blaðið - 30.01.2007, Blaðsíða 6
6 ÞRIÐJUDAGUR 30. JANÚAR 2007
blaöiö
HBli
Fagna gjaldfrjálsum strætó
Farþegum með strætisvögnum Akureyrar hefur
fjölgað um 60 prósent frá því að fargjöld voru felld
niður um síðustu áramót. Þeim fréttum fagna SUNN,
Samtök um náttúruvernd á Norðurlandi, og segja
það sýna að ákvörðunin hafi verið tímabær.
AKUREYRI
Ur öndunarvél á næstu dögum
Ástand vélsleðamannsins sem lenti í snjóflóði norðan við
skíðasvæðið í Hlíðarfjalli við Akureyri þann 21. janúar fer
batnandi samkvæmt upplýsingum frá Fjórðungssjúkrahúsinu
á Akureyri. Manninum er enn haldið sofandi í öndunarvél en
ágætar líkur eru á að hann losni úr henni á næstu dögum.
SPILASALUR i MJÓDD
Þreifingar í gangi
Ekki er komin niðurstaða um hvort spilasalur
Háspennu verður opnaður í Mjódd á árinu, en ein-
hverjar þreifingar munu vera í gangi um málið hjá
borgaryfirvöldum. 3.000 manns skrifað hafa ritað
nafn sitt á lista til að mótmæla staðsetningunni.
Sprengjuleifar dreifðar um landið:
Notuðu 73 svæði
Samtals 73 svæði á landinu voru
notuð undir skot- og sprengju-
æfingar Bandaríkjahers frá því í
seinni heimsstyrjöldinni. Þetta
kemur fram í svari utanríkisráð-
herra við fyrirspurn Jóns Gunnars-
sonar um hvaða svæði hafi verið
notuð til slíks brúks.
Flest svæðanna eru á höfuðborg-
arsvæðinu en um 24.000 hektara
lands er að ræða víðsvegar um
landið ef meðtalin eru önnur 27
svæði sem engar upplýsingar hafa
borist um ennþá frá Bretlandi. Því
gæti talan farið úr 73 svæðum í 90
Eftirmál flugslyssins í Hvalfirði:
Nemi fær bætur
víðsvegar um landið. Þá er enn
unnið að hreinsun svæðanna sem
mun ekki ljúka fyrr en árið 2012
en það er Landhelgisgæslan sem
ber ábyrgð á henni.
Flugskóla hefur verið gert að
greiða nemanda bætur að upphæð
rúmlega þrjár milljónir króna.
Forsaga málsins er sú að flug-
kennari á vegum skólans var með
nemandanum í flugkennslu en
tapaði áttum sökum éljagangs
með þeim afleiðingum að vélin
brotlenti við Eystra-Miðfell í Hval-
firði. Hlaut nemandinn varanlega
örorku en kennarinn slapp með
minniháttar meiðsli. Vátrygg-
ingafélagið var sýknað af öllum
kröfum á grundvelli þess að nem-
andinn var ekki talinn farþegi í vél-
inni. ÞettasegirMagnús Guðlaugs-
son hrl., verjandi flugnemans,
vera hneyksli. „Það er hneyksli að
flugnemar séu ekki tryggðir sem
farþegar. Ef það er ekki gefinn út
farmiði og áfangastaður þá eru
þeir ekki farþegar og njóta ekki
sömu réttinda og trygginga og
þeim ber. Þetta er mjög undarleg
niðurstaða.“
Magnús tók fram að það séu yf-
irgnæfandi líkur á að málið fari
fyrir Hæstarétt.
Framsóknarflokkurinn:
Eygló ekki sátt
Kjördæmisþing Framsóknar-
flokksins í Suðurkjördæmi ákvað
um helgina að Helga Sigrún Harð-
ardóttir taki þriðja sætið á lista
flokksins fyrir Alþingiskosning-
arnar í vor. Eygló Harðardóttir,
sem hafnaði í fjórða sæti í próf-
kjörinu sóttist eftir að verða færð
upp í þriðja sætið eftir að Hjálmar
Árnason ákvað að taka ekki sæti á
listanum.
„Ég er ekki sátt við þessa niður-
stöðu en mun una henni enda
er það þannig í pólitík að maður
getur ekki alltaf unnið. Ég og mínir
stuðningsmenn lögðum áherslu á
fyrir þingið að málið snérist ekki
um þúfupólitík heldur að tefla
fram sterkum frambjóðendum
og lúta reglum lýðræðisins. Flest
okkar tóku þátt í prófkjörinu með
það í huga.“
Árás í Bangkok islendingur varskorinn á háls i
Bangkok þar sem hann var staddur í heimsókn
hjá fjölskyldu eiginkonu sinnar. Hann segir árásina
tilefnislausa þar sem þrír menn réðust á hann
snemma morguns er hann var í göngutúr.
MyndrSveimViliieimson-
k )Æm ! 1 m
- í 14
Lífshættuleg ferð íslendings með fjölskyldu sinni í Taílandi:
Var skorinn á
háls með sverði
■ Tilefnislaus árás ■ Náði að hoppa upp í leigubíl ■ Kærði ekki
Eftir Trausta Hafsteinsson
trausti@bladid.net
,Það þurfti að sauma töluvert og í
kjölfarið fór ég í lýtaaðgerð þannig
að nú sést ekki mikið. Ég þekkti
ekkert þessa menn en allt í einu var
bara rifið upp sverð og höggvið,"
segir Þórarinn Sveinsson, bóndi í
Krossdal í Norður-Þingeyjarsýslu.
I desember fór hann til Taílands
til að hitta fjölskyldu eiginkonu
sinnar og var lítið barn þeirra
með í för. Þrír ungir menn réðust
á hann einn morguninn og skáru
hann á háls með sverði. Til allrar
lukku skarst ekki á stórar æðar
og náði hann að komast af sjálfs-
dáðum á spítala í Bangkok. Þar
dvaldi Þórarinn í tvo sólarhringa
þar sem hann var svæfður og
saumaður.
Náði 1' leigubíl
Aðspurður segist Þórarinn hafa
vaknað snemma einn morguninn
og ákvað að taka sér göngutúr um
hverfið. Á rölti yfir brú komu árás-
armennirnir á móti honum. „Ég var
bara skorinn á háls og það blæddi
talsvert. Ég hljóp strax í burtu og
sem betur fer var leigubíll á leið
framhjá á sama tíma. Eg komst upp
í bílinn og bílstjórinn ók mér beint á
spítala,“ segir Þórarinn. „Ég náði að
sjá einn árásarmannanna nokkuð
vel en af hræðslu sneri ég mér ekki
við til að sjá hina. Ég gaf skýrslu en
kærði ekki til lögreglu því ég nennti
ekki að eyða fríinu í slíkt stand.“
Algjörlega tilefnislaust
Árásin átti sér stað utan almenns
ferðamannasvæðis og Þórarinn segir
hanahafaveriðalgjörlegatilefnislausa.
—^r Égvarbaraá vitlausum stað á
vitlausum tíma
- Þórarinn Sveinsson,
bóndi
Hann bendir á að töluverð læti hafi
verið í landinu áður en árásin átti sér
stað. „Ég þekkti ekki þessa menn en
lögreglan sagði mér að nokkrar árásir
hefðu átt sér stað á þessum sama
stað. Ég var bara á gangi snemma um
morguninn þegar þeir birtust allt í
einu,“ segir Þórarinn. „Ég veit ekki
almennilega af hverju þetta gerðist en
ímynda mér að það hafi verið vegna
peningaskorts. Áuðvitað fékk konan
mikið sjokk eftir þetta en ég er alveg
í lagi. Ég var bara á vitlausum stað á
vitlausum tíma.“
Sprengjuárás í bakaríi í ísrael:
Þrír létust í sprengingu
Þrír létust og nokkrir særðust
í sjálfsvígsárás Palestínumanns í
ferðamannabænum Eilat í suður-
hluta ísraels í gærmorgun. Árásin
var gerð í bakaríi og mátti finna lík-
amshluta á víð og dreif umhverfis
bakaríið. í kjölfarið lýstu þrír palest-
ínskir hópar árásinni á hendur sér.
Hóparnir sögðu sprengjumanninn
hafa verið 21 árs Palestínumann frá
Gasa og að hann hafi komið til borg-
arinnar Eilat um Jórdaníu. Hóparnir
sögðu að byrjað hefði verið að skipu-
leggja árásina fyrir sjö mánuðum
og vöruðu þeir við að fleiri árásir
kynnu að fylgja í kjölfarið. Lögreglu-
stjóri Eilat sagði í gær að hann óttað-
ist að fleiri hryðjuverkamenn kynnu
að ganga lausir í borginni.
Hamas-samtökin, sem leiða rík-
isstjórn Palestínumanna, sögðu
árásina vera eðlileg viðbrögð við
aðgerðum Israelsmanna á Vestur-
bakkanum og á Gasaströndinni, en
Mahmoud Abbas Palestinuforseti
fordæmdi hins vegar árásina. Síð-
asta sjálfsmorðssprengjuárás Palest-
ínumanns í Israel var á veitingastað
í Tel Aviv í apríl siðastliðnum þar
sem tíu manns létust.