blaðið - 04.07.2007, Page 16

MIÐVIKUDAGUR 4. JUtl 2007
KOLLAOGKÚLTÚRINN
kolbrun@bladid.net
Eilíf hamingja. Enginn
lifandi maður gæti afborið
slíkt, það yrði helvíti á jörð.
George Bernard Shaw
Wt
IV?
Súkkulaðifjöll
Brynhildar
Hvernig á að baka virkt
eldfjall og hvernig bragðast
súkkulaðifjöll eru spurningar
sem Brynhildur Pálsdóttir
vöruhönnuður mun svara á
hádegisstefnumóti á Kjarvals-
stöðum fimmtudaginn júlí
Súkkulaðifjöll Brynhildar eru
byggð á einskonar jarðfræði:
Kvikuhólfin eru úr karamellu,
bólstrabergið er hnetufylling,
snjóalög verða hvítt súkkulaði,
svartir hamrar dökkt súkku-
laði. Súkkulaðifjöllin hannaði
Brynhildur í samstarfi við
Hafliða Ragnarsson, súkkulaði-
sérfræðing og bakara.
Súkkulaðimolana er hægt að
kaupa í safnverslun Kjarvals-
staða ásamt fjölbreyttu úrvali
af hönnunarmunum.
Harpa Pórsdottir „Gestir safnsins,
bæði (slendingar og útlendingar, eru
greinilega mjög ánægðir að sjá verk
Svavars á þessari sýningu, staldra við,
horfa á þau og spá og spekúlera.”

Mynd/Eyþór
Myndir frá
Norðurlandi
Jón Ingi Sigurmundsson hefur
opnað málverkasýningu í veit-
ingahúsinu Kaffi Lísa á Hjalt-
eyri. Á sýningunni eru vatns-
lita-, olíu- og pastelmyndir
og er myndefnið aðallega frá
Hjalteyri, Akureyri og víðar
að á Norðurlandi. Þetta er
32. sýning Jóns Inga, en hann
, hefur sýnt víða á Suðurlandi og
á Norðurlandi.
Sýning
störf
um
Huldu
í tilefni af því að nú eru liðin 50
ár frá því að Hulda Jakobsdóttir
varð bæjarstjóri í Kópavogi,
fyrst kvenna á íslandi, verður
opnuð sýning um störf hennar
í Bókasafni
Kópavogs,
Hamraborg 6
a, í dag, mið-
vikudaginn 4.
júlí klukkan 17.
Sýningin
samanstendur
afmunum í
eigu afkom-
enda Huldu
Jakobsdóttur
auk opinberra skjala sem
geymd eru í Héraðsskjalasafni
Kópavogs. Að sýningunni
standa auk jafnréttisnefndar af-
komendur Huldu. Að dagskrá
lokinni fer fram afhending
árlegrar jafnréttisviðurkenn-
ingar nefndarinnar sem nú er
veitt í sjötta sinn.
Hulda
Jakobsdóttir
AFMÆLI í DAG
Nathaniel Hawthorne
rithöfundur, 1804
Louis B. Mayer
kvikmyndaframleiðandi, 1885
Calvin Coolidge forseti, 1872
Síðasta sýningarvika á Cobra Reykjavík
■I.
Svavar settur í samhengi
Sýningunni Cobra Reykja-
vík í Listasafni íslands fer
senn að Ijúka. Harpa Þórs-
dóttir deildarstjóri segir
að með sýningunni hafi
Svavar Guðnason verið
stimplaður rækilega inn í
Cobra-hópinn.
Eftir Kolbrúnu Bergþórsdóttur
kolbrun@bladid.net
Þessa dagana er síðasta sýningar-
vika Cobra Reykjavík i Listasafni
fslands. Á sýningunni eru um 120
listaverk eftir 29 listamenn. Verkin
koma úr einkasöfnum, einkaeign
og opinberum söfnum á Norður-
löndum. Héðan fer sýningin til
Silkiborgar í Danmörku og þaðan
til Þrándheims í Noregi.
Spáð og spekúlerað
„Stóri viðburðurinn í sambandi
við þessa sýningu er að þar er Svavar
Guðnason stimplaður rækilega inn
í Cobra-hópinn,“ segir Harpa Þórs-
dóttir, deildarstjóri sýningardeildar
Listasafns íslands. „Hlutur Svavars
í Cobra-samhenginu hefur aldrei
Ofstækismaður eftir Svavar
Guðnason.
verið nógu mikið ræddur. Þeir sér-
fræðingar sem skrifa um Cobra eru
á einu máli um að telja beri Svavar
til Cobra-hópsins. Hann sýndi með
þessum listamönnum fyrir og eftir
hið eiginlega Cobra-tímabil sem var
á árunum kringum 1950, fjallað var
um hann í Cobra-blöðunum sem
gefin voru út og Svavar var í miklu
vinfengi við flesta úr þessum hópi.
Það er engin spurning að verk hans
kallast á við það sem þeir voru að
gera á ákveðnum tíma. Ég held að
þáttur Svavars í hinu alþjóðlega
myndlistarsamhengi eigi eftir að
aukast. Það gerist einmitt með sýn-
ingu eins og þessari og hún er því
stórviðburður hvað þetta varðar.
Gestir safnsins, bæði fslendingar
og útlendingar, eru greinilega mjög
ánægðir að sjá verk Svarars á þess-
ari sýningu, staldra við, horfa á þau
og spá og spekúlera.”
Málverki hleypt úr landi
Á Cobra-sýningunni er að finna
fyrsta abstrakt-expressjóníska mál-
verkið sem málað var í Danmörku
og er oft vísað til þessa verks sem
fyrsta Cobra-málverksins. Það nefn-
ist Ophobning, frá árinu 1937 eftir
Egil Jacobsen. Verkið hefur ekki
fyrr verið sýnt utan Danmerkur í
marga áratugi. „Mörg listasöfn hafa
beðið um að fá myndina lánaða á
Cobra-sýningar og aðrar sýningar
um abstraktlist. Þeim beiðnum
hefur alltaf verið hafnað sökum list-
sögulegs mikilvægis en í ljósi þess
að Listasafn íslands var að leggja
út í mikla og stóra sýningu með
verkum frá Norðurlöndunum ákvað
safnstjóri Statens Museum, þar sem
myndin er varðveitt, að leyfa í þetta
HREYFINGIN
Cobra-hópurinn var alþjóð-
ieg hreyfing listamanna
sem starfaði á árunum1948-
1951.
Hreyfingin var stofnuð af
myndlistarmönnum frá Dan-
mörku, Belgíu og Hollandi.
Cobra-nafnið er samsett úr
upphafsstöfum höfuðborga
landanna þriggja.
eina skipti að myndin færi úr landi.
Við áttum ekki von á þessu og það er
mjög ánægjulegt að hafa myndina á
sýningunni," segir Harpa. „í mynd-
inni endurspeglast margt af ein-
kennum Cobra-málverksins, verið
er að brjótast úr ákveðnum viðjum
og óheftri tjáningu er hleypt að.“
Síðasti sýningardagur Cobra-sýn-
ingarinnar er á sunnudag. Harpa
segir aðsóknina hafa verið mjög
góða en frítt er inn á safnið. „Hingað
kemur fólk aftur og aftur og mikið
er um að fjölskyldur geri sér ferð í
safnið. Á þessu rúma ári eftir að að-
gangseyrir var felldur niður hefur
aðsóknin tvöfaldast sem er mikið
fagnaðarefni fyrir safnið."
►
►
►
MENNINGARMOLINN

Sjálfstæðisyfirlýs-
ingin undirrituð
Á þessum degi árið 1776 var sjálf-
stæðisyfirlýsing Bandaríkjanna
undirrituð. Forsagan er sú að íbúar
nýlendna í norðurríkjunum sættu
sig illa við stjórnunarhætti Breta
og háa tollastefnu þeirra. Árið 1775
braust út stríð milli Breta og ný-
lendubúanna. Hinn 4. júlí 1776 lýstu
þrettán breskar nýlendur yfir sjálf-
stæði og sjálfstæðisyfirlýsing var
undirrituð. Frelsisstríðinu lauk ekki
fyrr en 1783. Stjórnarskrá Bandaríkj-
anna tók gildi árið 1789.
George Washington, sem var yfir-
maður í her uppreisnarmanna, varð
fyrsti forseti Bandaríkjanna. Hann
var einkar ástsæll forseti og þegar
hann lést árið 1799 var hann sárt
syrgður af þjóð sinni.
4. júlí er þjóðhátíðardagur
Bandaríkjanna.