Bændablaðið - 11.03.2010, Síða 23

23 Bændablaðið | fimmtudagur 11. mars 2010
Sjónvarps- og útvarpsmennirnir
góðkunnu Sigmar Vilhjálmsson
og Jóhannes Ásbjörnsson munu
þann 26. mars næstkomandi
opna veitingastaðinn Íslensku
hamborgarafabrikkuna í sam-
starfi við Skúla G. Sigfússon
á Höfðatorgi í Reykjavík. Þar
verður lögð áhersla á ferskt,
íslenskt hráefni og innblástur að
sumum réttum matseðilsins feng-
inn úr sveitum landsins.
„Þessi hugmynd kviknaði hjá
okkur fyrir nokkrum árum en þegar
kreppan skall á breytti það gildis-
mati okkar eins og margra annarra.
Einhvern morguninn átti ég erf-
itt með að fara á fætur og hugsaði
að ég nennti ekki vinnunni minni
lengur, hringdi í Jóa og nefndi þetta
við hann. Jói tók ótrúlega vel í þetta
miðað við hvað hann er íhaldssam-
ur,“ segir Simmi brosandi.
Eftirréttur úr íslenskri sveit
Úr varð að félagarnir sögðu upp
störfum sem þeir voru í, Jói í mark-
aðsdeild Landsbankans og Simmi
sem forstöðumaður markaðssviðs
Tals, og hófu vinnu síðastliðið vor
við að koma veitingastaðnum í
gang.
„Þetta hefur verið botnlaus
vinna en hugmyndin hjá okkur er
að fylla skarð hins sáluga Hard
Rock-staðar, þar sem við tökum á
móti öllum kúnnahópum. Við verð-
um á jarðhæðinni á Höfðatorgi í
um 300 fermetra rými og staðurinn
tekur 140 manns í sæti. Það verð-
ur opið til tíu á kvöldin á virkum
dögum og til tólf um helgar, en um
helgar munum við bjóða gestum
staðarins far niður í bæ eftir mál-
tíð. Okkur er mikið í mun að hafa
þetta eins íslenskt og hægt er og
því mun eingöngu hljóma íslensk
tónlist á staðnum, en við vinnum að
lagalistum í samstarfi við tonlist.
is,“ útskýrir Jói.
Þrátt fyrir að 13 hamborgararétt-
ir séu á matseðlinum verður einn-
ig boðið upp á nokkrar útfærslur
af heilsuréttum og eftirrétti úr
íslenskri sveit.
„Við vorum á ferð um land-
ið í sumar og komum við hjá
Erlu Ívarsdóttur á Geirlandi við
Kirkjubæjarklaustur þar sem við
fengum himneska skyrtertu. Hún
ljáði okkur uppskriftina, sem við
fáum að nota á nýja staðnum. Við
notum eingöngu ferskt hágæðahrá-
efni í hamborgarana og ekkert fryst
hráefni verður notað. Síðan verð-
ur sérstakur réttur á matseðlinum,
síðasta kvöldmáltíð þeirra Reagan
og Gorbatsjov sem þeir snæddu í
Höfða hér um árið, sem við köllum
„The last supper of the Cold War“,
en við höfum fengið uppskriftina í
hendur. Þannig að við erum mjög
bjartsýnir og Höfðakýrin verður
stolt og sómi staðarins við inngang-
inn eftir að Tolli listmálari hefur
fengið frjálsar hendur til að mála á
hana listaverk. Það verður því ekki
dónalegt að hafa slíkan verndara
yfir staðnum,“ segir Jói og Simmi
kinkar kolli því til samþykkis.
ehg
Íslenskt hráefni í öndvegi
Simmi og Jói með Höfðakúna góðu, nýkomna til landsins frá Ameríku, en
hún mun prýða nýjan veitingastað þeirra félaga, Íslensku hamborgarafa-
brikkuna.
Stærð 11,3 x 21,5 m.
Verð kr. 5.900.000,- með virðisaukaskatti
Stærð 14,3 x 29,9
Verð kr. 9.480.000,- með virðisaukaskatti
Þak- og veggjastál
0,5 mm galv. Verð kr. 1.600 m2
0,6 mm galv. Verð kr. 1.980 m2
0,45 mm litað Verð kr. 1.690 m2
0,5 mm litað Verð kr. 2.100 m2
Stallað / litað Verð kr. 2.400 m2
Verðdæmi:
Víkurhvarf 5
Í hesthúsum er mikið fjör
Því nú skal fara að járna
Ef helluskeifur eru ei með í för
Fer gamanið að kárna
Síminn er 8937050
Smíða og geri við loftræstingar, þakrennur, snjógildrur,
Þakgegnumtök, þak og glugga flasningar, reykrör.
Geri við vatnskassa millikæla og hitablásara
Er staðsettur á Akureyri
benniblikk@talnet.is