Fréttablaðið - 22.05.2012, Side 38

22. maí 2012 ÞRIÐJUDAGUR30
„Mér finnst þetta bara hræðilegt,“
segir Þórhallur Sigurðsson, Laddi,
um fráfall Robins Gibb úr hljóm-
sveitinni Bee Gees.
„Þetta er alveg svakalegt. Núna
er hann bara einn eftir hann
Barry [Gibb]. Ég vona að hann fái
að lifa eitthvað áfram karlgreyið.
Það virðist vera allt í lagi með
hann. Hinir voru eitthvað gallaðir,
tvíburarnir.“
Laddi söng seint á áttunda ára-
tugnum ásamt bróður sínum Halla
lagið Ó, mig langar heim (til Pat-
reksfjarðar) sem var þeirra útgáfa
af lagi Bee Gees, Massachusetts.
Skömmu síðar samdi Laddi lag um
Gibb-bræðurna sem heitir Gibba
gibb. „Þeir hafa alltaf verið í svo-
litlu uppáhaldi hjá mér,“ segir
hann um Bee Gees.
Aðspurður viðurkennir Laddi
að erfitt hafi verið að ná hæstu
tónum Gibb-bræðranna, en þeir
voru frægir fyrir hátt radd-
svið sitt. „Ég náði því alveg með
rembingi. Ég náði kannski ekki
allra hæstu tónunum en fór hel-
víti nálægt þeim. Þetta voru
kallaðir píkuskrækir í gamla daga
en maður var ekkert feiminn við
þetta. Þeir voru orðnir frægir
fyrir sína skræki og þetta var allt
í lagi.“
Spurður hvort til standi að
semja annað lag til heiðurs Bee
Gees segir Laddi það vel koma
til greina. „Ég held ég verði að
setjast niður núna og spá aðeins
í það. Það er komið að þeim tíma-
punkti að semja eitthvað þeim til
heiðurs.“
Bee Gees er ein vinsælasta
hljómsveit tónlistarsögunnar og
talið er að hún hafi selt um 220
milljónir hljómplatna. Sveitin var
stofnuð árið 1958 en það var ekki
fyrr en áratug seinna sem hljóm-
sveitin sló í gegn með lögunum To
Love Somebody, Massachusetts
og I Started a Joke. Eftir nokkra
ára lægð sneri Bee Gees svo aftur
með diskósmellinn You Should Be
Dancing og tónlistina við kvik-
myndina Saturday Night Fever
sem hafði að geyma slagara á borð
við How Deep Is Your Love, Stay-
in´ Alive og Night Fever.
Maurice, tvíburabróðir Robins
Gibb, lést árið 2001 og skömmu
síðar var hljómsveitin lögð niður.
Fyrir þremur árum tilkynnti
Robin að hann og Barry ætluðu að
koma saman á nýjan leik og þeir
sungu á nokkrum tónleikum.
Í nóvember í fyrra greindist
Robin með lifrarkrabbamein en
hann hafði samþykkt að koma
fram á jólatónleikum Björgvins
Halldórssonar í Laugardalshöll.
Ekkert varð af því vegna veikinda
hans. freyr@frettabladid.is
SUMARFRÍIÐ
„Þetta var hreint út sagt frábært. Maður
lifir á þessu það sem eftir er,“ segir Karl H.
Hillers, formaður Chelsea-klúbbsins á Íslandi.
Karl var, ásamt þremur öðrum stjórnar-
mönnum, viðstaddur úrslitaleik Meistara-
deildarinnar í München þegar Chelsea bar
sigurorð af Bayern eftir framlengingu og
vítaspyrnukeppni.
„Maður var með hjartað í buxunum þar
til [Didier] Drogba var búinn að setja hann.
Við áttum undir högg að sækja í 88 mínútur,“
segir Karl, sem var staðsettur í fjórtándu
sætaröð fyrir aftan markið þar sem Drogba
skoraði. Eftir leikinn var fagnað fyrir utan
leikvanginn og þegar heim á hótelið var
komið skáluðu fjórmenningarnir í kampa-
víni.
Áttu ekki eftir að monta þig að hafa verið
á þessum leik? „Jú. Ég var búinn að gráta
það fram að þessum leik að hafa ekki farið til
Moskvu [þar sem Manchester United vann
Chelsea í úrslitum Meistaradeildarinnar
árið 2008]. Ég sór þess eið að ég skyldi aldrei
sleppa svona tækifæri aftur og sé ekki eftir
því.“
Karl hefur núna farið þrjár helgar í röð á
Chelsea-leiki því hann fór einnig á síðasta
heimaleik liðsins og á bikarúrslitaleikinn
gegn Liverpool, þar sem hans menn fögnuðu
einnig sigri. „Það hljómar kannski hálf
ankannalega en sá leikur komst ekki í hálf-
kvisti við þennan.“
Stefnan hefur næst verið sett á Ofur-
bikarinn í Mónakó í ágúst þegar Chelsea
mætir Athletic Bilbao og á HM félagsliða í
Tókýó í desember. -fb
Skáluðu í kampavíni í München
SÁTTUR FORMAÐUR Karl H. Hillers, formaður Chelsea-
klúbbsins á Íslandi, sá úrslitaleik Chelsea og Bayern í
München.
LADDI: ÞETTA VORU KALLAÐIR PÍKUSKRÆKIR Í GAMLA DAGA
LANGAR AÐ SEMJA NÝTT
LAG TIL HEIÐURS BEE GEES
GIBB OG LADDI
Robin Gibb úr Bee Gees er fallinn
frá, 62 ára gamall. Laddi var mikill
aðdáandi hljómsveitarinnar.
N
O
R
D
IC
PH
O
TO
S/G
ETTY
„Ég er nú að fara að syngja
eitthvað með Kótilettunum á
Selfossi. Svo þegar ég fæ frí frá
boltanum fer ég ekki lengra
en í Grímsnesið í bústað.
Alltaf gaman að grilla og fara í
pottinn í góðra vina hópi.“
Ingólfur Þórarinsson, knattspyrnukappi
og tónlistarmaður.
„Þetta er mikill heiðursmaður og lítillátur. Það er
ekki mikið vesen á honum,“ segir trommuleikarinn
Jóhann Hjörleifsson úr Sálinni.
Hann var bandarískum kollega sínum Steve Gadd
til halds og trausts þegar hann dvaldi hér á landi um
helgina. Gadd spilaði með James Taylor í Hörpunni
á föstudagskvöld og daginn eftir miðlaði hann af
reynslu sinni í Austurbæ og spilað á trommur fyrir
rúmlega þrjú hundruð aðdáendur sína.
„Ég er búinn að hlusta á músík sem þessi maður
hefur spilað frá því maður var sirka tíu ára og jafn-
vel fyrr því maður vissi það bara ekki. Hann hefur
spilað á ógrynni af plötum. Það var mikill heiður að
hitta kappann. Hann hefur verið í miklu uppáhaldi
hjá mér mjög lengi, eins og hjá flestum öðrum
trommurum,“ segir Jóhann, sem fékk að setjast við
trommusettið hans í Austurbæ og lemja húðirnar.
„Ég stillti því meira að segja upp fyrir hann. Að
róta trommusetti hefur ekki verið í uppáhaldi hin
seinni ár en fyrir þennan mann er það alveg sjálf-
sagt og ég gerði það með bros á vör,“ segir hann í
léttum dúr. „Þessi gæi er lifandi goðsögn og eigin-
lega stærsta nafn í trommuheiminum frá upphafi.“
Gadd hefur á glæstum ferli sínum leikið með
Eric Clapton, Paul Simon, Sting, B.B. King, Paul
McCartney, Weather Report og fleiri heimsþekktum
flytjendum. -fb
Mikill heiður að hitta Gadd
ÁRITUN Steve
Gadd áritaði
trommusneril
fyrir Jóhann
Hjörleifsson
um helgina.
ÚTGÁFUNNI
VERÐUR FAGNAÐ
Í EYMUNDSSON,
AUSTURSTRÆTI,
Í DAG KL. 17.
ALLIR
VELKOMNIR!
Mikil spenna er meðal Eurovision-aðdáenda en í
kvöld ráðast örlög þeirra Gretu Salóme og Jónsa
er þau flytja lagið Never Forget í Bakú. Útsendingin
hefst klukkan 19 í Ríkissjónvarpinu en Ísland er
annað landið sem stígur á svið. Meðal þeirra landa
sem einnig keppa á fyrra undanúrslitakvöldinu
eru Finnland, Danmörk, Austurríki, Írland,
Rúmenía, Sviss og Ísrael. Veðbankar hafa
spáð íslenska laginu góðu gengi en hinni
sænsku Loreen er hins vegar spáð sigri
með laginu Euphoria. Hún keppir á öðru
undanúrslitakvöldinu á fimmtudaginn. -áp
FRÉTTIR AF FÓLKI
BESTU BROTIN ÚR
ÍSLANDI Í DAG
FRÉTTIR VIÐSKIPTI SPORT UMRÆÐAN ÚTVARP LÍFIÐ SJÓNVARP
- oft á dag