blaðið - 29.09.2006, Blaðsíða 6

6 FÖSTUDAGUR 29. SEPTEMBER 2006
blaðið
Hundalíf í lyftu
Lögreglan þurfti að koma manni til bjargar sem
læstist í lyftu í fjölbýlishúsi í Reykjavík. Hann
ætlaði í lyftuna með tvo hunda en þeir hlupu út
þannig að ól flæktist í lyftunni. Lögreglan þurfti
að fá fagmann til að koma manninum út.
UMFERÐ
Trukkur keyrði á fólksbíl
Vörubifreið ók inn í hlið Volvo-bifreiðar á Reykja-
nesbraut í Breiðholti í gær. Ökumaður vörubifreið-
arinnar ætlaði að aka yfir á aðra aðrein en fór þá
inn í hlið fólksbílsins. Engin slys urðu á fólki en
fólksbíllinn skemmdist lítillega.
EFNAHAGSMÁL
Dregur úr verðbólgu
Verðbólgan hefur náð hámarki sínu og rólega mun draga úr henni
á næstu vikum og mánuðum samkvæmt spá Greiningar Glitnis
banka. Er gert ráð fyrir að verðbólgan muni minnka um 0,2 prósent-
ustig og mælast 7,4% í næsta mánuði. Einnig er spáð að matvörur
hækki á næstunni en á móti lækki eldsneyti og gisting.
Taílenski herinn:
Herinn gegn
ofurhetjum
Lögreglan í Taílandi handtók
Qóra leikara sem voru klæddir í
gervi japanskra ofurhetja í gær.
Þeir höfðu verið með ærslagang
fyrir framan skriðdreka sem
eru úti um allt vegna valdaráns
hersins. Mennirnir voru að vekja
athygli á því að sýningar eru að
fara að hefjast á japönskum sjón-
varpsþætti sem fjallar um íjórar
ofurhetjur. Herforingjastjórnin
hefur lagt blátt bann við því að
fólk sé með fiflalæti við skrið-
dreka og önnur vígtól á götum
borga landsins.
Taílenskur almenningur
virðist ánægður með að herinn
tók völdin í landinu en þrátt fyrir
það hefur herforingjastjórnin
einsett sér að gleðin fari ekki úr
böndunum. Á miðvikudag gaf
hún tilskipun sem meinar nekt-
ardansmeyjum að stunda iðju
sína fyrir framan skriðdreka og
hersveitir.
Maður yfirgaf slysstað þegar kona og barn þurftu aðstoð:
Keyrði burt frá slysstað
Slasaðist í bílveltu Brot á umferðarlögum ■ Tíu þúsund króna sekt
Eftir Val Grettisonn
valur@bladid.net
,Ég var að aka á eftir rauðum bíl
þegar bíllinn minn fór að rása og
svo valt hann,“ segir kona sem slas-
aðist nokkuð þegar jeppi sem hún
ók valt á Grafningsvegi á miðviku-
daginn. Maður sem ók bifreiðinni
á undan henni stoppaði þegar slysið
varð. Hann steig út úr bílnum, gekk
að aftari hluta bílsins, skoðaði slys-
staðinn og ók svo á brott án þess
að huga að konunni, sem ekki vill
koma fram undir nafni.
„Bíllinn var á hliðinni og það eina
sem ég hugsaði um var að koma
barninu mínu úr honum,“ segir
konan, furðu lostin yfir hegðun
mannsins. Hún segist hafa horft á
hann þegar hún var föst í bílnum
og sýndist hann í fyrstu vera að at-
huga dekkin á eigin bifreið. Barnið
hennar, sem er fjögurra ára gamalt,
komst út klakklaust en þá ók maður-
inn á brott.
„Ég hélt fyrst að ég væri hrein-
lega að ímynda mér þennan bíl,“
segir konan en eiginmaður hennar
ók strax til hennar eftir að hún
hringdi í hann og segist hann hafa
mætt rauða bílnum. Ökumaðurinn
blikkaði eiginmann hennar og segir
konan að hún hafi ekki vitað hvers
vegna hann gerði það.
„Þegar maður sér bíl í nauð þá
stoppar maður og athugar hvort ekki
sé allt í lagi, í það minnsta hringir
maður eftir hjálp," segir konan,
furðu lostin yfir hegðun mannsins.
„Þetta er ótrúlega ómerkilegt og ég
er ekki viss hvort það sé hreinlega
nógu sterkt orð yfir þessa hegðun,“
segir Ingvar Guðmundsson, varð-
stjóri lögreglunnar á Selfossi. Hann
segir að það sé brot á umferðar-
lögum að koma einstaklingum ekki
til hjálpar. Við því liggur tíu þúsund
króna sekt.
Að sögn Ingvars gerist svona
lagað sorglega oft og skeytingarleysi
líkt og þetta sé hræðilegt.
„Svo skapast umferðaröngþveiti
þegar fólk sér lögreglubíl úti í
kanti með ljósin á, þó svo að þá sé
engrar aðstoðar þörf,“ segir Ingvar,
ómyrkur í máli.

Langar þig að hitta á hverjum degi
Fjölbreytt atvinnutækifæri hjá Hrafnistu
Hrafnista Reykjavík
Aðhlynning
Starfsfólk óskast í aðhlynningu.
Vaktavinna eða bara virka daga.
Starfshlutfall og vinnutími samkomulag.
Einnig eru í boði stuttar vaktir.
Nánari upplýsingar veitir starfsmannaþjónustan
í síma 585 9529 og á hrafnistaás
Vífiilsstaðir, Garðabœ
Aðhlynning
Okkur vantar starfsfólk i aðhlynningu á
morgun-, kvöld- og helgarvaktir.
Einnig vaktir frá kl. 8:00 -13:00 alla daga.
Unnið skv. Time Care vaktavinnukerfinu,
sveigjanlegur vinnutími.
Nánari upplýsingar veitir Ingibjörg Tómasdóttir
hjúkrunarstjóri í síma 599 7011 og 664 9560.
HRAFNISTA
Hrafnista Hafnarfirði
Aðhlynning
Starfsfólk óskast í aðhlynningu.
Vaktavinna eða bara virka daga.
Starfshlutfall og vinnutími samkomulag.
Einnig eru í boði stuttar vaktir.
Nánari upplýsingar veitir starfsmannaþjónustan
ísíma 585 9529 og á hrafnista.is
Einnig er hægt að sækja um
atvinnu á heimasíðu Hrafnistu.
á Hrafnistu
www.hrafnista.is
bankastjóra
iðnaðarmann
kennara,
forstjóra,
fiskvinnslukonu,
framkvœmdastjóra,
verkamann,
verðbréfasala,
skipstjóra,
háskólaprófessor,
húsfreyju,
dansara,
íþróttamann,
ráðuneytisstjóra,
nikkara,
lœkni,
Ijóðskáld
og lífsglaðan sjóara?