blaðið - 01.07.2006, Blaðsíða 6
6 I
LAUGARDAGUR 1. JÚLÍ 2006 blaðið
Alvarlegasta
ákæruliön-
um vísað frá
mbl.is | Héraðsdómur Reykja-
víkur vísaði í gær fyrsta ákæru-
lið af 19 í Baugsmálinu frá dómi.
Sá ákæruliður snýr að sölu Jóns
Ásgeirs Jóhannessonar á Vöru-
veltunni til Baugs. Dómurinn
hafnaði hins vegar kröfu verj-
enda um að vísa hinum átján
ákæruliðunum frá dómi.
Sigurður Tómas Magnússon,
sérstakur saksóknari í málinu,
lét hafa það eftir sér í gær að
það væri málinu ekki til fram-
dráttar að þessum ákærulið
hafi verið vísað frá dómi. Hann
telur líklegt að úrskurðurinn
verði kærður til Hæstaréttar.
Gestur Jónsson, verjandi
Jóns Ásgeirs, segist hafa búist
við þessari niðurstöðu. Ákæru-
liðurinn sem nú var vísað frá
dómi sé alvarlegasti ákærulið-
urinn gegn Jóni Ásgeiri, þar
sem hann sé ákærður um fjár-
svik. Önnur ákæruatriði snúist
fyrst og fremst um formbrot.
Gestur segir kjarna málsins að
saksóknara gangi illa að lýsa
meintum brotum. Það sé ekki
vegna þess að starfsmenn emb-
ættisins kunni ekki til verka,
en viðfangsefnið sé að setja
saman lýsingu á verknaði sem
sé ekki refsiverður.
„Nýtt slagorö bankans
er hæfilega frumlegt"
Landsbankinn heldur upp á 120 ára afmæli sitt í dag. Kjartan Gunnarsson, formaður
afmælisnefndar, segir stofnun bankans hafa verið lykilatriði í framfarasókn þjóðarinnar.
Eftir Atla fsleifsson
„Við ætlum að halda langa og mikla
afmælisveislu sem mun standa
i heilt ár. Hún hefst í dag með há-
tíðarhöldum í Reykjavík og á 13
öðrum stöðum utan höfuðborgar-
innar. Öllum landsmönnum er þvi
boðið í veisluna. Eins og í öðrum
veislum verður söngur, leikur,
glens og gaman,“ segir Kjartan
Gunnarsson, formaður afmælis-
nefndar Landsbankans.
Landsbanki fslands er 120 ára í
dag. Þann 1. júlí 1886 var bankinn
opnaður í Bakarabrekku, sem síðar
var nefnd eftir bankanum og heitir
í dag Bankastræti. Kjartan segir að
bankinn ætli að nota þetta tækifæri
til að skerpa á ýmsum hlutum, rifja
upp söguna, horfa til framtíðar og
undirstrika það að bankinn sé
síungt og öflugt fyrirtæki sem er
í alhliða sókn á öllum sviðum við-
skiptalífsins. „Við viljum sýna það
að við skiptum jafn miklu máli nú
og þegar fyrsti bankinn var opn-
Enn fjölgar
ógiftum og ein-
stæðum í Japan
Hlutfall eldri borgara er hvergi hærra í heimi
hér en í Japan. Landsmönnum fækkar.
Japanir hafa löngum haft áhyggjur af
lítilli fæðingatíðni og þeirri röskun
sem það ástand mála veldur í samfé-
laginu. Og nú hafa borist nýjar upp-
lýsingar sem fallnar eru til þess að
auka enn á áhyggjur ráðamanna og
atvinnulífs.
Hlutfall aldraðra er nú hvergi
hærra í heimi hér en í Japan. Sam-
kvæmt þeim upplýsingum sem nú
liggja fyrir eftir manntal sem gert var
eystra í fyrra er nú 21% þjóðarinnar
yfir 65 ára aldri. I fyrsta skipti mælist
þetta hlutfall nú hærra en á Ítalíu. Og
hvergi er hlutfall barna undir 15 ára
aldri lægra.
Ljóst þykir að nálgast þurfi þennan
vanda með nýjum hætti eigi að takast
að snúa þróuninni við.
Japanir hafa raunar löngum slegið
margvísleg „met” á þessu sviði en
nú þykir ljóst að vandinn sé enn al-
varlegri en margir höfðu ætlað. Nú
búa í Japan 27 miljónir eldri borgara,
rúmur fimmtungur þjóðarinnar líkt
og áður sagði. Fjórar milljónir manna
búa einar og hefur hlutfall einstæðra
aldrei verið hærra frá því þessar mæl-
ingar hófust árið 1920.
Þrjár af hverjum fimm ógiftar
Af sjálfu leiðir að sífellt færri stofna
til sambanda. Þrjár af hverjum fimm
konum sem nálgast þrítugt eru ógiftar.
Þriðjungur þeirra sem skriðnir eru
yfir þrítugt hefur enn ekki gengið í
hjónaband. Tæpur helmingur karla
á þessum aldri hefur enn eldci gengið
að eiga konu. Hlutfall ógiftra karla og
kvenna hefur aulcist um 5% frá því
síðasta manntal var gert fýrir fimm
árum
Japönum fer enn fækkandi.
Stjórnvöld hafa gripið til margvís-
legra úrræða til að fjölga barneignum.
Rfk áhersla er nú lögð á að bæta stöðu
barnafólks á ýmsan veg. Feður geta
nú tekið orlof og eru óspart hvattir
til að gera það og reynt er að auka
framboð á dagvist eftir föngum. Sveit-
arstjórnir starfrækja margar hjóna-
bandsmiðlanir sem auðvelda þeim
sem eru í makaleit lífið.
Kjartan
Gunnarsson
Japönum fer fækkandi og nú er svo komið að fimmti hver þeirra telst eldri borgari.
aður á sínum tíma. Stofnun Lands-
bankans var lykilatriði í framfara-
sókn íslensku þjóðarinnar."
Málverkasýning
Kjartan segir að næsta árið verði
120 atburðir af ýmsu tagi í tilefni af
afmælinu. „Sumir verða einungis
fyrir starfsmenn, en
aðrir einnig fyrir við-
skiptavini. Svo verða
einnig atburðir sem
eru enn almennari
og snerta alla. Þetta
skýrist hins vegar
betur eftir því sem
líður á árið. Við
vonumst til að sem
flestir landsmenn, hvarvetna á
landinu, sjái sér fært að taka þátt í
þessari veislu með okkur. Það eiga
allir landsmenn einhvers staðar
og einhvers konar samleið með
Landsbankanum.“
Á morgun, sunnudag, verður
opnuð málverkasýning á verkum
Jóhannesar Kjarvals í Gerðarsafni
í Kópavogi. Þar verða verk úr safni
bankans til sýnis. Sérstakur lista-
verkavefur verður jafnframt opn-
aður. „Þar verða öll helstu verk
bankans framvegis aðgengileg
fyrir allan heiminn á Netinu. f
næstu viku verða svo allir starfs-
staðir bankans í sérstökum hátíð-
arbúningi. Ýmislegt verður gert
þar til skemmtunar, bæði fyrir
viðskiptavini og starfsmenn,“ segir
Kjartan.
Hæfilega frumlegt
Afmælisnefnd bankans efndi til
hugmyndasamkeppni meðal starfs-
fólksins um kjörorð fyrir afmæl-
isárið og eins um atburði í tilefni
afmælisársins. „Langflestir af
þessum 120 atburðum eru byggðir
á tillögum úr þessari hugmynda-
samkeppni. Við ákváðum að breyta
kjörorði bankans á afmælisárinu í
Blaðið/Gundi
„Banki allra landsmanna í 120 ár.“
Það þótti hæfilega frumlegt,“ segir
Kjartan.
Landsbankinn er með starfsemi
í 12 þjóðlöndum og afmælisins er
þar alls staðar minnst. Afmælis-
veislan hefst í Reykjavík á hádegi
en klukkan 12.30 á öðrum stöðum
á landinu. „Ég hlakka mikið til
afmælisins. Ég hlakka alltaf til af-
mæla,“ segir Kjartan að lokum.
atlii@bladid.net
Reuters
Gammur á Canaveral-höfða
Gammur teygir úr sér á turni á Kennedy-geimferðastöðinni á Canaveral-höfða í Flórída
f Bandaríkjunum. Geimferjunni Discovery verður skotið á loft í dag ef allt gengur að
óskum og mun hún halda til alþjóðlegu geimstöðvarinnar. Þetta er f annað sinn sem
Bandaríska geimferðastofnunin sendir mannað far út í geiminn frá því geimferjan Col-
umbia fórst fyrir þremur árum. Sjö geimfarar verða um borð.
Mikill vöru-
skiptahalli
Vöruskiptahalli við útlönd
nam um 11 milljörðum króna
í maí síðastliðnum samkvæmt
tölum frá Hagstofu íslands.
Á fyrstu fimm mánuðum
ársins var halli á vöruskiptum
alls rúmir 52 milljarðar króna,
sem er nærri tvöfallt meiri
vöruskiptahalli en á sama
tímabili árið áður. Alls nam
verðmæti vöruinnflutnings
frá áramótum til maíloka
tæpum 143 milljörðum króna
en verðmæti útflutnings nam
rúmum 90 milljörðum.
Fjallað er um vöruskipta-
hallann í Morgunkorni
Glitnis í gær. Þar kemur fram
að hallinn sé í vaxtandi mæli
drifinn áfram af innflutningi
fjárfestingar- og rekstrarvara
fremur en einkaneyslu. Hins-
vegar kemur þar fram að líkur
séu á því að hallinn muni fara
minnkandi á næstunni.
„Otlit er fyrir að vöruskipta-
halli fari jafnt og þétt minnk-
andi á seinni hluta ársins
vegna aukins útflutnings áls
og annarra iðnaðarvara og
samdráttar í innflutningi var-
anlegra neysluvara á borð við
bifreiðar, raftæki og heimilis-
tæki. Vöruskiptahalli verður
þó verulegur á þessu ári en
þegar kemur fram á næsta
ár verður að likum mikill
viðsnúningur í stöðu utanrík-
isviðskipta. Mun halli á vöru-
skiptum dragast mikið saman
á næsta ári og að líkum verða
u.þ.b.helmingurafvöruskipta-
halla síðasta árs,“ segir í Morg-
unkorni Glitnis í gær.