Fréttablaðið - 07.02.2012, Page 21

KYNNING − AUGLÝSING Stoðtæki og sjúkraþjálfun7. FEBRÚAR 2012 ÞRIÐJUDAGUR 3
Styrkur sjúkraþjálfun ehf. að Höfðabakka 9 hefur verið starfandi frá mars 1999. Fyr-irtækið býður alhliða sjúkraþjálfun, hóp-
þjálfun og státar af rúmgóðum og björtum
tækjasal. Baldur Gunnbjörnsson, sjúkraþjálfari
hjá Styrk, er öllum hnútum kunnugur um fagið
og starfsemina.
„Sjúkraþjálfun er einstaklingsmiðuð með-
ferð, hvort sem viðkomandi nýtur þjónustu
sjúkraþjálfara á bekk eða ráðgjöf og leiðbein-
ingar varðandi breytni svo sem á vinnuaðstöðu
eða hreyfingu,“ segir Baldur og nefnir sértæka
æfingameðferð, mjúkpartameðferð, leiðrétt-
ingu á líkamsstöðu, liðlosun, stöðugleikaþjálf-
un, bylgju og rafstraumsmeðferð og nálastung-
ur sem dæmi um meðferðir sjúkraþjálfara.
„Þess má geta að þeir viðskiptavinir sem eru í
meðferð hjá sjúkraþjálfara og nýta sér tækjasal-
inn aðra daga fá kort í tækjasalinn á lægra mán-
aðargjaldi.“
Hópmeðferðir segir Baldur ýmist taka mið af
sérþörfum ákveðinna sjúklingahópa á meðan
aðrir hópar standi almenningi til boða. Í því
samhengi nefnir hann hópþjálfun hjartasjúk-
linga, vefjagigtarleikfimi, færni og jafnvægis-
hópa. Karlatímar séu svo nýjasta viðbótin.
„Námskeiðið kallast dagskammtur og byggist
upp á kröftugum þol- og styrktaræfingum. Það
miðast við að karlar geti komið í hádeginu og
sinnt sinni daglegu þörf á hreyfingu á hálf-
tíma.“
Að sögn Baldurs sækir stöðina gríðarleg-
ur fjöldi fólks með ólíkar þarfir á hverjum degi.
„Þetta er allt frá börnum og unglingum upp í
fólk með langvinna sjúkdóma,“ segir hann og
upplýsir að á bilinu 100 til 150 manns mæti í
sjúkraþjálfun daglega. Annar eins fjöldi stundi
hópþjálfun og noti tækjasal. „Sjúkraþjálfarar í
Styrk taka vel á móti þeim sem til þeirra leita.“
Allar frekari upplýsingar segir hann hægt að
nálgast á vefsíðu fyrirtækisins, á slóðinni www.
styrkurehf.is.
Sérsniðin meðferðarúrræði
Styrkur sjúkraþjálfun ehf. að Höfðabakka 9 býður alla almenna sjúkraþjálfun, hópþjálfun og aðgang að tækjasal. Hjá fyrirtækinu starfa sérhæfðir
sjúkraþjálfarar með framhaldsmenntun og áralanga reynslu að baki sem taka vel á móti breiðum hópi viðskiptavina með ólíkar þarfir.
Að sögn Baldurs sækir stöðina gríðarlegur fjöldi fólks með ólíkar þarfir á hverjum degi. „Þetta er allt frá börnum og unglingum upp í fólk með langvinna sjúkdóma.“
MYND/GVA
● Spretthlauparinn Oscar
Pistorius, frá Suður-Afríku, er
fæddur árið 1986. Hann fædd-
ist fótalaus en hleypur á gervi-
fótum frá íslenska stoðtækja-
framleiðandanum Össuri.
● Hann er stundum kallaður
„The fastest man on no legs“
eða fljótasti maðurinn án fóta.
Hann hefur líka verð nefndur
blöðkumaðurinn.
● Hann á heimsmet fatlaðra í
100, 200 og 400 metra hlaupi.
● Alþjóða frjálsíþróttasamband-
ið úrskurðaði árið 2008 að
Pistorius fengi ekki þátttöku-
rétt í ólympíuleikum ófatlaðra
í Peking sama ár á þeirri for-
sendu að gervifætur hans gæfu
honum forskot á aðra íþrótta-
menn. Áfrýjunardómstóll
hnekkti þeirri ákvörðun og
fékk Pistorius þátttökurétt að
því tilskyldu að hann næði til-
settu lágmarki, sem hann gerði
ekki. Hann vann hins vegar
gullverðlaun í 100, 200 og 400
metra hlaupi á Ólympíuleikum
fatlaðra sama ár.
● Pistorius keppti fyrstur fatl-
aðra frjálsíþróttamanna á
heimsmeistaramóti ófatlaðra
í fyrra. Mótið fór fram í Daegu
í Suður-Kóreu og keppti Oscar
fyrir hönd Suður-Afríku í 400
metra spretthlaupi og 4x400
metra boðhlaupi. Hann komst í
undanúrslit í 400 metra hlaupi
en endaði í 22. sæti af 24. Hann
tók þátt í undanúrslitum með
boðhlaupssveit sinni en var
ekki valinn í úrslitin. Sveitin
vann hins vegar til silfurverð-
launa og þar sem hann tók þátt
í undanúrslitunum telst hann
einnig silfurverðlaunahafi.
Hann er því fyrsti fatlaði mað-
urinn til að vinna til verðlauna
á heimsmeistaramóti ófatlaðra.
● Pistorius stefnir að því að ná
lágmarkinu í 400 metra hlaupi
fyrir Ólympíuleikana í London
í sumar. Hans besti tími er
45,07 sem hann náði síðastliðið
sumar en hann þarf hins vegar
að ná lágmarkinu sem er 45,25
aftur innan við þremur mán-
uðum fyrir mót.
Stefnir á Ólympíuleikana í London
NORDICPHOTOS/GETTY
Pistorius keppti fyrstur
fatlaðra frjálsíþrótta-
manna á heimsmeistara-
móti ófatlaðra í fyrra.
Alexander Graham Bell (1847-1922) var skosk-bandarískur vísinda-maður sem er talinn eiga heiðurinn að fyrsta málmleitartækinu
og talsímanum. Sagan segir að Bell hafi fundið upp talsímann þegar
hann vann að því að smíða hjálpartæki fyrir heyrnarlausa.
Tækið var að hluta til smíðað úr eyra af dauðum manni. Ef talað var
inn í það byrjaði hljóðhimnan í eyranu að titra og kom vogarstöng á
hreyfingu. Stöngin hreyfðist yfir sótað gler og á því kom fram bylgju-
munstur. Bell ályktaði af tilrauninni að það hlyti að vera hægt að búa
til gervihljóðhimnu. Með henni væri hægt að breyta þéttleika efna sem
rafmagnið var leitt í gegnum og því einnig bylgjumynstri rafboðsins.
Bell hefur verið kallaður faðir hinna heyrnarlausu en hann kenndi að-
ferðir sem gerðu heyrnarlausu fólki kleift að búa til hljóð og tala. Áhuga
hans á málefnum heyrnarlausra má rekja til þess að móðir hans og eig-
inkona voru báðar heyrnarlausar. Segja má að talsíminn hafi verið til-
raun hans til umbóta fyrir þær. HEIMILD: WWW.VISINDAVEFUR.HI.IS OG WIKIPEDIA.ORG
Faðir heyrnarlausra
Bell fann upp talsímann þegar hann vann að stoðtæki fyrir heyrnarlausa.