Fréttablaðið - 14.03.2012, Page 22

KYNNING − AUGLÝSINGBílar & fjármögnun MIÐVIKUDAGUR 14. MARS 20124
Bílaframleiðandinn Citroën sýndi á dögunum nokkra bíla sem þjónað hafa for-
setum Frakklands í gegnum tíðina, mönnum á borð við Valéry Giscard d’Estaing,
François Mitterrand og Jacques Chirac. Glæsibifreiðar frá Citroën hafa verið áberandi
í opinberu hlutverki fyrir forsetaembættið í gegnum tíðina en þó hefur persónulegur
smekkur ráðið nokkru um hvaða bílar verða fyrir valinu.Þannig kýs Nicolas Sarkozy
helst Renault meðan Jacques Chirac var aðdáandi Citroën.
Við vígsluathöfn sína árið 2007 notaði Sarkozy einstakan Peugeot 607 Paladine bíl,
limósínu sem upphaflega var smíðuð sem hugmyndabíll árið 2000. Bílnum var breytt
og hann nútímavæddur en síðan skilað til Peugeot. Hann er því ekki hluti af flota
franska forsetaembættisins.
BÍLAR FRANSKRA FORSETA
Citroën SM bifreið sem notuð var af Valéry Giscard
d’Estaing, François Mitterrand og Jacques Chirac
sést hér neðar á myndinni en fyrir ofan er Citroën
Traction limósína sem notuð var af René Coty.
DRAUMABÍLL HERU
Hera Björk Þórhallsdóttir
söngkona var ekki í nokkrum
vafa þegar hún var spurð um
draumabílinn.
„Mig langar í nýja Skoda-jepp-
ann sem nefnist Yeti og helst
svartan. Ég er mikið búin að horfa
á þennan bíl. Ég er líka hrifin af
litlum, sparneytnum bílum eins
og Fiat. Draumabíllinn væri samt
kannski nýr Austin mini en ég ók
slíkum bíl í Þýskalandi 2010 þegar
ég var þar á ferð og líkaði mjög
vel. Annað hvort kemur maður
fullt af skemmtilegu fólki í aftur-
sætið eða bara farangrinum. Það
var mikill kraftur í þessum litla bíl.“
Hver er besti bíll sem þú hefur
átt? „Það var Hyundai Trajet sem
er sjö manna bíll. Ég átti þann bíl
áður en við fluttum til Dan-
merkur frá 2003 til 2007. Hann var
rúmgóður og þægilegur.
Hvernig bíl átt þú núna?
„Núna ek ég Opel Zafira árgerð
2000. Hann er orðinn gamall en
hefur nýst okkur vel. Ég keypti
hann á góðu verði en allt í einu
varð hann rosalega dýr þegar
lánin stökkbreyttust. Þessi bíll
var valinn besti fjölskyldubíll í
Danmörku á sínum tíma.“
HVAÐ KOSTAR
FERÐIN?
Á vef orkuseturs er að finna
reiknivél þar sem hægt er að
reikna út eldsneytis- og um-
hverfiskosnað við innan- og utan-
bæjarakstur. Það er ágæt regla
að nýta sér hana áður en lagt er
í langferð til að vita um það bil
hversu margar krónur þarf að
hafa meðferðis.
Þegar um innanbæjarakstur er
að ræða er fjöldi kílómetra valinn
en þegar kanna á kostnað við
utanbæjarakstur er brottfarar- og
áfangastaður valinn af lista.
Sé bíllinn bensínknúinn er bens-
ínverð slegið inn og í framhaldi
bílaframleiðandi, bíltegund og
undirtegund. Þá er vegalengdin
valin og þannig er hægt að áætla
hvað kostar að aka á leiðarenda.
Sé til að mynda ekið á Toyota
Auris 388 kílómetra vegalengd
frá Reykjavík til Akureyrar kostar
ferðin 5.997 krónur miðað við að
bensínlítrinn kosti 262 krónur.
Landsbankinn
kynnir góð kjör
í bílafjármögnun
Landsbankinn býður óverðtryggða bílasamninga með föstum vöxtum og
verð tryggða eða óverðtryggða bílasamninga með breytilegum vöxtum.
Græn fjármögnun er einnig í boði á hagstæðari kjörum.
Vextir skv. vaxtatöflu Landsbankans
11. mars 2012.
» Fastir 8,95% óverðtryggðir vextir
fyrstu 36 mánuðina
» Hámarkslánstími er 7 ár
að frádregnum aldri bíls
» Lánshlutfall allt að 70%
» Engin stimpil- eða þinglýsingargjöld
Skilmála og nánari upplýsingar má finna á landsbankinn.is eða hjá
Bíla- og tækjaármögnun Landsbankans í Sigtúni 42.
landsbankinn.is 410 4000Landsbankinn