Bændablaðið - 11.03.2010, Qupperneq 12

12 Bændablaðið | fimmtudagur 11. mars 2010
Það hefur ekki farið fram hjá nein-
um sem les þetta Bændablað að
Búnaðarþing var sett sunnudag-
inn 28. febrúar. Í vikunni fyrir
þingið snjóaði nokkuð hér í borg
Bændahallarinnar og fannst mér
það ekki afleit hugmynd að prófa
snjómoksturstæki til að snyrta fyrir
komu tiginna gesta til hallarinnar.
Laugardaginn 27. febrúar leitaði
ég til fyrirtækisins Orkuvers, sem
hefur nýverið tekið við umboðinu
á MultiOne-smávélum. MultiOne-
smávélar eru fáanlegar í mjög
mörgum stærðum, allt frá 14 hest-
afla vél og upp í 70 hestöfl. Áður
en ég sótti vélina hafði ég kíkt inn á
heimasíðu Orkuvers (www.orkuver.
is) og sá þá á myndum af vélunum
að þær væru húslausar. Tók ég því
með mér kuldagalla, en vélin var
með hús sem hægt er að panta á
SL-vélarlínuna, sem samanstend-
ur af fjórum vélum og kostar rúm
500.000. Vélin sem ég prófaði
heitir MultiOne SL835 og er ein af
stærri vélunum sem Orkuver selur.
Vélin var útbúin með snjóblásara
að framan og salt-sandkassa að
aftan.
Ég byrjaði á að þreifa mig áfram
með virkni tækisins á um eins
metra djúpum skafli á bílastæðun-
um og kom það mér á óvart hversu
auðveldlega það sullaði snjónum
út frá sér til hliðar, en inni í vélinni
er hægt að stýra því með rafmagni
hvernig blásturstúðan snýr. Þegar
ég taldi mig vera orðinn slarkfæran
á vélina skellti ég mér að aðalinn-
ganginum og blés í burtu snjónum
þaðan, en á því svæði var búið að
salta götuna og reyndist saltbland-
aður snjór vera vélinni erfiður, en
með því að fara nógu hægt sendi
blásarinn þennan þunga snjó vel
út fyrir kantsteininn. Mér fannst
þetta tæki svo magnað að ég vildi
sýna það vini mínum Viggó Erni
Viggóssyni hjá Jarðafli ehf., en
hann hefur mokað snjó af bílaplön-
um í mörg ár. Viggó prófaði vélina
smávegis, varð strax hugfanginn
af tækinu og sagði að það væri
sniðugt í gangstéttamokstur fyrir
smærri verktaka og sveitarfélög,
eins og til dæmis Ólafsvík.
Þegar ég var orðinn stoltur af
hreinsun minni fyrir framan hót-
elið fór ég á bílastæði þar sem
ekkert salt var í snjónum og það
var mun auðveldara fyrir vélina
að blása þannig snjó. Á þessum
tímapunkti var farið að slydda svo
mikið að snjórinn var orðinn bæði
blautur og þungur. Samt réði vélin
ágætlega við þetta, en með svona
blautan snjó var ég helmingi lengur
en þegar ég byrjaði að blása snjón-
um í burtu. Ég var orðinn nokkuð
ánægður með þessa prufu hjá mér,
setti vélina upp á kerruna og hugð-
ist skila henni. Á leiðinni í Orkuver
snjóaði svo mikið að ég hugsaði
með mér að eflaust væri strax aftur
kominn jafn mikill snjór þar sem
ég hreinsaði, og það stóð heima;
þegar ég kom til baka var ekki
hægt að sjá mikil ummerki eftir
mig, alla vega hafði Haraldur for-
maður Bændasamtakanna ekki orð
á því við setningu á Bændaþinginu
að það væri vel mokað fyrir framan
hótelið.
Eftir stutt kynni mín af þess-
ari vél á ég bara eitt orð yfir hana:
snilld. Þó svo að ég hafi verið klaufi
að stýra vélinni í fyrstu – vélin er
liðstýrð með afturendanum, en flest-
ar vélar með liðstýringu eru akkúrat
öfugar miðað við þessa vél. Það sem
mér finnst mest heillandi við vél-
ina er hversu marga hluti er hægt að
setja bæði framan og aftan á hana.
Þeir í Orkuveri eru að byrja með
leigu og spurði ég Jens sölustjóra
út í væntanlega leigu og hvort allir
aukahlutir passi á allar vélar.
Jens svaraði nokkurn veginnn á
þessa leið: Á leigunni verða bæði
MultiOne-vélar og mikið úrval
fylgihluta. Við erum að byggja þetta
upp og auðvitað kemur reynslan til
með að ráða úrvalinu í framtíðinni.
Nú þegar eru eftirtaldir hlutir í húsi:
nokkrar misstórar MultiOne-vélar,
4 gerðir sláttuvéla, sandskóflur/
snjóskóflur og opnanlegar skóflur,
moðgafflar, trjákurlari, limgerðis-
klippur, lyftaramastur með 2ja tonna
lyftigetu, gröfubakkó, staurabor-
ar, staurahamrar, steypuhrærivél-
ar, snjó blás arar, salt/sanddreifarar,
skekkjanleg ýtu blöð, rúllubagga-
greip, baggaspjót, lyftaragafflar o.fl.
Allar MultiOne-vélar eru með
sömu „festiplötunni“ og ganga því
allir fylgihlutir á allar vélar. Þó
verður að hafa þann fyrirvara á að
fylgihlutir eru misstórir og þurfa
mismikið afl og getur það útilokað
minni vélar frá ákveðnum stærðum
af fylgihlutum.
Svo er það verðið, en ódýrasta
vélin er á 1.570.000 og sú dýrasta
á 6.600.000. Vélin á meðfylgjandi
myndum, sem ég prófaði, kost-
ar með einni skóflu og án húss
4.411.000.
Tól og tæki
Hjörtur skoðar smávax-
ið snjómoksturstæki
Hjörtur L. Jónsson
hlj@bondi.is
Vélar og tæki
MultiOne SL 835
– niðurstaða:
Jákvæðir punktar:
Vélin er lipur og þarf ekki mikið pláss til að snúa við.
Auðvelt að stjórna og stjórntæki á þægilegum stöðum.
Ég mæli með þessari vél fyrir t.d. búnaðarfélög, sveit-
arfélög og smærri verktaka, sérstaklega vegna auka-
hluta sem hægt er að fá leigða hjá umboðinu Orkuveri.
Neikvæðir punktar:
Það eina sem mér líkaði ekki við vélina var að ekki var
hægt að blása hita frá miðstöðinni upp á rúðurnar, en
töluverð móða myndaðist inni í húsinu og þurfti ég að
vera með handklæði til að þurrka hana.
Viggó prófar tækið og verður strax
hugfanginn af því.
Hjörtur hreinsar hótelplanið.
hönnun – umbrot – myndvinnsla – auglýsingar
frumlegt og fyrsta flokks – gæði og gott verð
Sími 568 1000 Grensásvegi 12A
frum@frum.is www.frum.is
Boðskort
Bréfsefni
Bæklingar
Dreifibréf
Fermingarkort
Litaljósritun
Nafnspjöld
Plastkort
Prentun
Reikningar
Sálmaskrár
Skýrslur


  
  !"#$$$%&%

  
         

    
    

    
FRAMLEIÐNISJÓÐUR
LANDBÚNAÐARINS
AUGLÝSIR NÁMSSTYRKI:
Framleiðnisjóður landbúnaðarins vill efla
fagmenntun á sviðilandbúnaðar með stuðningi
við framhaldsnám í landbúnaðarfræðum og
endurmenntun starfandi bænda.
Á árinu 2009 býður Framleiðnisjóður landbún-
aðarins fram tvenns konar styrki í þessu skyni:
1. Til framhaldsnáms að loknu háskólanámi til grunngráðu
(BS, BA): Veittir verða 4-6 styrkir, að upphæð allt að 600
þús. kr. hver til náms í landbúnaðarfræðum eða öðrum þeim
fræðum sem nýtast beint til leiðbeininga og atvinnuuppbygg-
ingar í sveitum. Námið skal miða að framhaldsáfanga (MS,
MA, PhD). Forgangs að styrkjum njóta PhD-nemar og lengra
komnir MS/MA-nemar. Með umsókn þurfa að fylgja yfirlit um
námsframvindu og námsárangur svo og verkefnislýsing fyrir
lokaverkefni.
2. Til umfangsmeiri endurmenntunar starfandi bænda: Í boði
verða 10-15 styrkir, að upphæð allt að 200 þús. kr. hver eftir
umfangi náms, enda sé um að ræða a.m.k. 10 námseiningar
(námsvikur). Lágmarkseiningar til til hámarksstyrks eru 30
námseiningar. Umsækjendur skulu hafa landbúnað að aðalat-
vinnu og hyggjast nýta námið til þess að byggja upp eða efla
atvinnu á bújörðum sínum.
Umsóknarfrestur um námsstyrkina er til 15. apríl nk.
Nánari upplýsingar og umsóknareyðublöð fást á skrifstofu
Framleiðnisjóðs landbúnaðarins, Hvanneyri, 311 Borgarnes,
sími 430-4300 og á heimasíðu sjóðsins www.fl.is