Fréttablaðið - 11.07.2012, Blaðsíða 24

12. júlí 2012 FIMMTUDAGUR24
Átaki í innlendri ferðaþjónustu verður
hleypt af stokkunum í dag. Verkefnið,
sem ber heitið Ísland er með’etta, er
sameiginlegt verkefni allra markaðs-
stofa landsins, Ferðaþjónustu bænda,
Höfuðborgarstofu og Ferðamálastofu.
Markmið þess er að hvetja Íslend-
inga til ferðalaga innanlands og vekja
athygli á áhugaverðum stöðum og upp-
lifunum innanlands. Í tengslum við
átakið hefur vefsvæði verið sett á lagg-
irnar, Islandermedetta.is.
„Átakið er tilkomið vegna þess að
við viljum breyta viðhorfi Íslendinga
til innlendrar ferðaþjónustu. Það hefur
verið þannig að Íslendingar eru til í að
gera vel við sig erlendis en síður til-
búnir til þess að nýta sér sambærilega
ferðaþjónustu innan-
lands. Við viljum hins
vegar hvetja Íslend-
inga til þess að njóta
Íslands til fulls, horfa
á Ísland sem staðinn
til þess að verja frí-
inu og prófa allt sem
það hefur upp á að
bjóða,“ segir Gústaf
Gústafsson verkefna-
stjóri átaksins.
Gústaf segir að eitt markmiða átaks-
ins sé að ná til Íslendinga sem ferðist
lítið innanlands. „Hluti Íslendinga
ferðast innanlands og það er svolítið
þannig að þegar fólk byrjar á því þá
hættir það ekki. En hluti fólks hefur
lítið ferðast um landið og við viljum
breyta því.“
Vefsvæðið Islandermedetta.is er
miðpunktur átaksins að sögn Gúst-
afs. „Vefurinn býður notendum upp
á marga möguleika. Bæði er hægt að
leita að ákveðnum hlutum, gistimögu-
leikum, matsölustöðum, og afþreyingu
af ýmsum toga svo fátt eitt sé nefnt.
Vefurinn verður opinn þannig að not-
endur geta sett inn efni beint og deilt
upplifunum sínum á fljótlegan og ein-
faldan hátt. Þannig getur fólk bent á
góða matsölustaði eða fallega göngu-
leið,“ segir Gústaf og bætir við að
vissulega geti fólk sett inn gagnrýni ef
við á. „Þetta verður samfélagsvefur og
opinn fyrir skoðanaskipti.“
timamot@frettabladid.is
Elskuleg móðir okkar, tengdamóðir, amma
og langamma,
VALGERÐUR ODDNÝ ÁGÚSTSDÓTTIR
sem lést laugardaginn 7. júlí á Hrafnistu 2b
í Hafnarfirði, verður jarðsungin frá Grafar-
vogskirkju miðvikudaginn 18. júlí kl. 13.
Blóm og kransar vinsamlegast afþakkaðir
en þeim sem vilja minnast hennar er bent á
minningarsjóð Hrafnistu í Hafnarfirði.

Inga I. Svala Vilhjálmsdóttir Páll Trausti Jörundsson
Kára Hrönn Vilhjálmsdóttir Sigmundur Smári Stefánsson
barnabörn og barnabarnabörn.

Okkar elskulega,
HRÖNN KARÓLÍNA JOHNSON
Sunnuflöt 32, Garðabæ,
lést föstudaginn 29. júní. Útför hefur farið
fram í kyrrþey að ósk hinnar látnu. Sérstakar
þakkir til hjúkrunarfræðinga Karitas og
krabbameinsdeildar 11E Landspítala.

Daníel Pétursson
Elísabet Daníelsdóttir Hallgrímur Sch. Kristinsson
Oddur Daníelsson Áslaug Kristinsdóttir
María Sigríður Daníelsdóttir Sigurður Jónsson
Pétur Daníelsson Sigrún Ósk Ólafsdóttir
Þóra Hrönn Daníelsdóttir Patrik Ahmed
barnabörn og barnabarnabörn.
Ástkær eiginmaður minn, faðir okkar,
tengdafaðir, afi og langafi,
NARFI SIGURÐUR KRISTJÁNSSON
bóndi í Hoftúnum, Staðarsveit,
sem andaðist á Heilbrigðisstofnun
Suðurlands laugardaginn 7. júlí síðastliðinn,
verður jarðsunginn frá Staðarstað í
Staðarsveit, föstudaginn 13. júlí kl. 14.00.

Jófríður Kristjana Sigurðardóttir
Ingólfur Narfason Halla Steinsson
Helga Steina Narfadóttir Gísli Guðmundsson
Kristján Narfason
Sigurður Narfason Laila Bertelsdóttir
Veronika Narfadóttir Bjarni Stefánsson
Snæbjörn Viðar Narfason Þórunn Hilma Svavarsdóttir
barnabörn og barnabarnabörn.
Ástkær bróðir okkar, faðir, mágur og frændi,
VILHELM ÖRN OTTESEN
Efstahjalla 13, Kópavogi,
varð bráðkvaddur á heimili sínu
fimmtudaginn 5. júlí. Útför hans fer fram frá
Hvítasunnukirkjunni Fíladelfíu laugardaginn
14. júlí kl. 13.00. Blóm og kransar
vinsamlega afþakkaðir. Þeim sem vildu
minnast hans er bent á Frú Ragnheiði-skaðaminnkun, verkefni
Reykjavíkurdeildar Rauða kross Íslands, reikn.nr.: 0526-26-5320,
kt.: 530269-1839, skýring: v/Vilhelms.

Ásta Ottesen Páll H. Jónsson
Gunnlaug Ottesen Friðrik Diego
Þórhallur Ottesen Elín Margrét Jóhannsdóttir
Kristín Ottesen Sigmundur Ásgeirsson
Jón Ívar Vilhelmsson Ellert Heiðar Vilhelmsson
og frændsystkini.
Erum innilega þakklát öllum sem sýndu
samúð og hlýhug þegar hjartkær móðir
okkar,
ESTER JÚLÍUSSON
lést 29. júní síðastliðinn. Sérstakar þakkir til
starfsfólksins sem annaðist hana á Grund.

Ragnheiður Friðjónsdóttir
Guðrún Friðjónsdóttir
Júlíus Lennart Friðjónsson
Hjördís Hildigunnur Friðjónsdóttir
og fjölskyldur.
Faðir okkar og tengdafaðir, afi, mágur og frændi,
HELGI JÓNSSON
þýðandi og ritstjóri,
lést í Kaupmannahöfn 6. júlí. Útförin fer fram í dag, fimmtudaginn
12. júlí, frá Hellerup Kirke í Kaupmannahöfn.

Björn Jonsson og fjölskylda
Jórunn Jonsson og fjölskylda
Birgitta Jonsson og fjölskylda
Jón Nordal, Hjálmur, Ólöf og Sigurður Nordal
Þórunn, Jón, Grímur, Þórhildur og Finnur Björnsbörn

Í dag eru 50 ár síðan hljómsveit-
in The Rolling Stones steig á svið í
fyrsta skipti. Þessi merki viðburður
átti sér stað í Marquee-klúbbnum í
London. Saga hljómsveitarinnar hófst
tveimur árum fyrr, þegar æskuvin-
irnir Mick Jagger og Keith Rich-
ards hittust á lestarstöð. Jagger hélt
á Chuck Berry og Muddy Waters-
plötum en á þessum tónlistarmönn-
um hafði Richards einnig miklar
mætur og var þannig lagður grund-
völlur að endurnýjuðum kynnum og
stofnun hljómsveitar. Dick Taylor
bassaleikari var upphafsmeðlimur
sveitarinnar. Þeir félagar féllu fyrir
gítarleikara blússveitarinnar Blues
Incorporated, Brian Jones, hljómsveit
sem hafði einnig á að skipa tveim-
ur framtíðarliðum Rolling Stones;
Ian Stewart píanóleikara og Charlie
Watts trommuleikara. Stewart fann
æfingarpláss og gekk í hljómsveitina
sem ætlaði sér að spila Chicago-blús.
Á áðurnefndum fyrstu tónleikum
skipuðu sveitina Jagger, Richards,
Jones, Stewart og Taylor. Tony Chap-
man lék samkvæmt Wikipediu lík-
lega á trommur þetta kvöld en Watts
slóst í hóp sveitarinnar í janúar 1963.
Brian Jones á heiðurinn að nafni
sveitarinnar, hann mun hafa rekið
augun í heiti lags Muddy Waters,
„Rollin’ Stone“, spurður af blaða-
manni Jazz News hvað hljómsveitin
héti.
50 árum síðar er sveitin enn að sem
kunnugt er. Fyrirhugaðri tónleika-
ferð til að fagna 50 ára afmælinu var
hins vegar frestað fram til ársins
2013 vegna heilsuleysis Keiths Rich-
ards.
ÞETTA GERÐIST: 12. JÚLÍ 1962
The Rolling Stones stíga á svið í fyrsta sinn
VERKEFNIÐ ÍSLAND ER MEБETTA: NÝTT ÁTAK Í INNLENDRI FERÐAÞJÓNUSTU
Íslendingar hvattir til þess að
njóta lystisemda landsins
GÚSTAF GÚST-
AFSSON.
LÓNDRANGAR Notendur vefsíðunnar islandermedetta.is geta valið sér landshluta og skoðað áhugaverða staði og afþreyingu þar. Á Vesturlandi
er meðal annars bent á Þjóðgarðinn Snæfellsjökul vestast á Snæfellsnesi. Þar eru Lóndrangar. FRÉTTABLAÐIÐ/STEFÁN
PABLO NERUDA Skáld frá Síle (1904-1973) fæddist þennan dag
„Skammvinn er ástin. Aldrei vill hún fyrnast.“
Þýð. Málfríður Einarsdóttir
Merkisatburðir
1543 Hinrik áttundi Englandskonungur giftist áttundu og síð-
ustu konu sinni Katrínu Parr.
1636 Um 35 Íslendingar eru keyptir lausir úr Barbaríinu.
1906 Dreyfusmálið: Alfred Dreyfus fær uppreisn æru rúmlega
áratug eftir að hafa verið dæmdur sekur fyrir landráð.
1920 Friðarsamkomulag Sovétríkjanna og Litháen undirritað,
Sovétríkin viðurkenna sjálfstæði Litháen.
1932 Norskir hermenn leggja hluta Austur-Grænlands undir
sig og kalla Eirik Raudes Land.
1943 Sovétmenn og Þjóðverjar berjast í stærsta skriðdrekabar-
daga sögunnar: Prokhorovka-bardaganum.
1953 Grafarkirkja á Höfðaströnd í Skagafirði vígð eftir endur-
byggingu. Kirkjan var upphaflega reist árið 1680 og rúmar 30
manns.
1971 Fána ástralskra frumbyggja
er flaggað í fyrsta sinn.
1975 Eyjarnar Saó Tóme og Prin-
sípe í Gíneuflóa fá sjálfstæði frá
Portúgal.
1979 Eyríkið Kíribatí í Kyrrahafi
fær sjálfstæði frá Bretlandi.
1997 Safn Ríkharðs Jónssonar myndhöggvara (1888-1977)
opnar í Löngubúð á Djúpavogi.