Fréttablaðið - 11.04.2012, Síða 42

11. apríl 2012 MIÐVIKUDAGUR22
sport@frettabladid.is
SVERRIR GARÐARSSON mun líklega ekki spila með ÍBV í sumar vegna meiðsla og að sögn Magn-
úsar Gylfasonar, þjálfara ÍBV, er alls óvíst hvort hann leiki knattspyrnu á nýjan leik yfirleitt en Sverrir þurfti að
taka sér frí frá fótbolta á sínum tíma vegna höfuðmeiðsla. Þetta er mikið áfall fyrir ÍBV, rétt eins og Sverri,
enda eru Tryggvi Guðmundsson, Andri Ólafsson og Gunnar Már Guðmundsson einnig meiddir.
E
N
N
E
M
M
/
S
ÍA
/
N
M
5
14
5
8
si
m
in
n.
is
/v
ef
ve
rs
lu
n
Ertu á leiðinni
í ferðalag?
*Í bo›i fyrir 3GB-30GB pakka. Gildir me›an birg›ir endast.
Í dag bjóðum við netlykil á 0 kr. með öllum
nýjum Netlyklaáskriftum gegn 6 mánaða bindingu.
4GB minnislykill fylgir með. Gríptu tækifærið
og græjaðu þig upp fyrir ferðalagið.*
Netlykill á 0 kr. í dag og
4GB minnislykill í kaupbæti
með Símanum
FÓTBOLTI Nýtt og betra gervigras
er væntanlegt á heimavöll Stjörn-
unnar í Garðabæ. Gamla „teppið“,
eins og gervigrasið var oft kallað,
þótti úr sér gengið enda notkunin
á því búin að vera mikil síðan það
var lagt árið 2003.
„Framkvæmdir eru töluvert á
undan áætlun og þeim á að vera
lokið fyrir mánaðamót. Völlur-
inn verður tilbúinn fyrir fyrsta
heimaleik okkar,“ sagði Almar
Guðmundsson, formaður knatt-
spyrnudeildar Stjörnunnar. Fylk-
ismenn verða fyrstu gestir nýja
gervigrassins þegar þeir koma í
heimsókn í Garðabæinn þann 10.
maí.
„Við erum mjög spenntir fyrir
þessari breytingu enda uppfyllir
nýja grasið ströngustu kröfur og
er af nýjustu gerð,“ bætir Almar
við. „Tæknin hefur breyst mikið
síðan gamla gervigrasið var lagt
og sýnir öll fagleg umfjöllun fram
á að aðstæður á þessu yfirborði
líkjast mjög náttúrulegu grasi.
Við vonum að með tilkomu nýja
gervigrassins átti menn sig á því
að þetta er góð lausn.“
Hann segir að það hafi reynst
Stjörnumönnum vel að æfa og spila
á gervigrasi. „Ég held að sú fram-
kvæmd hafi sannað gildi sitt á
margan hátt. Hins vegar var mun
meira álag á þeim velli en átti að
vera og undir það síðasta þótti það
sem keppnisgras í efstu deild ekki
nógu gott,“ segir Almar en bætir
við að völlurinn hafi ávallt stað-
ist þær formlegu kröfur sem hafi
verið gerðar til hans.
Almar bendir á að samkvæmt
rannsóknum hagi boltinn sér eins
á gervigrasi og að meiðsli leik-
manna séu ekki tíðari á slíku yfir-
borði. „Við vitum hins vegar að
leikmenn hafi allt aðra tilfinningu
fyrir gervigrasinu en náttúrulegu
grasi. En rannsóknar sýna að skil-
yrðin eru sambærileg.“
Það kostar vitanlega meira að
leggja gervigras en náttúrulegt
gras en Almar segir að Stjörnu-
menn telji þetta skynsamlegri fjár-
festingu.
„Það skal tekið fram að við
höfum engar tölur til að styðjast
við en þetta er okkar mat. Við telj-
um að nýtingin á mannvirkinu
verði miklu betri fyrir vikið enda
þótt hægt sé að bjóða upp á mjög
góða grasvelli á Íslandi yfir sum-
artímann er notkunin á þeim allt
önnur. Bæði er hægt að nota gervi-
grasvelli meira og yfir lengri tíma
á árinu auk þess sem við munum
leggja gamla grasið á nýjan stað
og nota það sem æfingavöll. Það
mun hjálpa til við að hlífa nýja
grasinu.“
Stjarnan náði frábærum árangri
síðasta sumar. Kvennaliðið varð
Íslandsmeistari í fyrsta sinn og
karlaliðið hafnaði í fjórða sæti
Pepsi-deildarinnar og skoraði
flest mörk allra liða. Almar vonar
að með tilkomu nýs gervigrass sé
hægt að ná enn betri árangri á
komandi árum.
„Þetta verður bylting. Við erum
sannfærðir um að menn muni átta
sig á að með tilkomu nýja gervi-
grassins verði boðið upp á topp-
aðstæður í Garðabænum,“ segir
Almar. eirikur@frettabladid.is
Nýtt og betra „teppi“ í Garðabæinn
Þessa dagana er verið að leggja nýtt og betra gervigras á Stjörnuvöll í Garðabæ og er áætlað að völlurinn
verði tilbúinn fyrir fyrsta heimaleik liðsins í Pepsi-deildinni í vor. Grasið er sagt uppfylla ströngustu kröfur.
ÁNÆGÐUR MEÐ NÝJA GRASIÐ Almar stendur hér á Stjörnuvellinum sem skartar nýju
og glæsilegu gervigrasi í sumar. FRÉTTABLAÐIÐ/VILHELM
HANDBOLTI Patrekur Jóhannes-
son skrifaði í gær undir tveggja
ára samning við Val, en hann
tekur við liðinu af Óskari Bjarna
Óskars syni.
„Valur sýndi mér áhuga og
við fórum í kjölfarið í viðræður.
Mér leist vel á félagið enda stór
klúbbur með frábæra umgjörð og
verkefnið spennandi. Þess vegna
ákvað ég að taka tilboðinu,“ sagði
Patrekur við Vísi á blaðamanna-
fundinum í kvöld en var hann
með fleiri járn í eldinum?
„Nei, ekki þannig séð. Það voru
einhverjar fyrirspurnir að utan
en þar sem stefnan hjá mér núna
er ekki að fara út þá skoðaði ég
það ekkert. Ég er þess utan lands-
liðsþjálfari Austurríkis og verð
það áfram. Þeir höfðu ekkert út
á það að setja að ég myndi þjálfa
lið hér heima samhliða landsliðs-
þjálfuninni.“ - hbg
Patrekur tekur við Val:
Leist vel á Val
KOMINN Í RAUTT Patrekur stýrir málum
á Hlíðarenda næstu árin.FRÉTTABLAÐIÐ/STEFÁN