Orðlaus - 01.03.2004, Blaðsíða 4

Mér finnst Bush vera kjáni og mér finnst að kjánar eigi ekki að stjórna valdamesta ríki heimsins. Nú er
kosningabaráttan í Bandaríkjunum komin á fleygiferð þar sem skítkast og persónuárásir hafa verið einkennandi.
Mér finnst skítkast í kosningabaráttu alltaf frekar leiðinlegt, finnst mikilvægara að koma hreint og beint fram
og þurfa ekki að grafa upp níð um andstæðinginn. Enn hefur Bush nokkurt forskot. Það tel ég vera sorglegar
fréttir því menn sem styðja ójafnrétti opinberlega og eru íhaldssamir afturhaldsseggir eiga að mínu mati ekki
að fá of mikil völd upp í hendurnar.
Talandi um kosningar þá er Ólafur Ragnar Grímsson loksins búinn að tilkynna framboð sitt og mun hann því
berjast hatrammlega við Ástþór Magnússon og hugsanlega fleiri í spennandi kappræðum. Island er ekki með
valdamestu ríkjum heims og því er ólíklegt að framboð Ólafs verði rætt í fjölmiðlum um víða veröld en mér
finnst forsetaembættið skipta máli þar sem þetta er eina embætti landins sem þjóðin velur í sjálf. Nú er Ólafur
loksins búinn að kasta því fram að það sé misskilningur að forsetaembættið sé valdalaust og segist vilja fá meira
að gera, fylgjast með þjóðlífinu og þagga niður í andstæðingum sínum sem sumir hverjir hafa hreinlega verið
dónalegir í hans garð.
Við Islendingar viljum vera best í öllu, og auðvitað þá vera með flottasta forsetann líka sem getur svarað fyrir
sig og beitt sér í málum sem þjóðina varðar og almenningi finnst skipta máli. Eru Ólafur eða Ástþór þeir
kandfdatar?
Það er samt örugglega fínt að vera forseti í heimsveldi. Hann fær aö fara í öll fínustu partýin, spila stríðsleiki,
leika sér með umhverfið, getur verið á móti hinu og þessu og fengið valdamiklar þjóðir í lið með sér. Á Islandi
hefur forsetinn okkar ekki verið að beita sér mikið í alvarlegum málum, það er ekki síðustu átta árin, en völd
Bandaríkjaforseta eru ótvírætt gífurlegt. Þess vegna fyllist ég hræðslu þegar ég hugsa til þess að hugsanlega
geti George W. Bush fengið að sitja fjögur ár í viðbót í Hvíta húsinu.
Þó að ég þekki ekki bandarísku frambjóðendurna persónulega tel ég að Kerry sé illskárri kostur þótt hann sé
langt frá því að vera fullkominn. Á þessum tímapunkti er hann í raun eini mögulegi andstæðingur Bush. Ég
mæli því með því að við sem teljum þetta skipta máli söfnumst saman á einhverjum góðviðrisdeginum og sýnum
stuðning okkar í verki. Gætum meira að segja safnað í kosningasjóð (þar sem kosningasjóður andstæðingsins
er töluvert feitari) og sent summuna með Fedex beint til USA. Á þessum skemmtifundi okkar gæti forseti vor
og aðrir frambjóðendur sýnt að forsetaembættið á íslandi sé ekki dautt með því að koma með og sýna að
Islendingurinn fylgist með og er ekki tilbúinn að kyngja hverju sem er. Þá gæti þetta orðið svo fínt að við
kæmumst í allar helstu fréttirnar erlendis og ýttum þá ef til vill við þessum 50% Bandaríkjamanna sem eru of
latir til að nenna að hugsa um mikilvægi þess að fara á kjörstað. Látum fsland skipta máli, Ólafur, og Ástþór
veriði með!!!
Steinunn Jakobsdóttir
KAPITAl
Nightmares on Wax,
Gusgus djs, Psychobitch,
Terrordisco, Gorilla djs,
Warp, Breakbeat.is 4 ara,
Party Zone, RyRalio djs, '
Lauris Lee & dj KaraMus,
7 ára *J!_1 "
303,Hugarástand, Electnc
Massive, Cargo, New lcon,
+ stórviðburður sem verður
tillrvnntur síðar.
afmœ1iJ6ndirtóna’,