blaðið - 27.01.2006, Side 8

8 I ERLENDAR FRÉTTIR
FÖSTUDAGUR 27. JANÚAR 2006 blaöiö
Hamas fær umboð
til stjórnarmyndunar
Fatah-samtökin taka að öllum líkindum ekki þátt í ríkisstjórninni. Ríkisstjórn Ahmed
Qureia, forsœtisráðherra, sagði afsér í Ijósi úrslitanna.
Mahmoud Abbas, forseti Palestínu-
manna, mun fara fram á að Hamas-
samtökin myndi næstu ríkisstjórn
Palestínumanna eftir að ljóst varð
að þau unnu sigur í þingkosningum
á miðvikudag. Fatah-hreyfingin
sem hlaut næstflest þingsæti í kosn-
ingunum mun að öllum líkindum
ekki taka sæti í nýju ríkisstjórninni.
Hætta er talin á því að ríkisstjórn
Hamas án þátttöku Fatah muni setja
friðarferlið fyrir botni Miðjarðarhafs
í uppnám.
Khaled Mashaal, háttsettur leið-
togi Hamas-samtakanna, lýsti því
yfir í gærmorgun að samtökin væru
reiðubúin til pólitísks samstarfs
með öðrum. Saeb Erekat, þingmaður
Fatah-hreyfingarinnar, hefur engu að
síður lýst því yfir að hreyfingin kæri
sig ekki um að taka þátt í ríkisstjórn-
arsamstarfi með Hamas. Erekat
sagði jafnframt að Fatah-hreyfingin
Maður 1 Hebron hlustar á nýjustu kosninganiðurstöður i útvarpinu.
Sérsmíóaóir hornsófar
- ykkar hugmynd, okkar smíöi
sími: 553-9595
myndi veita öfluga stjórnarandstöðu
og byggja flokkinn upp á ný.
Ríkisstjórnin segir af sér
Abbas sem hefur verið hlynntur frið-
arviðræðum við ísraelsmenn hafði
lýst því yfir að hann myndi segja af
sér ef hann gæti ekki haldið áfram að
vinna að áætlunum sínum. Ahemd
Qureia, forsætisráðherra, og ríkis-
stjórn hans sagði af sér í gærmorgun
þegar ljóst var að Hamas hefði haft
betur í kosningunum, jafnvel þó að
opinberar niðurstöður lægju ekki
enn fyrir. „Þetta er val almennings.
Það verður að virða,“ sagði Qureia.
Ríkisstjórn hans mun engu að síður
sitja þangað til að ný ríkisstjórn hefur
verið mynduð.
Úrslitin í þingkosningum á heima-
stjórnarsvæðum Palestínumanna
komu mörgum í opna skjöldu enda
höfðu kosningaspár sýnt að Fatah-
hreyfingin hefði örlítið forskot á
Hamas-samtökin. Samkvæmt þeim
fengi hvorugur flokkurinn meiri-
hluta og þyrftu að mynda samsteypu-
stjórn með minni flokkum. Fyrstu
tölur bentu aftur á móti til þess að
Hamas hefði unnið hreinan meiri-
hluta eða allt að 75 sæti af 132 á þingi
Palestínumanna.
Búum til heimsins bestu
höfuðborg
Kjördæmisþing reykvískra sjálfstæðismanna
laugardaginn 28. janúar 2006 í Sunnusal Hótels Sögu
W
Sjálfstæðisflokkurinn
Háaleitisbraut 1
105 Reykjavík
simi 515 1700
www.xd.is
IHHHHHBII
13.15 Aðalfundur Varðar
- Fulltrúaráðs sjálfstæðisfélaganna í Reykjavík.
Venjuleg aðalfundarstörf.
Ræða formanns Sjálfstæðisflokksins,
Geirs H. Haarde, utanríkisráðherra,.
14.30 Opinn fundur.
Búum til heimsins bestu höfuðborg
Ávarp leiðtoga borgarstjórnarflokks sjálf-
stæðismanna, Vilhjálms Þ. Vilhjálmssonar,
umræður og fyrirspurnir þar sem þátt
taka frambjóðendurnir:
Hanna Birna Kristjánsdóttir, borgarfulltrúi,
Gísli Marteinn Baídursson, dagskrárgerðarmaður
og varaborgarfulltrúi,
Kjartan Magnússon, borgarfulltrúi,
Júlíus Vífill Ingvarsson, lögfræðingur,
Þorbjörg Helga Vigfúsdóttir, ráðgjafi
menntamálaráðherra,
Jórunn Ósk Frímannsdóttir, hjúkrunarfræðingur og
Sif Sigfúsdóttir, MA í mannauðsstjórnun.
Bolli Thoroddsen, formaður Heimdallar,
stjórnar umræðum.
Þingforseti: Marta Guðjónsdóttir, kennari.
20.00 Þorrablót sjálfstæðisfélaganna í Reykjavik
í Súlnasal Hótels Sögu. Húsið opnað kl. 19.00
Heiðursgestur: Kristján Þór Júlíusson,
bæjarstjóri á Akureyri.
Blótsstjóri: Vilhjálmur Þ. Vilhjálmsson.
Vörður - Fulltrúaráð sjálfstæðisfélaganna i Reykjavík
Friðarferlið
í óvissu
Friðarferlið milli Palestínumanna og ísraelsmanna er í
óvissu eftir sigur Hamas-samtakanna í þingkosningum
í Palestinu í gær. Ráðamenn í ísrael höfðu ekki brugðist
við tíðindunum ígœr en almenningur er uggandi. Alþjóða-
samfélagið er einnig í vanda statt enda hafa bæði ESB og
Bandaríkin litið á Hamas sem hryðjuverkasamtök.
Sigur Hamas-samtakanna í þing-
kosningum í Palestínu á miðviku-
dag kom flestum í opna skjöldu
þrátt fyrir að fylgi flokksins hefði
aukist mjög á endaspretti kosninga-
baráttunnar. Flestir stjórnmála-
skýrendur höfðu spáð því að Fatah
myndi ná naumu forskoti á Hamas-
samtökin og að flokkarnir tveir
neyddust í kjölfarið til að mynda
samsteypustjórn. Aðrir telja að
sigurinn hafi ekki átt að koma
mönnum jafnmikið á óvart og
raunin varð þar sem árum saman
hafi gætt djúprar óánægju með
störf ríkisstjórnar Fatah-hreyf-
ingarinar sem einkennst hefur af
spillingarmálum og vangetu til
að taka á knýjandi vandamálum.
Samtökin lögðu áherslu á innan-
ríkismál í kosningabaráttu sinni
en gerðu minna úr átökunum við
Israelsmenn.
Stærstu samtök víga-
manna í ríkisstjórn
Óljóst er hvaða áhrif úrslitin hafa
á afstöðu ísraelsmanna og alþjóða-
samfélagsins til Palestínu. ísraels-
menn hafa áður lýst því yfir að þeir
muni setjast að samningaborðinu
með Palestínumönnum ef víga-
hópar eru afvopnaðir. Nú eru hins
vegar stærstu samtök vígamanna
komin í stjórn. Síðdegis í gær
höfðu ráðamenn í ísrael ekki tjáð
sig opinberlega um úrslitin en ísra-
elskir borgarar báru margir hverjir
ugg í brjósti enda bera Hamas-sam-
tökin ábyrgð á fjölda árása á ísraels-
menn á undanförnum árum. Frétta-
skýrandinn Yochanan Tsorev
sagði aftur á móti að Hamas hafi
ekki verið kosið til að standa að
árásum á ísrael heldur til að koma
á breytingum í Palestínu. Einhliða
vopnahlé Hamas-samtakanna
stendur nú yfir en samtökin eru
enn sem fyrr staðráðin í að halda
áfram vopnaðri baráttu gegn Isra-
elsmönnum og hafa margoft lýst
yfir þeirri áætlun sinni að leggja
Israelsríki í eyði.
Alþjóðasamfélagið í klemmu
Bandaríkjamenn og alþjóðasamfé-
lagið eru einnig í klemmu vegna
úrslitanna og munu þurfa að fara
fram á að Hamas-samtökin láti
af ýmsum kröfum sínum áður en
sest verður að samningaborði með
þeim. Þá er ekki heldur ljóst hvað
verði um rausnarlega fjárhagsað-
stoð sem palestínsk yfirvöld hafa
fengið frá Evrópusambandinu
sem hefur flokkað Hamas sem
hryðjuverkasamtök.
Condoleezza Rice, utanríkisráð-
herra Bandaríkjanna, sagði að
afstaða Bandaríkjamanna gagn-
vart Hamas væri óbreytt og að
samtökin yrðu að láta af ofbeldi.
„Maður getur ekki verið með annan
fótinn í stjórnmálum og hinn í
hryðjuverkastarfsemi,“ sagði hún.
Leiðtogar í Evrópu tóku í svipaðan
streng. „Nú ber Hamas að velja á
milli lýðræðis og ofbeldis. Það er
ekki hægt að velja hvort tveggja,“
sagði Jack Straw, utanríkisráð-
herra Bretlands í viðtali við Breska
ríkisútvarpið.
Sumir fréttaskýrendur í Miðaust-
urlöndum eru aftur á móti bjart-
sýnni á að ísraelsmenn og Banda-
ríkjamenn muni á endanum laga
sig að nýjum aðstæðum og friðar-
ferlið komist á skrið á ný.
Stuðningsmenn Hamas-samtakanna fagna sigrinum f Tulkarm á Vesturbakkanum i gær.