Bændablaðið - 01.04.2008, Side 15

Bændablaðið | Þriðjudagur 1. apríl 200815
Fyrr á árinu opnaði vef­
verslunin www.kindur.
is, þar sem fólki gefst
kostur á að kaupa sér
kind eða fóstra kind
fyrir ákveðna upphæð.
Hlédís Sveinsdóttir er
hugmyndasmiðurinn á
bak við síðuna og vill
með henni styrkja stöðu
bænda og færa sveitina
nær almenningi.
„Þetta byrjaði sem örlít­
il hugdetta, sem vatt svona
líka hressilega upp á sig.
Ég átti alltaf kindur heima þegar
mamma og pabbi voru með búskap
og núna, þegar pabbi byrjaði aftur
með kindurnar, þá gaf hann öllum í
fjölskyldunni kind (reyndar fékk ég
mína að gjöf frá Siggu og Brynjari
í Bjarnarhöfn, en hún er ættuð úr
„gamla“ fjárstofninum okkar) og
ef við vildum, þá máttum við ráða
hvaða hrút við notuðum til undan­
eldis. Við brottfluttu börnin fáum
svo afurðirnar okkar og reynd­
ar meira til. Mér fannst þetta svo
mikið sport að mér datt í hug að
bjóða öðrum upp á þennan mögu­
leika. Maður þarf samt ekki að
vera alinn upp í sveit til að finnast
þetta svona skemmtilegt,“ útskýrir
Hlédís brosandi.
Styrkir stöðu bænda
Hlédís segir hugmyndina sameina
marga góða kosti og að hana hafi
langað að skapa vinnu fyrir for­
eldra sína í sveitinni með þessu.
„Almenningur hefur svo lítinn
aðgang að sveit nú til dags, börn
hafa misst að stórum hluta alla upp­
runatengingu við mat og heimasíð­
an gæti verið lausn á þessu. Ef þetta
gengur vel styrkir það stöðu bænda,
bæði hvað varðar búsetumöguleika
og einnig eykst skilningur almenn­
ings á því að halda sveitunum
okkar í byggð. Fólki gefst einnig
kostur á að gæðastýra sínu lamba­
kjöti alla leið á diskinn, ekki upp
að sláturhússdyrunum eins og þetta
er núna,“ segir Hlédís.
Fyrirtæki Hlédísar í kring­
um síðuna heitir Eigið fé ehf., en
sjónvarpsmaðurinn kunni, Gísli
Einarsson, stakk upp á nafninu.
„Viðtökurnar eftir opnun hafa
verið rosalega góðar, eiginlega
framar öllum vonum, bæði hér­
lendis og erlendis. Ég hef fengið
ofboðslega mikið af símtölum og
tölvupóstum frá fólki sem hefur
lýst ánægju sinni með hugmynd­
ina. Mér finnst hafa sprottið upp
laumubændur og sauðfjáráhugafólk
allt í kringum mig, því ólíklegasta
fólk hefur komið að máli við mig.
Íslenska sauðkindin er greinilega
greypt ansi djúpt í æskuminningar
þjóðarinnar, en fólk hefur komið,
hringt og skrifað mér um gömlu
kindurnar sem það átti í sveit og
æskuminningar því tengdar. Það er
greinilega grunnt á væntumþykju
fyrir íslensku kindinni hjá mjög
mörgum,“ útskýrir Hlédís, sem vill
jafnframt koma þakklæti á framfæri
til alls þess góða fólks sem studdi
hana með ráðum og dáð við að láta
hugmyndina verða að veruleika.
Sem fyrr segir er bæði hægt að
fóstra og kaupa kind inni á síðunni,
en þessar tvær leiðir eru misdýrar
og bjóða upp á mismunandi mögu­
leika.
Eignavottorð og jólakort frá kind
„Þegar fé er tekið í fóstur getur fólk
valið sér fósturkind á heimasíð­
unni eða í heimsókn á opnum degi.
Aðilinn má nefna kindina og fær
fósturvottorð með nafni og mynd.
Einnig fær sá hinn sami jólakort
frá kindinni þar sem farið er yfir
árið, auk aðgengis að sveitinni og
kindinni um 5­8 sinnum í gegnum
opna daga á því búi þar sem kindin
er. Sá sem fóstrar kind getur látið
vinna og prjóna úr ullinni af kind­
inni sinni hjá Ullarselinu, gegn
aukagjaldi, í gegnum heimasíð­
una. Þetta kostar 15.500 krónur á
ári eða 1.292 krónur á mánuði,“
segir Hlédís og útskýrir jafnframt í
hverju það felist að kaupa sér kind:
„Eigandinn getur valið eigin
kind á heimasíðunni eða í heim­
sókn á opnum degi. Hann má nefna
kindina, fær eignarvottun með
nafni og mynd og jólakort frá kind­
inni þar sem farið er yfir árið. Sá
hinn sami fær aðgengi að sveitinni
og kindinni um 5­8 sinnum í gegn­
um opna daga á því búi þar sem
kindin hans er og hann getur valið
hrút í gegnum heimasíðu eða á
opnum degi, af búinu sem kindin er
á, til að nota til undaneldis. Einnig
fær hann kjötafurðirnar sendar
heim að dyrum og getur valið um
að láta fínsaga skrokkinn/skrokk­
ana eða úrbeina. Gegn aukagjaldi
getur hann látið vinna og prjóna
úr ullinni, sæða kindina í gegnum
hrútaskrá, vinna kjötafurðirnar
meira (reykur og fleira) og látið
vinna gærurnar af lömbunum hjá
Sjávarleðri, allt í gegnum heima­
síðuna. Þetta kostar 39.500 krónur
á ári eða 3.292 krónur á mánuði,“
útskýrir Hlédís.
„Annars hef ég miklar hug­
myndir um framþróun í sambandi
við þetta og til að byrja með ætla
ég að markaðssetja hugmyndina á
erlendri grund. Síðan er að bætast
við nýtt bú, Krossar, sem er átta
kílómetra innan við Dalvík, þannig
að Norðlendingar geta tekið gleði
sína. Ég held að með sameiginlegu
átaki eigi sveitir landsins bjarta
framtíð, við eigum nokkuð sem
er alveg sérstakt og ef við stönd­
um vörð um það og finnum nýjar
leiðir til að nýta okkur það, þá trúi
ég ekki öðru en að fólk geti búið
og lifað í sveitinni án þess að þurfa
að keyra út um hvippinn og hvapp­
inn í uppgripavinnu,“ segir Hlédís
einnig.
ehg
Fóstrar kind eða kaupir þína eigin
− ný heimasíða býður upp á skemmtilega
möguleika
Hlédís sýnir hvernig eignarvottorðin líta út.
Einar K. Guðfinnsson sjávarútvegs- og land-
búnaðarráðherra var fyrsti við skiptavinur
Hlédísar þegar hún opn aði heimasíðuna um
miðjan febrúar.