Fréttablaðið - 09.03.2012, Qupperneq 54

9. mars 2012 FÖSTUDAGUR34
„Þetta er besti bóka markaður
sögunnar. Það hefur aldrei
gengið jafnvel og nú,“ segir
Kristján B. Jónasson, formaður
Félags íslenskra bókaútgefenda.
Hinn árlegi bókamarkaður í
Perlunni hefur gengið vonum
framar og hafa bókhneigðir
Íslendingar flykkst þangað að
undanförnu. Markaðurinn hófst
24. febrúar og stendur yfir fram
á sunnudag. „Það er búið að
selja upp um tvö hundruð titla.
Þetta eru titlar sem koma ekkert
aftur.“ Kristján nefnir sem dæmi
að 760 titlar hafi verið í Bóka-
tíðindum í fyrra og því sé þessi
sala um þriðjungur af því. „Við
erum mjög ánægð með þetta.“
Þegar best hefur látið hafa
um tíu þúsund manns komið á
markaðinn á dag. Fram til þessa
voru árin 2008 og 2009 þau bestu.
Salan minnkaði næstu tvö árin á
eftir en hefur komið sterk inn
núna.
Að sögn Kristján hefur stór
bók um Kjarval gengið mjög vel
auk þess sem bókin Líf mitt með
Mozart eftir Eric- Emmanuel
Schmitt hefur selst í þrjú til
fjögur hundruð eintökum. Telur
hann að umfjöllun um bókina
í sjónvarpsþættinum Kiljunni
hafi hjálpað þar mikið til. Fræði-
bækur hafa einnig verið óvenju
vinsælar í ár en í staðinn hefur
dregið úr áhuga á ævisögum. - fb
Mest sótti bókamarkaðurinn
FÖSTUDAGSLAGIÐ
„Það er High Life með Daft
Punk. Franskt hús eins og það
gerist best.“
Steve Sampling, raftónlistarmaður.
ÁNÆGÐUR Kristján B. Jónasson er
mjög ánægður með áhuga Íslendinga á
bókamarkaðinum. FRÉTTABLAÐIÐ/ARNÞÓR
„Það var virkilega svalt að vinna
með Helga,“ segir bandaríski tón-
listarmaðurinn John Grant.
Hann og Helgi Björnsson
hafa nýlokið við að semja lagið
Finish on Top. Það verður spilað
í þættinum Hljómskálinn í Sjón-
varpinu á laugardaginn. Þar
verður umfjöllunarefnið sveita-
böll á Íslandi og eru bæði Helgi
og Grant á meðal viðmælenda.
Samstarfið átti sér stuttan
aðdraganda. Kiddi, gítarleikari
í Hjálmum og einn umsjónar-
manna Hljómskálans, hafði sam-
band við Helga síðasta laugardag
og spurði hvort hann og félagar
hans í SS Sól vildu starfa með
einhverjum í þættinum. Helgi
stakk óvænt upp á Grant og
fékk hann til samstarfs við sig í
gegnum Stephan Stephensen úr
GusGus. Þar eru hæg heimatökin
því Grant er að vinna með Bigga
Veiru úr GusGus að næstu plötu
sinni eins og Fréttablaðið hefur
greint frá.
„Helgi, President Bongo
[Stephan Stephensen] og ég
fengum okkur kvöldmat og fórum
síðan í hljóðverið hans Stebba til
að semja textann. Ég var fljótur
að semja nokkur textabrot og við
fórum yfir þau saman til að sjá
hvort þau pössuðu,“ segir Grant.
„Næsta dag fórum við í hljóðver
og tókum lagið upp. Það gekk
ótrúlega auðveldlega fyrir sig og
var mjög skemmtilegt. Það var
virkilega þægilegt og gaman að
vinna með Helga og við hlógum
mikið saman.“
Helgi er einnig ánægður með
samstarfið við þennan þekkta
tónlistarmann. „Við Sólin vorum
að djamma á þessu á laugar-
deginum á Akureyri í „sánd-
tékki“. Svo hitti ég John á mánu-
deginum og við kláruðum lagið,“
segir Helgi. „Þetta var mjög
skemmtilegt. Hann er rosa ljúfur
strákur og þægilegur. Hann er
auðvitað sprúðlandi „talent“ og
við rúlluðum þessu upp.“ Lagið
verður hugsanlega gefið út en
það fer eftir viðbrögðunum sem
það fær eftir sýningu þáttarins.
Mikil eftirvænting ríkir eftir
næstu plötu Johns Grant en sú
fyrsta, Queen of Denmark, var
kjörin plata ársins 2010 af breska
tónlistartímaritinu Mojo. Grant
hefur tvívegis spilað hér á landi
og heldur eina tónleika til við-
bótar í Háskólabíói í júlí.
freyr@frettabladid.is
JOHN GRANT: ÞAÐ VAR VIRKILEGA SVALT AÐ VINNA MEÐ HELGA
John Grant og Helgi Björns
sömdu lagið Finish on Top
GOTT SAMSTARF Helgi Björnsson og John Grant við upptökurnar á laginu Finish on Top.
Við hlógum mikið
saman
JOHN GRANT
Leikritið Djúpið verður frumsýnt í Berlín á
laugardaginn og í Kaupmannahöfn á mánu-
daginn. Leikararnir Urs Jucker og Carsten
Bjørnlund fara þar með sama hlutverk og
Ingvar E. Sigurðsson lék í íslensku upp-
færslunni sem var sýnd í Borgarleikhúsinu
í tæp tvö ár.
„Það er frábært að vera á þessum stöðum,
sérstaklega í Berlín því þetta er virtasta
leikhús Evrópu. Það er þarna sem hlutirnir
gerast,“ segir höfundurinn Jón Atli Jónas-
son og á við leikhúsið Schaubühne. Þar
verður leikritið hluti af hinni árlegu hátíð
F.I.N.D. þar sem tekin eru fyrir ný og
spennandi alþjóðleg leikrit.
Verkið var heimsfrumsýnt árið 2009 í
leikhúsinu Oran Mor í Glasgow þar sem
Liam Brennan lék aðalhlutverkið. Fram
undan eru fleiri sýningar erlendis, þar á
meðal í Svíþjóð og hugsanlega í Færeyjum.
Leikritið er óður til þeirra íslensku sjó-
manna sem hafa í gegnum aldirnar haldið á
djúpið.
„Við vildum bíða frekar eftir því að fá
rétta leikara í aðalhlutverkin heldur en að
æða af stað. Það getur ekki hver sem er
leikið þetta hlutverk og þess vegna höfum
við verið rólegir í tíðinni,“ segir Jón Atli,
sem verður viðstaddur frumsýningarnar í
Berlín og Kaupmannahöfn. - fb
Djúpið til Berlínar og Köben
JÓN ATLI OG INGVAR Jón Atli Jónassson, höfundur
Djúpsins, verður viðstaddur frumsýningarnar í Berlín og
Kaupmannahöfn. FRÉTTABLAÐIÐ/ARNÞÓR
Fiskikóngurinn • Sogavegi 3 • sími 587 7755
Glæný Bláskel
frá Stykkishólmi
OPIÐ LAUGARDAGA 10-15.00
HUMAR
2.000 kr.kg
FERSKUR TÚNFISKUR
690 kr. pr. 100 gr.
3.990 kr.kg
HUMAR Stærð 18-24
www.facebook.com/drdenimiceland
LAUGAVEGI 7 & SMÁRALIND
Þáttastjórnandinn og grínistinn Sólmundur Hólm
varð tveggja barna faðir í gær. Eiginkona hans,
Elín Anna Steinarsdóttir, fæddi dreng í gærmorg-
un en móður og barni heilsast vel. Fyrir eiga þau
hjónin soninn Matthías sem er fjögurra
ára gamall og því væntanlega mikið stuð
á heimilinu fram undan. - áp
FRÉTTIR AF FÓLKI