blaðið - 30.08.2007, Blaðsíða 20

4
FIMMTUDAGUR 30. ÁGÚST 2007
blaöið
KOLLAOGKÚLTÚRINN
kolbrun@bladid.net

Besta leiðin til að fá viðurkenningu er
að þurfa ekki á henni að halda.
Hugh Macleod
Frumflutningur
á Dvorak-verki
Trio Nordica með þeim Auði
Hafsteinsdóttur fiðiuleikara,
Bryndísi Höllu Gylfadóttur sel-
lóleikara og Monu Sandström
píanóleikara flytur Dumky-
tríóið eftir Dvorak, tvö tríó
eftir Piazzolla og píanótríó
eftir Elfrida Andrée á tón-
leikum í Listasafni Sigurjóns
næstkomandi þriðjudag, 4.
september, kl. 20:30. Er þetta
frumflutningur verksins hér á
landi.
Trio Nordica var stofnað árið
1993 og hefur leikið víðs vegar
í Evrópu og Bandaríkjunum
þar á meðal í Skandinavíu, Eng-
landi, Frakklandi, Ítalíu og á Is-
landi. Auk þess að leika helstu
verk fyrir píanótríó ieitast
Trio Nordica við að flytja verk
eftir kventónskáld og tónskáld
samtímans.
AFMÆLI í DAG
Mary Shelley skáldkona, 1797
Jacques-Louis David
málari, 1748
Cameron Diaz leikkona, 1972
METSÖLULISTI
íslenskar bækur
1. Leyndarmálið
Rhonda Byrne
2. Ensk islensk orðabók - gul
Orðabókaútgáfan
3. Dönsk íslensk orðabók - gul
Orðabókaútgáfan
4. Made in lceland - ensk
Sigurgeir Sigurjónsson
5. íslensk dönsk/Dönsk íslensk vasa-
orðabók Halldóra Jónsdóttir
6. Blóðberg - kilja
Ævar Örn Jósepsson
7. Lost in lceland - ensk
Sigurgeir Sigurjónsson
8. Galdrastelpur skóladagbók
Walt Disney
9. Flugdrekahlauparinn - kilja
Khaled Hosseini
10. Konungsbók - kilja
Arnaldur Indriðason
Listinn er gerður út frá sölu dagana 22.08
- 28.08 í Pennanum Eymundsson og Bóka-
búð Máls og menningar.
Tryggvi Ólafsson hyggst snúa heim til íslands
Hormonarnir vita
alltaf hvað beir vi
Tryggvi Ólafsson listmál-
ari er að jafna sig eftir
alvarlegt slys. Listaverka-
bók með úrvali verka eftir
hann er væntanleg og
myndlistarsafn í Neskaup-
stað sem kennt er við
hann hefur verið gert að
sjálfseignarstofnun.
Eftir Kolbrúnu Bergþórsdóttur
kolbrun@bladid.net
Tryggvi Ólafsson myndlistar-
maður, sem búið hefur í Danmörku
síðustu áratugi, hefur hug á að flytj-
ast aftur til íslands. í janúar síðast-
liðnum varð Tryggvi fyrir alvarlegu
slysi þegar hann féll aftur fyrir sig á
svölum og fékk högg á mænuna.
„Ég lá á gjörgæslu, var ( öndun-
arvél, var tvisvar skorinn upp en
braggaðist fljótt,“ segir Tryggvi sem
er staddur hér á landi og fer ferða
sinna í hjólastól. „í dag er ég heilsu-
hraustur fyrir utan illan krampa í
fótunum. Ég get gengið með stuðn-
ingi og mjakað mér áfram en ekki
gengið hratt eða eðlilega því þá er
eins og fimmtíu gúmmíteygjur séu
að toga mig hina leiðina. Ef ég losna
ekki við krampann þá verð ég bara
að samþykkja að mála í hjólastól. Ég
trúi því þó enn að ég nái fullri heilsu
og ég veit að besta æfingin í því að
ganga er að ganga. Það er nægur
vilji fyrir hendi og þetta kemur. Ég
hef ekki fyllst neinu þunglyndi
vegna þessa slyss. Ég grínast bara
við hjúkrunarkonurnar sem eru
bæði góðar við mig og harðhentar
- eins og þær eiga að vera.
Það stendur til að flytja til lands-
ins. Ég hef alltaf ætlað mér að flytja
hingað áður en ég yrði elliær því það
er ekkert vit í því að enda á dönsku
elliheimili þegar maður á tíu barna-
börn á íslandi. Slysið flýtir fyrir
heimkomunni sem ég geri ráð fyrir
að verði innan árs ef allt gengur að
óskum.“
Gat ekki afþakkað að búa til safn
I Neskaupstað hefur frá árinu
2001 verið rekið Myndlistarsafn
Tryggva Ólafssonar sem fyrir ör-
fáum dögum var gert að sjálfseign-
arstofnun. Markmiðið með stofnun
safnsins er að safna myndum eftir
Tryggva, varðveita þær og halda á
þeim sýningar í húsnæði safnsins
í Neskaupstað en þar ólst Tryggvi
upp til sextán ára aldurs. Safneignin
er nú 210 myndir.
Æskuvinur Tryggva, Magni
Kristjánsson, fékk hugmyndina
að safninu. „Fyrir nokkrum árum
skrifaði Magni mér bréf, eins og
feiminn strákur, og spurði hvort ég
hefði áhuga á að taka þátt í að koma
hugmyndinni í framkvæmd. Hann
bætti því svo við, sem mér finnst
sýna hvað hann er góður maður,
að ef ég segði nei myndi það ekki
breyta neinu um vinskap okkar.
Ég hugsaði með mér að ég væri nú
meiri hrokagikkurinn ef afþakk-
aði að búa til safn. Vitanlega er ég
afar ánægður með þetta frumkvæði
vinar míns og það er gaman að sjá
safnið vaxa,“ segir Tryggvi.
Mikilvægi ástríðunnar
Væntanleg er á markað lista-
verkabók sem geymir úrval af
myndum Tryggva frá síðustu tutt-
ugu árum. Bókin verður á þremur
tungumálum, íslensku, dönsku
og ensku. Bókin verður prentuð
á Jótlandi í september og kemur
út í október. „Þegar ég komst að
því hversu mörgum myndum var
úr að velja þá fann ég að ég þurfti
ekki að hafa neitt óskaplega vonda
samvisku af því að missa úr eitt ár
vegna slyssins," segir Tryggvi. „Ég
hef verið mjög iðinn síðustu tutt-
ugu árin.“
Hann gerir sér vonir um að
byrja aftur að mála eftir áramót.
„Að geta ekki málað er eins og að
vera trúlofaður og langa í kærust-
una. Mig er farið að dreyma að ég
sé að mála nýjar myndir á nýjum
stað. Mér dettur ýmislegt í hug og
það verður matur úr því seinna.
Mikilvægast er að það sé ástríða
MAÐURINN
Tryggvi Ólafsson er fæddur
í Neskaupstað árið 1940.
► Tryggvi stundaði nám við
Myndlista- og handíðaskóla
íslands veturinn 1960-1961
og við Konunglegu listaaka-
demíuna í Kaupmannahöfn
á árunum 1961-1966.
► Hann hefur skreytt bygging-
ar á íslandi og í Danmörku
og eru verk hans í eigu tólf
listasafna á Norðurlöndum.
í því sem maður gerir, hvort sem
maður er að mála eða spila á fiðlu.
Náttúrulausir menn þurfa ekkert
að spila á fiðlu, þeir sleppa því
bara. Það sama á við í myndlist-
inni. Svo er þetta bara eins og með
hormónana, þeir vita alltaf hvað
þeir vilja, það þarf ekkert að setja
þá í nefnd."
METSÖLULISTI
Erlendar bækur
1. Harry Potter & the Deathly
Hallows J.K. Rowling
2. TheSecret
Rhonda Byrne
3. The Innocent Man
John Grisham
4. The Bourne Ultimatum
Robert Ludlum
6. The Moomin Book 1
Tove Jansson
7. A Thousand Splendid Suns
Khaled Hosseini
8. The Afghan
Frederick Forsyth
8. Galdrastelpur skóladagbók
Walt Disney
9. Stardust
Neil Gaiman
10. The God Delusion
Richard Dawkins
Listinn er gerður út frá sölu dagana
21.08.07 - 27.08.071 Pennanum Eymunds-
son og Bókabúö Máls og menningar
MENNINGARMOLINN
Kleópatra
fyrirfer sér
Á þessum degi árið 30 fyrir
Krist fyrirfór Kleópatra Egypta-
landsdrottning sér eftir að herir
hennar biðu ósigur fyrir Oktav-
íusi, sem síðar varð fyrsti keisari
Rómaborgar.
Kleópatra fæddist árið 69 fyrir
Krist og varð drottning átján ára
gömul eftir dauða föður hennar.
Hún átti í ástarævintýri með Júlíusi
Sesar og eignaðist með honum son.
Sesar var myrtur og Kleópatra tók
upp samband við Markús Antóníus
herforingja og átti með honum þrjú
börn. Rómverski herforinginn Okt-
avíus fór með her gegn Egyptum,
þegar honum þóttu umsvif elsk-
endanna vera orðin helst til mikil,
og hafði sigur. Markús Antóníus
svipti sig lífi og það gerði Kleópatra
sömuleiðis, að sögn með því að láta
slöngu bíta sig.