blaðið - 27.01.2006, Page 16

FÖSTUDAGUR 27. JANÚAR 2006 blaAÍÓ
16 I VIÐTAL
Er í hjarta Samfylkingarinnar
„Ég held aö þaö sé mjög mikilvægt að forystumenn í stjórnmálum hafi skilning á því að þetta snýst um aö öllum líði vel og séu öryggir saman í samfélagi. Hagvöxtur er nauösyníegur
en hann er ekki tilgangur lífsins.
Stefán Jón Hafstein er maður
upptekinn þessa dagana enda
sinnir hann formennsku mennta-
ráðs, menningarráðs, borgarráðs
er borgarfulltrúi auk þess að vera á
fullu í prófkjörsbaráttu sem hann
segir ganga mjög vel. Enda segir
hann að listi Samfylkingarinnar
verði mjög sterkur, hvernig sem
menn raðast í sæti. „Við eigum
góða sigurmöguleika í vor og við
ætlum að koma í veg fyrir það að
sjálfstæðismenn yfirtaki borgina."
Hverjar telurðu sigurlíkurþínar vera í
prófkjörinu?
„Eg tel að þær byggi á skynjun fólks
á að það verði mjög erfiður slagur í
vor sem þarf að takast á við af mik-
illi festu. Ég held að reynsla mín og
afskipti af stjórnmálum muni stilla
mér upp sem sigursælum kandídat
á móti Vilhjálmi Vilhjálmssyni. Auk
þess hef ég mjög breiða skírskotun á
meðal almennings sem er nauðsyn-
legt ætli Samfylkingin að fá góðan
sigur í vor. Sá sigur er forsmekkur að
góðum sigri í landsmálunum eftir ár.“
Hvar staðseturðu þig innan
Samfylkingarinnar?
Ef við lítum á Samfylkinguna sem
líkama þá myndi ég segja að ég stæði
í hjarta Samfylkingarinnar. Ég var
með í undirbúningi fyrir stofnun
Samfylkingarinnar. Samfylkingin
var fyrsti stjórnmálaflokkurinn sem
ég gekk í og ég gerði það á stofnfund-
inum og var síðan kosinn formaður
framkvæmdastjórnar. Ég er mjög
stoltur af því að hafa tekið þátt í þessu
frá upphafi. I þessu pólitíska litrófi
þá er ég frjálslyndur jafnaðarmaður,
ég hef mjög mikinn áhuga á atvinnu-
lífi og sköpun góðra starfa. Menntun
og skólamálin standa mér líka mjög
nærri, þau eru kjarninn í efnahags-
stefnu nútímans. Síðan er mér mjög
annt um umhverfið og náttúruna,
eins og menn vita. Þessar þrjár meg-
instoðir eru mikilvægastar og þurfa
allar að vera samtvinnaðar."
Nú sækist þú, Dagur B. Eggertsson og
Steinunn Valdís Oskarsdóttir öll eftir
fyrsta sœti í prófkjöri Samfylkingar-
innar. Hvað aðskilur þig frá Degi og
Steinunni?
„Við erum samherjar en ólík. Ég
hef unnið með þeim báðum, kann
mætavel við þau og mæli með því að
þeim sé stillt upp ofarlega á listanum.
Ég hvet alla til að kjósa þau í eitt af
efstu sætunum, þó ég biðji sjálfur um
efsta sætið sem er það sæti sem ég sit
í núna. En ég hef lagt meiri áhersíu á
að tengja stjórnmálin í borginni við
hugsun okkar jafnaðarmanna í lands-
málunum. Ég hef unnið mikið við að
byggja flokkinn upp og gera þennan
draum að veruleika ásamt öðru góðu
fólki. Þar hafa Dagur og Steinunn
ekki sést. Dagur var náttúrlega ekki
með og Steinunn í mun minna mæli
en ég. Ég held að fólk skynjir að sá
sem sækist eftir stöðu borgarstjóra
þarf að hafa mjög breiða sýn, góða
rótfestu í félagslegu starfi, sterka
hugmyndafræðilega sýn og sú sterka
hugmyndafræðilega sýn sem ég legg
áherslu á er frjálslynd jafnaðarstefna.
Ég held að þegar kemur til þess að
Reykvíkingar kjósa borgarstjóra í vor
þá hafi ég trúverðugleika gagnvart
almenningi sem er nauðsynlegur
fyrir oddvita Samfylkingarinnar. Allt
þetta skilur mig frá þeim en þau eru
góðir stjórnmálamenn, góðir félagar
og ég hlakka til að vinna áfram með
þeim í borgarstjórn."
Lagði mína hagsmuni til hliðar
Nú töldu margir að það hafi verið
gengið fram hjá þér þegar Steinunn
Valdís var valin borgarstjóri. Ertu
núna að sœkjast eftirþví sem er „rétti-
lega'þitt?
„Þegar Þórólfur Árnason hætti þá
var einn borgarfulltrúi sem hafði í
raun og veru umboð úr einhverju
alvöru kjöri og það var ég. Ég hafði
verið kosinn oddviti Samfylkingar-
innar með glæsilegum yfirburðum
í prófkjöri. Það var mjög óvenjulegt
hvernig staðið var að þessu. Ég sættist
á það, lagði mína hagsmuni til hliðar
og fórnaði þeim fyrir meiri hagsmuni,
sem voru að halda Reykjavíkurlist-
anum saman."
Leikskólakennarar hafa mótmælt
lélegum kjörum, sérstaklega í Ijósi
nýlegra launahækkana ómenntaðs
starfsfólks leikskóla. Skilurðu afstöðu
leikskólakennara?
„Já, ég skil þá mjög vel. Við munum
leysa það mál á næstu dögum og
það verður komið til móts við leik-
skólakennara. Við þurfum að leysa
úr þessu máli á sem farsælastan hátt
og ég vil reyna að horfa til frambúðar-
lausnar ef það er hægt.“
Það er stefnt að gjaldfrjálsum leik-
skóla á næsta ári. Er það ekki gríðar-
lega dýrtfyrir borgina?
„Þetta kostar rúmlega milljarð
þegar upp er staðið en ég held að það
sé þess virði. En það sem ég vil leggja
áherslu á er að þetta er gríðarleg lífs-
kjarabót fyrir ungt barnafólk. En það
er mjög mikilvægt að samtímis því að
við innleiðum gjaldfrjálsan leikskóla
verði innviðir leikskólans styrktir.
Við viljum gjaldfrjálsan og góðan
leikskóla.“
Gjaldfrjáls leikskóli og veruleg
launahækkun leikskólastarfs-
manna. Er þetta ekki hrein og bein
atkvœðasmölun?
„Ef góð verk eru atkvæðasmölun
þá er þetta atkvæðasmölun. Þarna
erum við að hrinda í framkvæmd
ákveðnum hugsjónum. Góður leik-
skóli er í mínum huga ekki atkvæð-
asmölun heldur undirstöðuþáttur í
samfélaginu."
Hvað mótar þínar
stjórnmálaskoðanir?
„Ég var fréttaritari og námsmaður
í Bretlandi þegar Margaret Thatcher
tók við. Ég var námsmaður í háskóla
í Bandaríkjunum þegar Ronald Re-
agan tók við. Þessi tvö gerðu mig
endanlega að frjálslyndum jafnaðar-
manni með manngildishugsjón því
ég sá hvað hin harða hægrimennska
getur gert við gott samfélag. Hún
getur grafið undan því. Við eigum í
f;runninn mjög gott samfélag hér á
slandi sem byggir meðal annars á
þessari manngildishugsjón sem ég
hef í heiðri, maðurinn kemur fyrst og
markaðurinn þar á eftir. Við sjáum
það núna að þegar ríkisstjórnin rekur
ójafnaðastefnu þá byrjar samfélagið
að liðast í sundur."
Á 21 þúsund börn
Saknarðu fjölmiðlanna?
„Nei, ég get nú ekki sagt að ég sakni
þess en það var mjög gaman að starfa í
fjölmiðlum. Þetta var reynsla sem var
mjög góð og nýtist mér afskaplega vel
í starfi í dag vegna þess að í raun og
veru snúast fjölmiðlastörfin og stjórn-
málin um mannleg samskipti og eftir
því sem maður fær meiri reynslu því
dýpra innsæi fær maður. Ég held að
störf borgarstjórans snúist að mjög
miklu leyti um það að laða fólk til
samstarfs en líka að vera maður til að
segja nei þegar það þarf að segja nei.
Sá sem situr í stól borgarstjóra verður
að geta sagt nei þegar almannahags-
munum er ógnað. Eg held að það sé
mjög mikilvægt að forystumenn í
stjórnmálum hafi skilning á því að
þetta snýst um að öllum líði vel og
séu öryggir saman í samfélagi. Hag-
vöxtur er nauðsynlegur en hann er
ekki tilgangur lífsins. Mér finnst að
stjórnmálamenn spyrji alltof sjaldan
um tilgang þess sem við erum að gera,
hvert er hið æðra markmið með því
sem við erum að gera. Ég er orðinn
lífsreyndur en ég kem alltaf að sama
kjarna málsins aftur; Til hvers erum
við að þessu striti? Ef við erum ekki
hér til þess að okkur líði vel saman þá
er ekki til neitt annað. Þetta er svo ein-
falt en það er ótrúlega oft sem þetta
gleymist. Ég held að borgarstjóri sem
hefur í heiðri þessi gildi muni farnast
vel.“
Hvaðgerirðu ífrítímanum?
„Ég veiði í Elliðavatni, fyrir norðan
og fyrir austan á sumrin. Ég fæ
kraftinn úr náttúrunni. Ég varð nátt-
úruverndarsinni þegar ég byrjaði að
veiða, þá kynntist ég fyrst því hvað
náttúran er stór þáttur í grundvall-
areiginleikum mannsins. Maðurinn
má ekki týna tengslunum við náttúr-
una. Ég reyni að tengja mig við nátt-
úruna á hverjum degi, þó það sé ekki
nema í fimm mínútur. Ég fæ kraft og
yfirvegun af því að hugsa og tengja
mig við náttúruna."
Ertu velgiftur?
Já, ég er það. Ég og konan mín,
Guðrún Kristín Sigurðardóttir,
vorum saman í Menntaskólanum
við Tjörnina. Við kynntumst á
útskri/tarballinu og við erum búin að
vera saman síðan þá. Við eigum engin
börn saman en ég lít ekki þannig á að
ég eigi engin börn. Það eru svo mörg
börn sem ég þekki, þykir vænt um
og umgengst. Skemmtilegustu veiði-
túrarnir sem ég fer í eru með litlum
frænkum mínum. Eftir að ég varð
formaður Menntaráðs þá eignaðist ég
líka 15.000 grunnskólabörn og 6000
leikskólabörn þannig að mér hefur
aldrei fundist ég vera barnlaus. En
það er bara ein af staðreyndum lífsins
að við eigum ekki börn en ég verð að
segja að mér hefur alltaf fundist ég
vera mikill gæfumaður í lífinu. Ég hef
fengið að njóta mín á svo margan hátt
og er óendanlega þakklátur fyrir hvað
ég hef fengið að lifa skemmtilegu lífi.
Mér finnst stundum eins og guðirnir
hafi gefið mér happdrættisvinning
og ég hafi fengið að njóta lífsins. Ég
hef lifað góðu lífi og það fyllir mann
miklum friði.“
svanhvit@bladid. net
Við mæ/um með Bridgestone /oftbó/udekkjum
- eftir að hafa reynt þau í þrjá vetur'
VELJIÐ
itMDGESTOHE
LOFTBÓLUDEKK
/5%-20%
AFSLÁTTUR
NÆSTU DACA
BirriM grip
segja þeir Rúnar og Baldur Jónssynir — margfaldir íslandsmeistarar í Rallyakstri
• Meira öryggi og akstursánægja
• Mun betra veggrip
• Mun styttri hemlunarvegalengd
• Mikið skorin og mjúk
• Ónegld og hljóðlát
• Minna slit á malbikinu
• Umhverfisvænni
DEKKJAÞJÓNUSTA f LÁGMÓLA 9
SALA: 5-333-999 [GSM: 896-0578]
Verkstæði: 5-333-997 [GSM: 899-2844]