blaðið - 02.03.2006, Blaðsíða 16
16 I VIÐSKIPTf
FIMMTUDAGUR 2. MARS 2006 blaðið
blaiðið/lngó
Sífellt færri skila
framtali á pappír
Skattaframtalið berstfljótlega inn um lúgur
landans en almenn skil á skattskýrslu eru 21.
mars þó margir sœki eflaust umfrest.
Leiðinlegasti tími ársins, í augum
margra, nálgast óðfluga. Árleg
áminning þess kemur inn um póst-
lúgur landsmanna í byrjun næstu
viku en það er blessaða skattafram-
talið. Samkvæmt Jóni H. Steingríms-
syni, forstöðumanni þjónustusviðs
Ríkisskattstjóra, eru það um 10%
landsmanna sem gera framtalið á
pappír en þeim fer fækkandi með
hverju árinu.
Almenn skil á skattskýrslu eru 21.
mars en hægt er að sækja um frest
sem dreifist á dagana 27.-31. mars.
Fagmenn sem taka að sér skatt-
skýrslugerð fyrir einstaklinga og
fjölskyldur fá ennfremur frest fram
í maí. Þar sem sífellt fleiri gera fram-
talið á Netinu sagði Jón að ekki allir
fái sendar leiðbeiningar heim. „Það
eru aðgengilegar leiðbeiningar á
Vefnum og allir ættu að geta bjargað
sér þar, sem eru á annað borð að
telja fram á Vefnum. Auk þess
verður hægt að sækja sér leiðbein-
ingar á bensínstöðvum, hjá sýslu-
mönnum og á bæjarskrifstofum.
Einnig erum við með ráðgjafa sem
gefa leiðbeiningar í gegnum síma
allan marsmánuð. Fyrstu tvær vik-
urnar eru ráðgjafarnir einungis við
á almennum vinnutíma en síðari
tvær verða þeir við á kvöldin og um
helgar.“ Síminn hjá ráðgjöfum Ríkis-
skattstjóra er 511-2250.
Upplýsingarfærðar
Jón segir að það sé einmitt í
þessum töluðu orðum verið að
prenta framtölin og þau ættu því
að vera komin í póst í vikulok. „Við
gerum ráð fyrir að dreifing byrji á
miðvikudag eða fimmtudag. Þetta
ætti því í síðasta lagi að vera borið
i hús á mánudag," segir Jón og bætir
við að það sé talið að það sé tíma-
spursmál þar til Ríkisskattstjórinn
geti alveg séð um skattaframtalið.
,Það gerist um leið og við fáum upp-
lýsingar frá bönkunum en núna er
talað um að bankaleynd gildi yfir
þessar upplýsingar. Við værum með
nánast allt ef við kæmumst í upplýs-
ingarnar frá bönkunum, reyndar
eru sumir með einhverja frádrætti
sem gera þarf grein fyrir sérstak-
lega. En það væri sennilega rúmlega
helmingur sem gæti bara skrifað
undir framtalið sitt.“ Fyrir þá sem
vilja gera framtalsgerðina enn auð-
veldari má benda á að í sumum vef-
bönkum verður boðið upp á að færa
upplýsingar með einni aðgerð úr vef-
banka og inn á sundurliðunarblað
viðkomandi á www.rsk.is. Þar með
sparast innsláttur og hægt er að
minnka villuhættu. Hægt er að leita
upplýsinga í viðkomandi vefbanka
um þá þjónustu sem er í boði.“
svanhvit@bladid. net
Þeim fer fjölgandi sem
fjárfesta í verðbréfum
Landsbankinn gefur ráðleggingar um fjárfestingar áfjármálanámskeiðum.
Blaðið/Frikki
Tómas N. Möller forstöðumaður verðbréfa- og lífeyrisþjónustu Landsbankans
„Fjármálanámskeiðin hafa verið
mjög vel sótt og nú hafa um 700
manns sótt þessi námskeið“, segir
Tómas N. Möller forstöðumaður
verðbréfa- og lífeyrisþjónustu Lands-
bankans. „Fjármálanámskeiðin
hafa farið fram á fimmtudags-
kvöldum og verið opin fyrir alla við-
skiptavini bankans. Nýlega vorum
við með röð námskeiða um verð-
bréfaviðskipti þar sem farið er yfir
stöðuna í efnahagsmálum og hvar
fjárfestingartækifærin liggi.“
Tómas segir það borga sig að
borga niður skuldir með háa vexti
og fjárfesta jafnt og þétt. „Það er
best að leggja til hliðar reglulega og
byggja þannig upp eignasafn. Stór
hluti viðskiptavina Landsbankans
er með eignir á innlánsreikningum
en þeim fer fjölgandi sem fjárfesta
í verðbréfum. Það er aldrei án
áhættu að fjárfesta í verðbréfum en
við getum ráðlagt fólki um hvaða
fjárfestingarkosti henti hverjum og
einum."
Tómas segir þátttakendur nám-
skeiðsins velta fyrir sér verðbólgu
og gengi íslensku krónunnar ásamt
tækifærum á hlutabréfamarkaðnum.
„Greiningardeild Landsbankans
gefur út verðbólguspá sem sérfræð-
ingar bankans styðjast við í ráðgjöf
sinni sem og verðbólguspá Lands-
bankans. Væntingar um verðbólgu
og gengi íslensku krónunnar sem
og horfur á hlutabréfamarkaði eru
hluti af þeim forsendum sem litið
er til þegar fólk tekur ákvörðum um
fjárfestingar."
Fleiri vilja spara
Tómas segir ásókn í sparnað hafa
aukist og að þeim fjölgi sem leggi
reglulega til hliðar ákveðna upphæð.
„Á námskeiðið koma sérfræðingar
frá greiningardeild sem fara yfir
stöðu efnahagsmála og sérfræðingar
frá eignastýringasviði sem fara yfir
fjárfestingartækifæri og hvar þau
liggi. Þá er farið yfir skuldabréfa-
sjóði án þess að minnast á einstök
félög og farið yfir kosti skuldabréfa
út hlutabréfasjóði."
Tómas segir að þegar komi að því
að fjárfesta í skuldabréfasjóðum séu
þarfir hvers og eins hafðar að leiðar-
ljósi. „Hægt er að kaupa skuldabréf
með stuttan binditíma sem gefa fyr-
irsjáanlega ávöxtun og fylgja náið
stýrivöxtum Seðlabankans. „Það er
ekki til neitt rétt svar um hvar sé
best að fjárfesta en Landsbankinn
bíður upp á nokkra flokka skulda-
bréfasjóða sem hægt er að fjárfesta
í. Lágmarksfjárfesting í skuldabréfa-
sjóði er 5000 krónur."
Skuldabréfasjóður er ein tegund
verðbréfasjóða en með því að fjár-
festaí verðbréfasjóði fá einstaklingar
aðgang að sérfræðiþekkingu sjóðs-
stjóra sem hjálpar einstaklingum
að fjárfesta í samræmi við þarfir
sínar. Hlutdeildarskipti í verðbréfa-
sjóði eru innleysanleg hvenær sem
er þannig að peningurinn er alltaf
laus.
Með því því að fjárfesta i verðbréfa-
sjóði er hver og einn að fjárfesta með
stórum hópi fólks og þannig getur
verðbréfasjóður nýtt sér betur þau
tækifæri sem verðbréfamarkaður-
inn býður upp á og náð þannig betri
áhættudreyfingu en hver og einn.“
hugrun@bladid. net
Peningar eru dýrmœtt irœ
Hvernig kemur þú fram við
peninga? Hvað finnst þér um
peninga? Ef þú metur eitthvað að
verðgildi þá kemurðu fram við
það af virðingu, ekki rétt? En virð-
irðu peningana þína? Eða ferðu
með þá kæruleysislega og eyðir
þeim við hvert tækifæri. Viðhorf
þitt gagnvart peningum ákvarðar
hvað þú gerir við þá.
Peningar eiga að þjóna þér, að-
stoða þig við að mæta þínum
þörfum og þörfum annarra. Ef þú
ferð óvarlega með peninga þá munu
þeir ekki gera það fyrir þig sem þeir
eiga að gera. Þú getur raunverulega
hrakið peninga frá þér með því að
nota þá á rangan hátt. Peningar eru
dýrmætt fræ sem getur veitt þér
mikla uppskeru ef þú sáir þeim rétt.
Peningar eru orka og ef þú vilt draga
meiri pening að þér þá verðurðu að
vera meðvitaður/uð um peninga.
Fræðstu um peninga og hvernig þeir
virka best og síðan skaltu nýta það
sem þú lærðir.
Sparaðu
Lykillinn af fjárhagslegu sjálf-
stæði er að spara hluta af tekjum
þínum og fjárfesta því sem þú hefur
sparað. Með því vinna peningarnir
í þína þágu og ávaxtast á meðan þú
sinnir öðrum áhugamálum. Með
því að spara og fjárfesta sýnirðu að
þú metur gildi peninga. Þess í stað
munu peningarnir „verðlauna“ þig
með því að vaxa og verða nægilegt
til að mæta þörfum þínum.
Óþarfa eyðsla
Veistu ekki hvar skal finna pen-
inga til að spara? Af hverju ekki að
hætta að taka skyndiákvarðanir og
kaupa það fyrsta sem þú sérð? Þér
dettur kannski ekki neitt í hug sem
þú kaupir í skyndi en hugsaðu þig
betur um. Hvað um tímaritin, sígar-
etturnar, nammið, gosið og hádegis-
matinn? Þarftu virkilega að eignast
þennan tiltekna geisladisk? Án þess
að þú neitir þér um almenn lífsgæði
þá virkar oft betur að safna sér fyrir
hlutum og kaupa þá síðan, frekar en
að kaupa þá út á yfirdrátt eða kred-
itkort. Reiknaðu með þessum smá-
hlutum þegar þú færð útborgað og
passaðu upp á að þú eigir fyrir þeim.
Með því að finna leiðir til að minnka
óþarfa eyðslu og auka sparnað er
auðveldlega hægt að eiga peninga til
að ávaxta.
svanhvit@bladid.net
Lykillinn af fjárhagslegu
sjálfstæði er að spara hluta
af tekjum þínum og Qárfesta
því sem þú hefur sparað.