blaðið - 02.03.2006, Blaðsíða 19

blaöið FIMMTUDAGUR 2. MARS 2006
ÝMISLEGT I 19
Margvíslegar fullnœgingar kvenna
Örvunarkrem leiða ekki til lofaðrar fullnœgju, segir Jóna Ingibjörg Jónsdóttir hjúkrunar- og kynfrœðingur.
Það má varla þverfóta fyrir aug-
lýsingum um svokölluð fullnæg-
ingarkrem kvenna. Kremin góðu
sem eiga að auðvelda konum að
fá fullnægingu, óháð aldri og
kynferðislegri virkni. Ef marka
má ofgnætti auglýsinga þá mætti
halda að íslenskar konur eigi í
miklum erfiðleikum með að fá
fullnægingu sem kemur á óvart
þar sem þær hafa löngum verið
taldar mjög virkar í kynlífi. Jóna
Ingibjörg Jónsdóttir, hjúkrunar-
og kynfræðingur, segir að þessi
krem séu bara markaðssetning og
ekkert annað.
Ef svokallaðar kynlífstækjabúðir
eru kannaðar þá kemur í ljós að
viðskiptavinirnir eru í miklum
meirihluta konur að kaupa sér hjálp-
artæki. Karlmenn kaupa sér frekar
myndbandsspólur og dvd spólur.
Samkvæmt Durex könnun sem gerð
var árið 2004 þá hafa 56% íslendinga
notað hjálpartæki ástarlífsins og var
það hæsta hlutfall á öllum Norður-
löndunum. Það er því ljóst að konur
hafa mikinn áhuga á kynlífi og því
veldur þessi ætlaði skortur á fullnæg-
ingu forvitni. Jóna Ingibjörg segir
það ekki vitað hve margar íslenskar
konur eigi við fullnægingarvanda
að stríða. „En þessi krem eru fyrst
og fremst markaðssetning vegna
þess að ef þú ert með heilbrigða
slímhúð, heilbrigt taugakerfi og
heilbrigt blóðrásarkerfi þá streymir
alveg nægilegt blóð til kynfæranna.
Það er sagt að þessi krem eigi að
auka blóðflæðið og nautn. Þetta er
fyrst og fremst menthol blanda. Við
erum ekki með lítil typpi þó þeir séu
að reyna að finna samsvaranir og
samlíkingar. Þessi krem eru því góð
dæmi um sjúkdómsvæðingu.“
Konur segja kremin ekki virka
Jóna Ingibjörg segist hafa heyrt frá
konum sem hafa notað þessi krem
og að þau virki ekki. „Ef maður
talar við þær konur sem hafa prófað
þessi krem þá hafa þær orðið fyrir
miklum vonbrigðum enda halda
þær að þetta eigi að efla eitthvað.
Þær segja að þetta hafi ekki breytt
neinu. Ef kona er í góðu sambandi
og með elskhuga sem henni líkar þá
streymir alveg nægjanlegt blóð til
kynfæranna og þá þarf hún ekkert
svona krem. En það má telja konum
trú um allt.“
Fulinæging er tilfínning
Jóna Ingibjörg segir sömuleiðis að
það þurfi nýja sýn á fullnægingu.
„Það þarf líka að velta þvi upp hvað sé
fullnæging. Það er verið að einblína
á eina útgáfu af fullnægingu og búa
hana til. Það eru til fleiri tegundir
af fullnægingum. Ef við myndum
breikka sýn okkar á það hvað er full-
næging þá ættu færri konur í full-
nægingarerfiðleikum. En ef maður
lítur á fullnægingu sem tilfinningu,
einhverja mettun og losun, þá er
bara fullnægingarreynsla kvenna
margbreytileg. Þetta er slæmt að því
leyti að það er verið að steypa allar
konur í sama mót í staðinn fyrir að
skoða hvað það er sem konur vilja í
sínu kynlífi. í fyrsta lagi þá hjálpar
þetta krem ekki til að fá fullnæg-
ingar, sama hvað þeir segja. Þeir
vitna í einhverja virta lækna en við
vitum það að lyfjabransinn útbýr
greinar og sendir til lækna sem þeir
borga pening fyrir að setja nafn sitt
undir. Allar þessar reynslusögur
er líka varasamar, þú getur fengið
konur til að segja hvað sem er.“
Fólk leitar alltaf að hamingju
Aðspurð hvort vandamálið geti
verið að konur þekki líkama sinn
ekki nægilega vel segir Jóna Ingi-
björg: „Ég veit það ekki. Er bara fólk
ekki alltaf að leita að hamingjunni
og leita að einhverju sem á að gera
Jóna Ingibjörg Jónsdóttir, hjúkrunar- og
kynfræöingur
hlutina betri. Mín spá er sú að þetta
renni út í sandinn. Þetta verður
svona bylgja, allir verða að prófa en
svo dagar þetta bara upp í náttborðs-
skúfunni. Þú getur gert mikið með
góðri markaðssetningu og hver vill
viðurkenna að hann eigi vandamál
á kynlífssviðinu. Það er erfitt."
Þaö má varla þverfóta fyrir auglýsingum um svokölluð fullnægingarkrem kvenna.
Grillaður kjúklingur,
franskar og
Aðeinf 535kr/kg
Kjúklingalæri með legg, magnpakkning
Aðeiní 519kr/kg
Barbecue leggir, magnpakkning
Aðeint 421 kr/kg
Tex Mex vængir, magnpakkning
Aðein* 261 kr/kg
4<TH/
Hetfw
2ja lítra Coca Cola
Aðeinf 998kr
EFLIR