Fréttablaðið - 22.05.2012, Blaðsíða 6

22. maí 2012 ÞRIÐJUDAGUR6
KJÖRKASSINN
HÚSNÆÐISMÁL Guðbjartur Hannes-
son velferðarráðherra mun leggja
fram frumvarp um húsnæðisbætur
á Alþingi í haust. Það mun byggja á
tillögum vinnuhóps sem kynnti til-
lögur sínar í gær.
Eins og Fréttablaðið hefur greint
frá er gert ráð fyrir að leggja af
vaxtabætur og húsaleigu bætur og
taka í staðinn upp húsnæðis bætur
sem væru óháðar búsetuformi.
Vinna starfshópsins, sem Lúðvík
Geirsson, þingmaður Samfylkingar-
innar, stýrði, byggir á niðurstöðum
annars starfshóps sem skilaði af sér
í fyrrahaust, en í honum áttu sæti
fulltrúar allra stjórnmálaflokka.
Guðbjartur segir að ætlunin sé
að jafna stöðu leigjenda og eigenda.
Niðurstaða hópsins verði nú kynnt
og viðbragða leitað. Ýmislegt þurfi
að skoða áður en frumvarp um
málið kemur fram.
„Þetta verður ekki gert nema í
áföngum, því að bæði er það þannig
að þarna er um að ræða tilfærslu
vaxtabóta yfir í húsnæðisbætur
til lengri tíma og það er útilokað
annað en að taka tillit til stöðunnar
hjá skuldurum í dag í vaxtabótatil-
lögum næsta árs og jafnvel næstu
tveggja, þriggja ára. Þannig að við
erum að tala þarna um aðlögum á
næstu þremur til fjórum árum.“
Guðbjartur segir mikilvægt að
þverpólitísk samstaða náist um
málið og er bjartsýnn á að það
náist. „Þetta er ekki kosningaplagg
heldur þverfagleg vinna. Fulltrúar
allra stjórnmálaflokka áttu sæti í
hópnum í fyrra sem náði sameigin-
legri niðurstöðu.“
Ráðherra segir mikilvægt að
styrkja leigumarkaðinn, eigi hug-
myndirnar að verða að veruleika.
Nægt framboð þurfi að vera á hús-
næði til langtímaleigu. Hann vonast
til að frumvarp ríkisstjórnarinnar
um heimild til handa Íbúðalánasjóði
til að stofna leigufélag verði sam-
þykkt fyrir sumarfrí, en sjóðurinn
sé með hátt í 800 íbúðir í útleigu.
- kóp
Vinnuhópur ráðherra leggur til kerfi húsnæðisbóta í stað vaxta- og húsaleigubóta:
Von á nýju húsnæðisbótafrumvarpi
TILLÖGUR KYNNTAR Lúðvík Geirsson,
formaður starfshópsins, og Guðbjartur
Hannesson velferðarráðherra kynntu
tillögur hópsins í gær. FRÉTTABLAÐIÐ/STEFÁN
IÐNAÐUR ORF Líftækni hefur fengið leyfi
frá Umhverfisstofnun fyrir geymslu og
frævinnslu á erfðabreyttu byggi í húsnæði
við Vörðusund 1 í Grindavík. Heimilt er
að vinna með bygguppskeru frá ræktunar-
stöðum ORF Líftækni hf.
Frævinnslan mun nema þremur til
fjórum tonnum fræja á ári. Gert er ráð
fyrir að við vinnslu myndist úrgangur sem
nemi um 500 kílóum á ári.
Meirihluti ráðgjafarnefndar um erfða-
breyttar lífverur lagði til að leyfið yrði
veitt. Meirihlutinn taldi umhverfisáhættu
ekki aukast umtalsvert við flutning fræ-
vinnslunnar.
Vinnueftirlitið gerði ekki athuga semdir
við upplýsingar í umsókn fyrirtækisins
varðandi heilbrigðissjónarmið um að ekki
séu þekktar ofnæmis- og eiturverkanir,
fyrir utan ofnæmisviðbrögð hjá sumum ein-
staklingum.
Leyfisdrög voru send til kynningar hjá
Grindavíkurbæ og Umhverfisnefnd Suður-
nesja. Leyfið er gefið út á grundvelli laga
um erfðabreyttar lífverur og reglugerðar
um afmarkaða notkun erfðabreyttra líf-
vera, annarra en örvera, og er veitt til 10
ára. - shá
ORF Líftækni framleiðir þrjú til fjögur tonn af erfðabreyttum byggfræjum á ári:
Mega geyma erfðabreytt fræ í Grindavík
GRÆNA SMIÐJAN Í GRINDAVÍK ORF Líftækni á hátækni-
gróðurhús þar sem erfðabreytt bygg er ræktað.
MYND/ORF
EFNAHAGSMÁL Starfshópur skoðar
nú allar mögulegar leiðir til að
Íbúðalánasjóður (ÍLS) taki yfir
lánsveðslán lífeyrissjóðanna, en
það eru lán sem byggja meðal
annars á veðum ábyrgðarmanna.
Líkt og komið hefur fram hafa
lífeyrissjóðirnir hafnað því að
fella þau lán niður að 110%, líkt
og gert hefur verið við önnur lán,
þar sem þeim sé ekki heimilt að
afskrifa innheimtanlegar kröfur.
Lífeyrissjóðirnir lögðu til að
Íbúðalánasjóður tæki lánin yfir
gegn ríkisskuldabréfum. Sigurður
Erlingsson, framkvæmdastjóri
ÍLS, segir vinnu starfshópsins þó
ekki einblína á þá leið.
„Vinnan er ekki einskorðuð við
það. Það er meira verið að finna
hvar gætu verið einhverjir sátta-
fletir í málinu,“ segir Sigurður.
„Það eru til ýmsar útfærslur
á þessu og það er hægt að gera
þetta með svo margvíslegum
hætti.“
Sigurður segir heildarumfang
lána ljóst, en um 2.400 lán er
að ræða. „Það er heildarbrúttó-
staðan, en svo er bara einhver
lítill hluti lánanna sem er yfir
110%. Spurningin er hvort farin
verði sú leið að við tökum yfir allt
lánasafnið, eða hvort lánin verði
hreinlega færð niður og bara
tekið á því sem út af stendur.“
Sigurður segir mögulegan
kostnað óljósan og miklu máli
skipta hvaða leið verði farin,
verði þetta að veruleika. „Þetta
mun alltaf þýða aukin útgjöld
fyrir ríkissjóð.“
Steingrímur J. Sigfússon,
ráðherra efnahagsmála, segir
að verði fundin einhver leið á
þessum nótum sé ljóst að Íbúða-
lánasjóður verði dráttarklár í
málinu. Þess vegna sé starfið nú
að mestu á hans herðum.
„Það er meiningin að láta á það
reyna hvort þessar hugmyndir
sem lífeyrissjóðirnir töldu sig
geta skoðað með okkur reynist
færar og framkvæmanlegar.“
Hópurinn mun hafa hraðar
hendur og skila niðurstöðum
sínum fyrir helgi. Hann skipa
fulltrúar efnahags- og viðskipta-
ráðuneytisins og fjármála-
ráðuneytisins, auk ÍLS og líf-
eyrissjóðanna. Þá hafa Samtök
fjármálafyrirtækja komið að
vinnunni.
Steingrímur segir mikilvægt
að hafa hraðar hendur, en oft
geti verið um snúin mál að ræða.
Ekkert sé hins vegar útilokað
fyrir fram.
„Engin leið sem mögulega er
fær til að leysa þann hnút sem
eftir stendur verður útilokuð.“
kolbeinn@frettabladid.is
Yfirtaka ÍLS á lánum
lífeyrissjóða skoðuð
Starfshópur skoðar nú ýmsar útfærslur á því að Íbúðalánasjóður taki yfir láns-
veðslán lífeyrissjóðanna. Ráðherra útilokar enga leið sem geti leyst hútinn. Líf-
eyrissjóðirnir vilja ekki fella niður lánin þar sem lög heimila þeim það ekki.
REYKJAVÍK Starfshópur á að skila niðurstöðu fyrir helgi um hvort mögulegt sé að
Íbúðalánasjóður komi að lánsveðslánum lífeyrissjóðanna svo hægt sé að fella þau
niður að 110%, líkt og gert hefur verið við önnur lán. FRÉTTABLAÐIÐ/HARI
SIGURÐUR
ERLINGSSON
STEINGRÍMUR J.
SIGFÚSSON
Þetta mun alltaf þýða
aukin útgjöld fyrir
ríkissjóð.
SIGURÐUR ERLINGSSON
FRAMKVÆMDASTJÓRI ÍBÚÐALÁNASJÓÐS
Horfðir þú á úrslitaleik
Meistaradeildar Evrópu?
JÁ 38,4%
NEI 61,6%
SPURNING DAGSINS Í DAG:
Ert þú hlynnt(ur) því að nýr
Landspítali verði byggður við
Hringbraut, eins og áformað er?
Segðu skoðun þína á visir.is