Fréttablaðið - 29.05.2012, Blaðsíða 2

29. maí 2012 ÞRIÐJUDAGUR2
FÁTÆKT Íslensk börn eru tuttugu sinnum líklegri til að
búa við skort ef báðir foreldrar þeirra eru atvinnulausir.
NORDICPHOTOS/GETTY
SAMFÉLAGSMÁL Innan við eitt prósent
íslenskra barna býr við efnislegan skort
samkvæmt nýrri skýrslu UNICEF, Barna-
hjálpar Sameinuðu þjóðanna.
Skýrslan er hluti af rannsóknarritröð sem
nefnist Report Card, eða einkunnaspjaldið.
Í henni er barnafátækt í velmegandi ríkjum
skoðuð.
Þrettán milljónir barna innan Evrópu-
sambandsins, í Noregi og á Íslandi skortir
margvísleg atriði sem nauðsynleg eru fyrir
þroska þeirra og velferð. Hlutfallið var
lægst á Íslandi, 0,9 prósent. Börn foreldra
með litla menntun og börn innflytjenda eru
fjórum sinnum líklegri en önnur hér á landi
til að líða skort og börn einstæðra foreldra
fimm sinnum líklegri til þess. Berskjald-
aðasti hópurinn er börn atvinnulausra,
en tæp átján prósent barna sem eiga tvo
atvinnulausa foreldra líða efnislegan skort.
Hlutfall barna sem búa við skort er
undir þremur prósentum á öllum Norður-
löndunum. Í mörgum öðrum ríkjanna er
hlutfallið um og yfir tíu prósent.
Þá var hlutfallsleg fátækt í 35 efnuðum
hagkerfum skoðuð og kom í ljós að þrjátíu
milljónir barna búa við hlutfallslega fátækt
í þessum ríkjum. 4,7 prósent íslenskra
barna lifa undir fátæktarmörkum sam-
kvæmt skýrslunni, en það er einnig lægsta
hlutfall allra ríkja í skýrslunni.
- þeb
VEÐUR „Menn fara sennilega að
kvarta undan úrkomuleysi í lok
vikunnar,“ segir Björn Sævar
Einars son veðurfræðingur. Veður-
stofa Íslands spáir blíðskaparveðri
á landinu öllu út vikuna, en útlit
er fyrir að hitinn haldist í um 20
gráðum í innsveitum norðaustan-
lands fram til laugardags.
„Það verður yfirleitt heitast inn
til landsins og má alveg búast við
við þessum hita út vikuna,“ segir
Björn Sævar. „Þetta verður mjög
aðgerðar lítið veður.“
Hitinn orsakast af mjög hlýju
lofti sem berst úr suðri og var svo-
kölluð frostmarkshæð yfir landinu
um 12 þúsund fet í gærdag. Björn
Sævar segir það ótrúlega hátt.
„Það nær sjaldnast svona hátt en
þýðir að við erum einfaldlega með
afskaplega hlýtt loft,“ segir hann.
Hitinn fór yfir 20 stig á Akureyri
í gær og svo virtist sem margir þeir
sem sóttu bæinn heim um hvíta-
sunnuhelgina hafi ákveðið að nota
síðustu stundir heim sóknarinnar í
Sundlaug Akureyrar. Mikil örtröð
myndaðist fyrir utan sundlaugina
í gærmorgun og segir Friðbjörg
Hallgrímsdóttir, vaktstjóri í sund-
lauginni, að traffíkin hafi byrjað
afar snemma. Biðraðir höfðu
myndast áður en staðurinn opnaði
klukkan tíu um morguninn.
„Á stærstu dögunum okkar eru
um 2.200 manns að fara hér í gegn
og ég gæti trúað því að fjöldinn fari
yfir það núna.“ sunna@frettabladid.is
UNICEF rannsakaði börn sem líða skort og búa við fátækt í efnuðum ríkjum heimsins:
Innan við eitt prósent barna býr við skort
Hildur, hefurðu fantaserað um
þessa bók lengi?
Já, enda bæði mikilvægt og
skemmtilegt að fantasera um
fantasíur.
Hildur Sverrisdóttir lögfræðingur hefur
opnað heimasíðu þar sem konur geta
skrifað og sent inn kynlífsfantasíur sínar
nafnlaust og hyggst gefa út bók með
sögunum í lok sumarsins.
LÖGREGLUMÁL Lettneska konan sem
leitað var að um helgina fannst látin
seinnipartinn í gær. Lík konunnar,
hinnar 42 ára gömlu Ligitu
Solomenceva, fannst um þremur
kíló metrum frá bústað sem hún
hafði leigt sér, um 200 metra fyrir
ofan veginn. Lögregla verst allra
fregna af málinu og mun rannsaka
andlát konunnar. Flest bendir til að
talsvert sé síðan hún lést en ekkert
bendir til að lát hennar hafi borið að
með saknæmum hætti.
Solomenceva kom til landsins
um miðjan mánuðinn til að dvelja í
bústað við Meðalfellsvatn sem hún
hafði leigt sér í eina viku. Ekkert
hafði spurst til hennar í nokkurn
tíma og ákvað þá lettneskur vinur
hennar að senda lögreglunni hér á
landi tölvupóst til að spyrjast fyrir
um ferðir hennar.
Umfangsmikil leit lögreglu og
björgunarsveita að konunni hófst
um helgina og voru yfir hundrað
manns úr slysavarnarfélaginu
Landsbjörgu ræstir út í gærmorg-
un til að aðstoða við leitina. Notast
var við báta, fjórhjól, kafara, leitar-
hunda, þyrlu, fisvél og gönguhópa.
Solomenceva var fráskilin og
barnlaus. Hún hafði engin tengsl
við fólk hér á landi svo vitað sé,
að undanskilinni einni lettneskri
fjölskyldu sem hún þekkti.
- sv
Yfir hundrað björgunarsveitarmenn leituðu að konu við Meðalfellsvatn í gær:
Lettneska konan fannst látin
FJÖLMENNT LEITARLIÐ Umfangsmikil leit hefur staðið yfir um helgina í nágrenni við
Meðalfellsvatn. MYND/BALDUR HRAFNKELL JÓNSSON
Blíðan varir út vikuna
Mikil veðurblíða var á landinu öllu í gær og er útlit fyrir að hún haldist út vik-
una. Spáð allt að 20 stiga hita í innsveitum norðaustanlands fram á laugardag.
Afar sjaldgæft að frostmarkshæð sé eins há og hún er nú, segir veðurfræðingur.
Tíðarfar í maí í fyrra var afar fjölbreytt.
Samkvæmt upplýsingum frá Veðurstofunni
var hiti langt yfir meðallagi 2. til 10. maí en
eftir 19. maí tók að kólna verulega og var
mjög kalt fram til mánaðamóta.
Norðanáhlaup gerði dagana 23. og 24. og
snjóaði þá víða norðanlands á Austur-
landi, segir á vedur.is. Alhvít jörð var víða
suðvestanlands fyrstu tvo dagana í maí.
Snjókoma í fyrra
DÓMSMÁL Drengirnir tveir sem
voru sakfelldir fyrir að fram-
vísa fölsuðum vegabréfum við
komuna til landsins í apríl hafa
áfrýjað dómnum.
Drengirnir segjast vera fimm-
tán og sextán ára. Ragnar Aðal-
steinsson lögmaður drengjanna
sagði við Mbl.is að hann hygðist
láta reyna á ýmis atriði, sér-
staklega það hvort þeir njóti
verndar 31. greinar Flóttamanna-
samnings Sameinuðu þjóðanna.
Samkvæmt greininni á fólk að
njóta verndar ef það gefur sig
fram við yfirvöld. Ef dómurinn
fellur drengjunum í hag segir
Ragnar hann hafa fordæmisgildi
á Íslandi. - þeb
Voru dæmdir í fangelsi:
Flóttadrengir
áfrýja dómi
FÓLK Fjöldi fólks lagði leið sína á
flugsýninguna á Reykjavíkurflug-
velli í gær. Þar var flugdagurinn
haldinn hátíðlegur á vegum Flug-
málafélags Íslands.
25 flugatriði voru sýnd á flug-
sýningunni og fjöldi flugvéla af
öllum stærðum og gerðum var til
sýnis. Listflug, nákvæmnisflug á
þyrlu og svifflug var meðal þess
sem boðið var upp á.
Þá vakti flugbáturinn Catalina
athygli, en hann var fluttur til
landsins í tilefni af 75 ára afmæli
Icelandair. Slíkir bátar voru í
notkun hér á landi frá 1944 til
1963. - þeb
Flugsýning á Reykjavíkurvelli:
Fjöldi fólks á
flugdeginum
FJÖLDI Á FLUGSÝNINGU Mikill áhugi var
á flugsýningunni á Reykjavíkurflugvelli í
blíðunni í gær. FRÉTTABLAÐIÐ/DANÍEL
STOKKIÐ TIL SUNDS Þessi drengur þurfti ekki að láta segja sér það tvisvar að stökkva
í Pollinn við Akureyri til að kæla sig í gærdag, enda fór hitinn í bænum upp í 20 stig.
MYND/HILDIGUNNUR MAGNÚSDÓTTIR
PAKISTAN, AP „Allar ásakanirnar á
hendur honum eru rangar. Hann
braut í engu gegn hagsmunum
ríkisins,“ segir Jamil Afridi,
bróðir læknisins Shakil Afridi,
sem í síðustu viku var dæmdur í
33 ára fangelsi í Pakistan fyrir að
hafa aðstoðað Bandaríkjamenn
við að hafa upp á hryðjuverka-
leiðtoganum Osama bin Laden.
Jamil segir að réttarhöldin hafi
verið gjörsamlega marklaus og
að fjölskyldan hafi ákveðið að
úrskurðinum verði áfrýjað. - gb
Fjölskylda dæmda læknisins:
Dómsúrskurði
verður áfrýjað
PÁFAGARÐUR, AP Paolo Gabriele,
einkaþjónn Benedikts páfa, hefur
samþykkt að aðstoða eftir bestu
vitund við rannsókn á skjala-
leka, sem varpað hefur kastljósi
á ýmis hneykslismál tengd Páfa-
garði, sem áður fóru hljótt.
Gabriele var handtekinn í
síðustu viku eftir að leyniskjöl
fundust á heimili hans. Talið
er líklegt að fleiri háttsettir
kirkjunnar menn tengist málinu,
og muni missa embættin.
Birting leyniskjala í fjöl miðlum
varð til þess, í janúar síðast-
liðnum, að upp komst um ýmis
mál tengd fjármálum og valda-
baráttu í Páfagarði. - gb
Hneykslismálið í Páfagarði:
Einkaþjónninn
lofar að aðstoða
JAMIL AFRIDI Segir réttarhöldin hafa
verið marklaus. NORDICPHOTOS/AFP
SPURNING DAGSINS