Bændablaðið - 29.05.2007, Blaðsíða 4

Bændablaðið | Þriðjudagur 29. maí 20074
Vegfarendur um Flóaveginn í
Flóahreppi hafa eflaust tekið eftir
hrafnshreiðri sem búið er að koma
upp í háspennumastri við veginn
rétt við bæinn Langstaði. Þetta er
á sama stað og fuglinn kom upp
hreiðri eða laupi í fyrra en þá hætti
hann við að verpa. Nú hefur hann
hins vegar verpt í laupinn.
En hvað kemur til að fuglinn
verpir á þessum stað? „Hrafnar hafa
lært það á flatneskjunni á Suðurlandi
að nota mannvirki undir hreiður.
Þar sem engir eru klettar, en ágætar
aðstæður fyrir hrafna að koma upp
ungum að öðru leyti, hafa þeir komist
uppá lag með að nota hús og þá oft-
ast gömul útihús, kirkjur, brúarstöpla,
vita, raflínumöstur o.þ.h. undir hreið-
ur sín. Sunnlendingar hafa meira að
segja byggt undir hrafninn, t.d. utaná
súrheysturnum og í lágum klettum,
þar sem engar voru syllur,“ sagði
Jóhann Óli Hilmarsson, formaður
Fuglaverndarfélags Íslands í samtali
við blaðið. MHH
Laupurinn í mastrinu við Suðurlandveginn, þar sem hrafninn hefur verpt
nokkrum eggjum. Mastrið er rétt við Flóaveginn þar sem hundruð bíla fara
um á hverjum degi.
Svona líta egg hrafnsins út. Hann verpir einu eggi á dag en þau klekjast
síðan út öll sama daginn.
Hér er fuglinn við hreiðurgerðina í mastrinu í vor. Myndina tók Jóhann Óli
Hilmarsson.
Hrafnshreiður í háspennu-
mastri við Flóaveginn
Marteinn Njálsson bóndi á
Suður-Bár í Grundarfirði segir
að þegar sauðburður hófst hjá
honum hafi komið í ljós að hætt
er að framleiða sermi (blóð-
vökva) sem notað er til bólusetn-
inga gegn lambablóðsótt. Hann
segir að fyrsta verkið hans eftir
að sauðburður hófst hafi verið að
hringja í héraðsdýralækninn og
biðja hann að senda nokkur glös
af sermi.
„Við höfum þá venju að bólu-
setja lömbin nýfædd en ekki ærnar
á miðjum vetri sem líka er mögu-
leiki. Það kom okkur því að óvart
þegar dýralæknirinn tjáði okkur að
ekkert sermi væri að hafa því það
hafi verið tilkynnt í apríl að það
væri ekki lengur framleitt og því
ekki hægt að bólusetja lömb fram-
vegis. Ég varð hissa á þessu því
engar tilkynningar höfðu borist
til mín um þetta, og að sjálfsögðu
orðið of seint að bólusetja ærnar
því það þarf að gera í síðasta lagi
tveimur vikum fyrir sauðburð,“
sagði Marteinn Njálsson.
Sigurður Sigurðarson dýralæknir
staðfesti að hætt væri að framleiða
þetta lyf. Frá því hafi sennilega
ekki verið sagt hér á landi, hvorki
nógu snemma né nógu greinilega
til að vara menn við. Hann segir að
bólusetja eigi ærnar þar sem hætt
sé að framleiða sermi. Bólusetning
ánna eigi alveg að duga en hana
verður að framkvæma í síðasta lagi
tveimur vikum fyrir burð.
Sigurður segir að það sem hægt
sé að gera, þegar svona fer, sé að
setja upp í lömbin 10 millilítra
af AB-mjólk um leið og þau fæð-
ast. Það minnki til muna hættuna á
lambablóðsótt en hann segist ekki
vilja ábyrgjast að AB-mjólkin komi
alveg í veg fyrir hana. Hann hvetur
bændur sem ekki bólusettu ærnar
sínar til að leita ráða hjá Eggerti
Gunnarssyni á Keldum.
Jón Þórarins-
son bóndi frá
Hæringsstöðum
í Svarfaðardal
staðfesti notagildi
AB-mjólkur í
þessu sambandi.
„Það ættu allir
bændur að hafa
fernu af AB-mjólk
og litla sprautu í
fjárhúsinu hjá sér
á vorin. Ef lömb-
in byrja að stirðna eða sýna önnur
einkenni gef ég þeim tvívegis 20 ml
af AB-mjólk með hálftíma millibili
og eftir svona einn eða einn og
hálfan tíma eru þau farin að bragg-
ast,“ segir hann.
Hann bætir því við að þetta
hafi dugað á lömb sem hafi verið
orðin verulega langt leidd, farin
að slefa. „AB-mjólkin hefur verk-
að á lömb sem vart var hugað líf.
Ég hef notað þetta í sex eða sjö ár
með góðum árangri. Þetta er algert
kraftaverkalyf og það langódýrasta
á markaðnum,“ segir Jón og varpar
í lokin fram þeirri spurningu hvor
þetta geti gagnast við lækningar
á kálfum sem fá skitu eða aðrar
magapestir. S.dór/–ÞH
Ný heitavatnshola
bjargar Hitaveitu
Dalabyggðar
Hitaveitu Dalabyggðar er
borgið eftir að ný heitavatns-
hola kom í veg fyrir yfirvof-
andi vatnsskort. Í síðasta
mánuði lauk borun á nýrri
vinnsluholu í Reykjadal og
kostaði holan 110 miljónir
króna. Nú er ljóst að allt að
12 sekúndulítrar af heitu
vatni renna úr holunni og
hún tvöfaldar þannig vatns-
magn Hitaveitu Dalabyggðar.
Gunnólfur Lárusson, sveit-
arstjóri í Dalabyggð, sagði í
samtali við Bændablaðið að
þessi nýja borhola skipti miklu
máli fyrir íbúa í Dalabyggð.
Skortur á heitu vatni hafi
verið farinn að segja til sín í
kuldaköstum á vetrum. Holan
sem fyrir var gaf af sér um 11
sekúndulítra af heitu vatni en
notendur þurfi 19 sekúndulítra
þegar álagið er mest. Nýja
holan gefur 12 sekúndulítra
þannig að alls hefur hitaveitan
yfir að ráða 23 sjálfrennandi
sekúndulítrum.
Með því að dæla upp úr
holunni er hægt að auka vatns-
magnið upp í 40 til 50 sekúndu-
lítra af heitu vatni. S.dór
Hætt að framleiða sermi gegn lambablóðsótt
AB-mólk getur gert sama gagn hjá nýfæddum lömbum og er miklu ódýrari
Kaupþing
styrkir Flug-
björgunar-
sveitina á
Hellu
Útibú Kaupþings banka á Hellu
og Flugbjörgunarsveitin á staðn-
um hafa undirritað styrktarsamn-
ing þess efnis að bankinn styrkir
sveitina fjárhagslega um 900.000
krónur á næstu þremur árum. Í
staðinn mun Flugbjörgunarsveitin
aðstoða bankann við tilfallandi
verkefni, klæðast fatnaði með
merki bankans og hvetja félags-
menn sína sem eru ekki í viðskipt-
um við bankann að taka þau upp.
Þetta er fyrsti formlegi samning-
urinn sem bankinn gerir við sveit-
ina en hann hefur stutt hana dyggi-
lega síðustu ár við ýmis verkefni.
Í Flugbjörgunarsveitinni á Hellu
eru um 120 félagsmenn, þar af um
50 virkir. Sveitin er með öflugustu
björgunarsveitum landsins og fær
að meðaltali um 50 útköll á ári.
„Við erum afskaplega ánægð með
þennan styrktarsamning og kunnum
Kauþingi banka bestu þakkir fyrir.
Þetta framlag á eftir að koma sér
vel,“ sagði Svanur Sævar Lárusson,
formaður Flugbjörgunarsveitarinna
r, í samtali við blaðið. MHH
Björn Sigurðsson, útibússtjóri Kaupþings banka á Hellu, og Svanur Sævar
Lárusson, formaður Flugbjörgunarsveitarinnar, handsöluðu samninginn
fyrir framan bankann. Með þeim á myndinni eru Árni Kristjánsson vara-
formaður, Árni Arason meðstjórnandi, Snæbjört Ýrr Einarsdóttir ritari og
Hákon Bjarnason gjaldkeri.
175 milljónir til
Landgræðsluskóga
Nýlega var undirritaður samn-
ingur um Landgræðsluskóga
milli Skógræktarfélags Íslands
og landbúnaðar- og fjármála-
ráðherra fyrir hönd ríkissjóðs.
Samstarfssamningurinn lýtur
að framlögum ríkisins til Land-
græðsluskógaverkefnisins og
felur í sér plöntukaup, umhirðu,
grisjun og bætt aðgengi að svæð-
um Landgræðsluskóga. Samn-
ingurinn hljóðar upp á framlag
ríkisins sem nemur 35 milljónum
króna árlega til ársins 2013 eða
alls 175 milljónir króna á þessum
fimm árum. MHH
Kartöflurækt
Bættar
geymsluaðferðir
Eins og skýrt var frá í síðasta
Bændablaði var hollenskur
ráðunautur, Ludo Wentholt,
staddur hér á landi á dögunum
til skrafs og ráðagerða við
íslenska kartöfluframleiðendur.
Bergvin Jóhannsson, formaður
Landssambands kartöflubænda,
sagði að mikið gagn væri að
heimsóknum sérfræðinga á borð
við Ludo Wentholt.
Bergvin sagði að Ludo hefði
lagt mikla áherslu á nýjar aðferðir
við jarðvinnslu ásamt betra útsæði
og nefndi hann sérstaklega finnskt
kartöfluafbrigði sem hefði gefið
góða raun á norðurslóðum. Þá
hefði hann rætt um nauðsyn þess
að bæta geymsluaðferðir kartaflna
hér á landi. Í stað þess að geyma
kartöflur í pokum undan sykri ætti
að nota trékassa, þvo og þurrka
þyrfti kartöflurnar fyrr en gert
væri hér á landi og nauðsynlegt að
stækka kartöflugeymslurnar.
Bergvin sagði að margir kart-
öflubændur væru að bæta úr hjá
sér, nota kassa í stað poka og
stækka geymslurými sín. Allt kost-
aði þetta peninga og því væri þetta
ekki gert í einni sjónhendingu.
Varðandi kartöfluafbrigði sagði
hann að menn hefðu skoðað ýmis
afbrigði sem þættu misgóð. Þetta
sérstaka finnska afbrigði sem Ludo
nefndi hefði hann ekki prófað en
kvaðst hafa áhuga á því. S.dór