári voru um 102 millj-
arðar króna og jukust um 103,9%
frá fyrra ári. Þá var rekstrarkostn-
aður 34,7 milljarðar og jókst um
47% frá árinu 2004. Launagjöld voru
meiri en áætlanir gerðu ráð fyrir og
segir í uppgjörinu að það skýrist að
hluta af kaupaukagreiðslum í takt
við góða afkomu bankans. í ársupp-
gjörinu kemur einnig fram að allar
helstu starfsstöðvar bankans hafi
skilað methagnaði á liðnu ári og að
um 70% af rekstrartekjum bankans
hafi myndast utan íslands.
Hækkaði um 20 milljarða
Sé hagnaði KB-banka deilt á allar
mínútur síðasta árs sést að bank-
inn hagnaðist um rúmar 93 þúsund
krónur á hverri mínútu eða um 1.550
kr á sekúndu. Þá var ársuppgjörinu
vel tekið í Kauphöllinni í gær og
höfðu bréfin hækkað um 3,61% við
lokun markaðar. Heildar markaðs-
virði bankans var við opnun mark-
aðar um 598 milljarðar og því ljóst
að bara í gær hækkaði bankinn um
rúma 20 milljarða.
Hart var deilt á skattastefnu ríkisstjórnarinnar á Alþingi í gær. Blaöió/Frikki
Alþingi:
Deilt um skattbyrðina
Carol van Voorst
Utanríkismál:
Nýr sendiherra
Bandaríkjanna
Carol van Voorst tókvið stöðu
sendiherra Bandaríkjanna á
íslandi í gær þegar hún afhenti
Ólafi Ragnari Grímssyni, forseta
Islands, trúnaðarbréf sitt. Carol
van Voorst á að baki 26 ára feril í
bandarísku utanríkisþjónustunni
og gegndi starfi varasendiherra í
Vínarborg áður en hún kom hingað
til lands. Hún er með doktorsgráðu
í sagnfræði frá Princeton-háskóla
og meistaragráðu í öryggismálum
frá National War College.
Icelandair:
Farþegafjöldi
eykst
Flugfélagið Icelandair flutti um 1,5
milljón farþega á síðasta ári og er
það mesti farþegafjöldi sem félagið
hefur flutt á einu ári. Þetta kom
fram í fréttatilkynningu frá félag-
inu í gær. Árið 2004 flutti félagið
um 1,3 milljón farþega og nemur
fjölgunin á milli ára því um 14,5%.
Ríkisstjórnin hefur fært skatt-
byrðina frá forstjórum á ofur-
launum yfir á þá sem lægstu
launin hafa. Þetta kom fram í
máli Jóhönnu Sigurðardóttur í
utandagskrárumræðu á Alþingi
f gær um breytingar á skattbyrði.
Fjármálaráðherra vísaði öllum
slíkum ásökunum á bug.
Almenningur skattpíndur
Hart var deilt á Alþingi í gær í ut-
andagskrárumræðu um breyttar
áherslur í skattbyrði. Stjórnarand-
staðan sakaði ríkisstjórnina um að
auka skattbyrði á almenning á sama
tíma og hún lækkaði skatta á þá sem
hæstar hafa tekjurnar. Jóhanna Sig-
urðardóttir, alþingismaður, vísaði í
niðurstöður rannsókna Stefáns ÓI-
afssonar, prófessors í félagsfræði við
Háskóla Islands, þar sem segir að
skattbyrði á almenning hafi aukist
í stjórnartíð núverandi ríkisstjórnar.
.Fjármálaráðherra getur ekki hrakið
það að stjórnarflokkarnir hafa búið
til skattaparadís fyrir hátekjufólk á
meðan almenningur er skattpíndur,“
sagði Jóhanna.
Tvískinnungsháttur
Árni Mathiesen, fjármálaráðherra,
vísaði ásökunum Jóhönnu á bug og
sagði að skattbyrðin hefði þvert á
móti minnkað síðasta áratug. Hann
vísaði til þess að á síðustu árum
hefðu laun hækkað og að sama
skapi kaupmáttur þeirra. Þá sakaði
Pétur Blöndal, alþingismaður, stjórn-
arandstöðuna um tvískinnungshátt.
Benti hann á að fyrir kosningar hafi
stjórnarandstaðan mótmælt skatta-
lækkunarloforðum rfkistjórnar-
flokkanna en núna væru þeir sjálfir
að heimta skattalækkun.
ÁTVR:
Lítið selt af
sterku víni
Rúmlega 93% allrar sölu vínbúða
ÁT VR á síðasta ári voru léttvín og
bjór. Með léttvíni er átt við rauð-
vín, hvítvín og freyðivín. Samtals
keyptu íslenskir neytendur um 15,5
milljónir lítra af þessum drykkjum
í fyrra, þar af rúmlega 13 millj-
ónir lítra af bjór. Sala á sterkum
drykkjum nam hinsvegar rúmlega
240 þúsund lítrum.
Akranes:
Tugir starfa
hafa tapast
Milli 55 og 65 störf hafa tapast á
Akranesi frá því Haraldur Böðvars-
son & co sameinaðist Granda hf í
lok árs 2004. Þetta er álit Verkalýðs-
félags Akraness, en fjallað er um
málið á heimasíðu þess í gær. Þar
segir meðal annars:
„Það er skemmst frá því að segja
að það er skelfilegt að sjá hvernig
Akurnesingar hafa farið út úr
þessari sameiningu. I lok árs 2004
eða rétt fyrir sameiningu voru 125
starfsmenn sem störfuðu við land-
vinnslu hjá HB Granda á Akranesi.
í dag eru 80 starfsmenn sem starfa
við landvinnsluna, sem er fækkun
uppá 45 starfsmenn eða 31% á rétt
rúmu ári.“
Segir ennfremur á síðu félagsins
að þarna sé aðeins verið að tala um
landvinnslufólk en sjómönnum
hjá fyrirtækinu hafi líka fækkað á
síðasta ári.