Bændablaðið - 29.05.2007, Blaðsíða 10

Bændablaðið | Þriðjudagur 29. maí 200710
Eins og áður hefur verið sagt
frá í Bændablaðinu fann Reynir
Bergsveinsson minkaveiðimaður
upp nýja tegund af minkagildr-
um fyrir nokkrum árum sem
hann kallar minkasíur. Nú eru
liðin fimm ár síðan hann byrjaði
að veiða í gildrurnar vítt og breitt
um landið en mest á Vestur- og
Suðurlandi. Á þessum fimm
árum hefur hann veitt á annað
þúsund minka í síurnar á þeim
svæðum þar sem þær hafa verið
lagðar niður.
Það er fyrirtækið Vaskur á
Bakka ehf. í Reykjavík sem sér um
sölu á síunum fyrir Reyni. Rörin
koma frá BM Vallá en járnavirkið
inni í rörunum er framleitt víða.
Landeigendur geta því keypt síurn-
ar og lagt þær niður í landi sínu.
Hins vegar segir Reynir að það
sé alls ekki sama hvernig né hvar
þær eru settar niður og því þurfi að
kanna landið mjög vel áður en farið
að setja síurnar niður.
Hafist handa á Suðurlandi
Árið 2005 gerði Reynir samning
við sveitarstjórnir Bláskógabyggðar
og Grímsness- og Grafningshrepps
um að koma fyrir minkaveiðisíum
á þessu víðáttumikla landsvæði
og annast um tæmingu þeirra.
Árið 2005 komu um það bil 150
minkar úr minkasíunum á svæð-
inu. Árið 2006 komu 167 mink-
ar í síurnar. Á þeim svæðum þar
sem síur Reynis hafa verið lagðar
hafa veiðast 136 minkar eftir vet-
urinn í ár. Reynir segist hafa skil-
að til Náttúrustofu í Stykkishólmi,
sem vinnur að útrýmingu minks á
Snæfellsnesi, 30 minkum sem eru
veiddir við Haffjarðará og utar á
Snæfellsnesinu en hann hefur ekk-
ert verið beðinn um að taka þátt í
því verkefni!
Þeir sem kaupa minkasíurnar af
Reyni eru aðallega Landssamband
veiðifélaga, Æðarræktarfélag
Íslands, leigutakar laxveiðiáa og
fleiri aðilar. Reynir er svo fenginn
til að annast þær.
Æðarvarp væri ekki til
„Því fé sem varið hefur verið til
minkaveiða undanfarna áratugi
hefur alls ekki verið kastað á glæ
eins og margir segja. Ég þori að
fullyrða að æðarvarp væri ekki
til á Íslandi ef minkaveiðar hefðu
ekki verið stundaðar. Og varðandi
minkasíurnar nefni ég ummæli
Jóns Þórarins Eggertssonar á Eyri
í Svínadal. Veiðifélag Laxár í
Leirársveit keypti 10 minkasíur
í fyrra og voru þær lagðar niður
í október sl. Vitjað var um þær í
mars sl. og úr fyrstu síunni komu 3
minkar. Þá sagði Jón á Eyri: Ekki
datt mér í hug að þetta helv… virk-
aði.“
Nú stendur yfir tilraun til að
útrýma mink á ákveðnu svæði
í Eyjafirði og á Snæfellsnesi.
Tilraunin á að leiða í ljós hvort
hægt sé að eyða mink á ákveðn-
um svæðum eða ekki. Reynir var
spurður hvort hann teldi raunhæft
að ætla að hægt væri að útrýma
mink á þessum svæðum?
Nær útilokað að útrýma mink
á Snæfellsnesi
„Ég hef trú á því að Eyfirðingunum
takist að útrýma mink hjá sér en þá
hefst um leið varnarbarátta gegn
því að minkurinn nemi land aftur
vegna þess að það vantar mikið á
að lokað sé á allar aðkomuleiðir
fyrir hann. Ég hef aftur á móti ekki
trú á því að það takist að útrýma
mink á Snæfellsnesinu vegna þess
að þar sem hraun gengur í sjó fram
er minkur óvinnandi. Ef það tekst
er það fyrir það eitt að nú er kom-
inn þjóðgarður á Snæfellsnesinu
og þar má ekki drepa tófu en hún
gengur mjög hart fram gegn minkn-
um. Þær stela frá honum ætinu og
liggja fyrir honum þegar þær eiga
von á honum meðfram lækjunum
með æti og grafa líka eftir því í snjó
og mold. Minknum verður ami af
þessu og hann hrekst burtu. Ég hef
séð það sjálfur að þar sem mikið er
um tófu þar er lítið um mink,“ segir
Reynir Bergsveinsson.
Það eru mikil ferðalög sem
fylgja vinnu hans og árið 2005
keyrði hann rúma 50 þúsund kíló-
metra bara vegna vinnunnar í kring-
um minkasíurnar. S.dór
Á efstu myndinni stendur Reynir
Bergsveinsson við stafla af steypu-
rörum sem notuð eru í minkasíurn-
ar.
Hér til hliðar er Reynir með afrakst-
ur úr góðri veiðiferð.
Verulegur stærðarmunur er á kynj-
unum hjá mink eins og sjá má á
myndinni neðst til vinstri. Læðan er
vinstra megin en högninn til hægri.
Hér að neðan er gildra sem veiði-
menn á vegum Náttúrustofa í Stykk-
ishólmi hafa sett upp.
Reynir Bergsveinsson minkaveiðimaður
Hefur veitt á annað þúsund minka
á fimm árum í nýju minkasíurnar