blaðið - 16.05.2006, Síða 4

4IFRÉTTIR
ÞRIÐJUDAGUR 16. MAÍ 2006 blaöið
“ÍSLANDS MÁLNING
Sérhðnnuð málning fyri r Islenskar aöstæður.
Sætúni 4 / Sími 517 1500
■ ■ ■ ■ ■ m ww m. ■ Diaoio/mgo
Bubbi byggir i Vesturbænum
Krakkarnir á leikskólanum Dvergasteini hefðu eflaust ekki neitt á móti því að fá að prófa þessa flottu græju sem vann við að bæta í
sandinn í sandkassanum hjá þeim á dögunum. Þau þurfa þó sennnilega að sætta sig við að notast við fötur og skóflur við sandmokstur-
inn á næstunni, hvað sem síðar verður.
Mikil eftirspurn er
eftir sumarbústöðum
Markaður með kaup og sölu á sumarbústöðum fer hratt vaxandi.
Fasteignasölur auglýsa eftir sumarbústöðum til sölu.
Rúmlega
170 listar
lagðir fram
Alls hafa 172 framboðslistar
verið lagðir fram í sextíu sveitar-
félögum fyrir komandi sveitar-
stjórnarkosningar. Flestir fram-
boðslistar komu fram á Akureyri
en þar berjast sex framboð um
athygli kjósenda. í tveimur sveit-
arfélögum kom aðeins einn fram-
boðslisti fram og þar verður því
sjálfkjörið. Þau sveitarfélög eru
Tjörneshreppur og Breiðdals-
hreppur. Þetta kemur fram á
heimasíðu Sambands íslenskra
sveitarfélaga í gær.
Alls eru notaðir 20 bókstafir
til að auðkenna framboðslist-
ana. Fyrir utan listabókstafi
þeirra fimm flokka sem eiga
sæti á Alþingi, þ.e. B, D, F, S og
V, er listabókstafurinn L vinsæl-
astur en alls eru boðnir fram 12
listar með þeim bókstaf.
Eftirspurn eftir sumarbústöðum í
nágrenni höfuðborgarinnar hefur
aukist töluvert á þessu ári að sögn
framkvæmdastjóra fasteignasöl-
unnar Foldar. FÍann segir mikið fjör
á markaðinum og spáir því að verð
eigi eftir að hækka á næstunni. Um
800 bústaðir eru nú í byggingu í upp-
sveitum Árnessýslu að sögn bygg-
ingafulltrúa Bláskógabyggðar.
Stanslaus aukning
Fasteignasölur hafa á undanförnu
auglýst í dagblöðum eftir sumarbú-
stöðum til sölu. Mikill vöxtur hefur
verið á þessum markaði síðustu miss-
eri og ljóst að fólk sækist í síauknum
mæli eftir sumarbústað í nágrenni
höfuðborgarinnar.
Að sögn Hilmars Einarssonar,
byggingafulltrúa Bláskógabyggðar,
eru nú um 800 sumarbústaðir I bygg-
ingu í uppsveitum Árnessýslu. Þar
að auki hefur verið sótt um bygging-
arleyfi fyrir 150 nýja bústaði á þessu
ári en allt árið í fyrra voru umsókn-
irnar alls 345.
Hilmar segir eftirsókn eftir sum-
arbústöðum í sveitarfélaginu hafa
aukist statt og stöðugt á síðast-
liðnum sex árum. „Það hefur verið
stanslaus aukning í þessu frá árinu
2000. Þetta eru aðallega verktakafyr-
irtæki sem eru að byggja núna en
einnig einstaklingar.“
A mikið inni
Viðar Böðvarsson, framkvæmda-
stjórafasteignasölunnarFoldar.segir
eftirspurn eftir sumarbústöðum
hafa farið vaxandi. „Það hefur verið
fjör á þessum markaði það sem af
er árinu. Venjulega er markaðurinn
að fara af stað í maí og júní en í ár
vorum við byrjaðir að selja bústaði
strax upp úr áramótum."
Að sögn Viðars eru svæði í ná-
grenni höfuðborgarinnar vinsælust
þó séu þeir til sem kjósi að kaupa
lengra í burtu. „Eins og er skiptir
staðsetning verulegu máli. Annars
eru eldri hús sem eru einföld og
lítil almennt ódýrari. Hins vegar
er verið að byggja mikið af glæsi-
legum bústöðum í dag með öllum
þægindum og þeir eru miklu dýrari.
Mín tilfinning er sú að verð muni
hækka á næstunni. Þessi markaður
er að taka seinna við sér en íbúða-
markaðurinn og hann á að mínu
mati talsvert inni.“
Fannst látinn
á Fjarðarheiði
Karlmaður á sjötugsaldri fannst
látinn á Fjarðarheiði, milli Seyð-
isfjarðar og Héraðs, rétt eftir
miðnætti aðfararnótt mánudags.
Maðurinn hafði farið á göngu-
skíði um sexleytið á sunnudag-
inn en þegar ekkert hafði spurst
til hans klukkan tíu um kvöldið
var farið að líta eftir honum. Að
sögn lögreglunnar á Seyðisfirði
fannst maðurinn skammt frá bif-
reið sinni og var hann þá látinn.
Á fleygiferð til móts við hið
óvænta
Æsilegur flótti
skjaldböku
Skjaldbakan Hóras hvarf úr
garði eiganda síns í Cardiff í Eng-
landi fyrir um átta mánuðum en
fannst á dögunum í bæjarjaðr-
inum. Hafði Hóras náð að ferðast
um 2,9 kílómetra frá heimili sínu
á þeim átta mánuðum sem hann
hafði nýtt til þess að skoða um-
heiminn. Þetta þýðir að hin hrað-
skreiða skjaldbaka ferðaðist um
12 metra vegalengd á hverjum
degi.
Þrátt fyrir þetta er Hóras ekki
hraðskreiðasta skjaldbakan í
sögu Englands. í september náði
skjaldbaka sem býr í norðaustur-
hluta Englands að ferðast um
rúma fjóra kílómetra á aðeins
þremur mánuðum. Þar sem
Hóras er aðeins sjö ára og fastlega
má búast við að hann eigi um 140
ár ólifuð verður að teljast líklegt
að hann eigi góða möguleika á að
bæta Englandsmetið.
Tíu ferðir á viku
1 drögum að samkomulagi
milli Vestmannaeyjabæjar og
Landsflugs er gert ráð fyrir
að flognar verði tíu ferðir á
viku milli Reykjavikur og Eyja.
Samkvæmt samkomulaginu
verður farskjótinn Fokker 50
flugvélar. Þetta kemur fram á
fréttavefnum sudurland.is.
Samkvæmt fréttavefnum
ábyrgist bæjarstjón Vest-
mannaeyja ákveðinn sæta-
fjölda í þessum ferðum. Verði
á farmiðum verður stillt mjög
í hóf en gert er ráð fyrir að
miði aðra leiðina muni kosta
4.900 krónur. Er samkomu-
lagið háð samþykki stjórnar
Landsflugs og bæjarstjórnar
Vestmannaeyja.