blaðið - 30.12.2006, Blaðsíða 6

6 LAUGARDAGUR 30. DESEMBER 2006
blaöiö
INNLENT
ATVINNULAUSIR
Bætur hækka
Grunnatvinnuleysisbætur hækka um rúmar þrjú
þúsund krónur um áramótin úr 111 þúsund krónum
í rúmar 114 þúsund. Þá hækka greiðslur á atvinnu-
leysisdag hjá þeim sem eru með fullar bætur úr
5.123 krónum í 5.272 krónur.
SAMGÖNGURÁÐUNEYTIÐ
Flugstoöir næstu tvö ár
Samgönguráðuneytið og opinbera hlutafélagið Flug-
stoðir skrifuðu undir þjónustusamning um starfsemi
félagsins næstu tvö árin í gær. Samningurinn tekur
til kaupa ráðuneytisins á þjónustu Flugstoða á sviði
reksturs flugvalla og flugleiðsöguþjónustu.
HEIMILI
Minni yfirdráttur
Yfirdráttarlán heimilanna minnkuðu um þrjá milljarða
króna á fyrstu ellefu mánuðum þessa árs samkvæmt
hagtölum Seðlabankans. f byrjun janúarmánaðar
námu heildaryfirdráttarlán heimilanna rúmum 72 miilj-
örðum en í lok nóvember voru þau um 69 milljarðar.
Sjálfstæðisflokkurinn:
Andri þegir
Davíð Oddsson, fyrrverandi for-
maður Sjálfstæðisflokksins, gagn-
rýnir Andra Óttarsson, nýráðinn
framkvæmdastjóra flokksins, í
viðtali sem birtist í norræna tíma-
ritinu Nordisk Tidskrift í vikunni.
Þar segist Davíð ekki skilja þau
ummæli Andra að hans fyrsta verk
sem framkvæmdastjóri yrði að
sameina flokkinn fyrir kosningar.
„Ég veit ekki hvað þessi ágæti
maður er að tala um,“ er haft eftir
Davíð í tímaritinu.
Andri kaus að tjá sig ekki um
málið þegar blaðamaður setti sig í
samband við hann í gær.
Opið virka daga: 10-18, lau: 11-16 Reykjavík: Mörkin 4, s: 533 3500
FYRIR FULLT OG ALLT
Þú átt það skilið
Ég reykti eins og
andskotinn sjálfur í 25
ár! Undirþað síðasta lét
ég mig ekki muna um að
reykja upp úr tveimur og
allt að þremur pökkum
afPrince á hverjum degi!
Ég veit hvað ég er að
tala um! Ég veit hvernig
þériíður'.Ég veit
hvernig það er að vera
reykingamaður!
Trúðumér! Veistu
hvað-égermeð
slæmar fréttir og
góðar fréttir.
Ef þú ert til í að fá bæði
slæmu og góðu fréttirnar, þá
skaltu lesa bókina
Fyrst ég gat hætt, getur þú
það líka eftir Valgeir
Skagfjörð leikara. Þar
deilir hann með okkur
reykingasögu sinni og
útskýrir afdrifaríkt
hugmyndakerfi sem varð til
þess að hann drap í
-fyrirfullt og allt.
Þú getur það líka.
Valgeir heldur námskeið öll
miðvikudagskvöld í janúar, skráning í
síma 661-2547 eða í valska@simnet.is
VELKOMIN I' FORLAGSVERLSUN SÖLKU í SKIPHOLTI 50C.
KOMDU OG GERÐU GÓÐ KAUP í JANÚAR.
WWW.SALKAFORLAG.IS fialVa
Gæða sængur
og heilsukoddar.

Þjófagengi á ferð Verslunarmenn
hafa af því áhyggjur að þjófagengi
flakki óáreitt milli verslana og
stundi skipulagða þjófnaði i hópum.
Skipulagt búðarhnupl útlendinga vaxandi vandamál:
Hafa atvinnu af
búðarþjófnaði
■ Aukin vakt hjá lögreglunni ■ Vilja hert viðurlög ■ Þjófagengi að myndast
Eftir Trausta Hafsteinsson
trausti@bladid.net
„Þetta er orðið mikið vandamál
hérna og þjófarnir eru orðnir mjög
færir í sínu fagi. Þetta er algjörlega
nýtt fyrir manni því oftast hafa
bara verið krakkar sem standa í
þessu. Nú er orðinn til hópur at-
vinnumanna og starfsemin virðist
vera skipulögð,“ segir verslunar-
stjóri tískuverslunar í Kringlunni.
Fyrir hátiðirnar hefur búðarhnupl
verið áberandi og verslunarmenn
hafa áhyggjur af útlendingum
sem stunda skipulagða þjófnaði í
hópum.
SigurjónÞórðarson.framkvæmda-
stjóri Kringlunnar, staðfestir vand-
ann. „Við höfum vissulega orðið
vör við hópa sem starfa saman að
þjófnuðum. Verslunareigendur
hafa orðið fyrir barðinu á þessum
hópum,“ segir Sigurjón.
Lögregian bregst við
Geir Jón Þórisson, yfirlögreglu-
þjónn lögreglunnar í Reykjavík,
segir lögregluna hafa unnið í sam-
starfi við verslunareigendur til að
bregðast við auknu búðarhnupli.
Aukin vakt lögreglumanna var sett
á í stóru verslunarkjörnunum. „Nú
fyrir jólin hefur borið mikið á búðar-
hnupli og ljóst að slíkt er nú stundað
í hópum. Meira hefur verið tekið
eftir þessu í ár en áður. Það verður
að segjast eins og er að það er tölu-
vert um fólk af erlendu bergi brotið
í þessu,“ segir Geir Jón.
Þjófagengi á ferð
Sigurður Jónsson, formaður Sam-
taka verslunar og þjónustu, hefur
vaxandi áhyggjur af hópþjófnuðum
og segir mikilvægt að ræða málin
eins og þau eru, þó án allra fordóma.
„Það virðast vera að myndast þjófa-
gengi sem fara um og stela. Við
höfum haft af þessu áhyggjur í tölu-
verðan tíma og mikilvægt að taka á
þessu,“ segir Sigurður. „Hingað til
hafa menn ekki viljað tala um þetta
því umræðan um útlendinga er við-
kvæm. Ef þetta er tilfellið þá skulum
við einfaldlega tala um hlutina eins
og þeir eru.“
Herða viðurlög
Heimildarmenn Blaðsins telja
mikilvægt að herða viðurlög við
þjófnuðum hér á landi. „Þetta er
. Þjófagengi eru
| 0 ' að myndast
sem fara um
og stela.
. SigurðurJónsson,
formaður Samtaka
verslunar og þjónustu
Ljóstaðþjófn-
aðir eru nú
stundaðiri
hópum.
Geir Jón Þórisson,
yfirlögregluþjónn
mikið í umræðunni meðal verslun-
arfólks hér í Kringlunni og margir
á því að herða þurfi viðurlög við
þessu. Persónulega finnst mér að
þegar einhver væri tekinn í búð
ætti að keyra með hann beint til
Keflavíkurflugvallar og senda við-
komandi heim til sín,“ segir versl-
unarstjórinn sem Blaðið ræddi við.
„Vandamálið mun halda áfram
að vaxa á meðan engar refsingar
fást fyrir þetta. Þetta virðist orðin
atvinnugrein þar sem útlending-
arnir eru iðulega að sækjast eftir
ákveðnum vörum í hvert sinn."
Mummi í Götusmiðjunni segir unga fíkla ekki fá aðstoð eftir á:
Bæjaryfirvöld skammist sín
Eftir Val Grettisson
valur@bladid.net
„Maður heyrir það allt of oft að
krakkar séu að byrja ellefu, tólf ára
og þá í harðri neyslu," segir Guð-
mundur Týr Þórarinsson sem rekur
Götusmiðjuna sem er meðferðarúr-
ræði fyrir unglinga með vímuefna-
vandamál. Hann bendir á að félags-
málayfirvöld bæjarfélaga standi sig
alls ekki í stykkinu þegar kemur að
eftirmeðferð unglinga sem koma út
úr meðferð.
Samkvæmt skýrslu sem félags-
málaráðuneytið sendi frá sér vegna
Byrgisins kemur fram að meðal-
GuðmundurTýr Þórarinsson For-
stööumaöur Götusmiöjunnar.
aldur þeirra sem koma í Byrgið sé
nú sjö árum lægri en var árið 2003.
„Ástæðan er sú að það bíður þeirra
ekkert þegar þau koma úr meðferð,"
segir Guðmundur Týr og bendir á
að þau falli oft og tíðum á ný í vímu-
efnaneyslu. Þá lendi þau í harðari
neyslu en fyrr og að lokum fari þau í
Byrgið til þess að leita sér hjálpar.
„Sveitarfélögin ættu hreinlega að
skammast sín með stóru essi,“ segir
Guðmundur og vill meina að það sé
hægðarleikur að koma í veg fyrir
að neysla barnanna nái svo langt.
Hann segir að ef sveitarfélög myndu
gegna lögbundinni skyldu sinni
og sjá um börnin þegar þau koma
úr meðferð mætti koma í veg fyrir
þessa hryllilegu þróun.
Ekki náðist í velferðarsvið
Reykjavíkurborgar.