Fréttablaðið - 16.07.2012, Side 6

16. júlí 2012 MÁNUDAGUR6
UMHVERFISMÁL Íslendingar eru
langt frá því að uppfylla sett
markmið um endurvinnslu á
gleri. Endurvinna átti 60 prósent
af umbúðagleri í lok árs 2011
samkvæmt settum markmiðum.
Árið 2009 var ekkert gler end-
urunnið, eða núll prósent. Síðan
þá hafa engar breytingar verið
gerðar á meðhöndlun á gleri svo
vitað sé.
Markmiðin eru byggð á EES-
samningnum og landið því að
brjóta samninginn.
„Mjög líklegt er að okkur verði
stefnt, en það eru minni líkur á
einhverjum sektum ef það er fyr-
irséð að við vinnum að því að bæta
okkur,“ segir Kjartan Ingvarsson,
lögfræðingur hjá umhverfisráðu-
neytinu.
Hann bendir þó á að fram-
kvæmdastjórn Evrópusambandsins
hafi stefnt nokkrum aðildarríkjum
fyrir að innleiða úrgangstilskip-
unina ekki rétt og ekki á réttum
tíma. Það hafi í auknum mæli haft
í för með sér sektargreiðslur sem
aðildarríki hafi þurft að borga til
Evrópusambandins. Hann segir því
ekki hægt að útiloka sektir.
Til stendur að bæta endurvinnslu
á gleri og er markmið stjórnvalda
að koma á sérstakri söfnun á gleri,
pappír, málmum og plasti árið 2015.
Kjartan segir mögulegt að söfnunin
fari jafnvel fyrr af stað.
„Það þarf að tryggja að gleri sé
safnað og það fari í endurvinnslu.
Ráðuneytið er að vinna að inn-
leiðingu á því og lagt verður fram
frumvarp um það á Alþingi í haust.“
Aðeins broti af því gleri sem til
fellur er safnað saman eins og er.
„Þetta snýst um umbúðagler. Hér
á landi er aðallega safnað drykkjar-
vöruumbúðum úr gleri, en það er
lítil áhersla lögð á að safna saman
öðrum glerumbúðum. Það er tals-
vert mikið magn þó svo að tölur um
það liggi ekki alveg fyrir,“ segir-
Kjartan. katrin@frettabladid.is
lausnir fyrir
þreytta, sprungna og þurra
Kerasal
fætur
• Nýtt á Íslandi
• Mest selda fótalínan
í Bandaríkjunum
• Klínískar rannsóknir
sýna fram á árangur

20 %
kynningarafsláttur
út júlí
í Norræna húsinu í kvöld
kl. 20.00. Aðgangur ókeypis.
Átta sterkar austurrískar
karlmannsraddir án hljóðfæra/
lifandi sviðsframkoma og húmor.
VOICES
UNLIMITED
Norræna húsið Sturlugata 5 101 Reykjavík Tel. 5517030 www.norraenahusid.is
Megum eiga von á
kæru vegna glersins
Íslendingar endurvinna ekki umbúðagler og brjóta þannig EES-samninginn.
Stór hluti umbúðaglers er hins vegar endurnýttur. Búast má við ákæru vegna
þessa, en ólíklegra þykir að sektum verði beitt, segir lögfræðingur ráðuneytis.
Mjög líklegt er að
okkur verði stefnt, en
það eru minni líkur á ein-
hverjum sektum.
KJARTAN INGVARSSON
LÖGFRÆÐINGUR HJÁ
UMHVERFISRÁÐUNEYTINU
VIÐ GÁMINN Helgi Lárusson, framkvæmdastjóri Endurvinnslunnar, við einn gáma fyrirtækisins. Hann segir að minnstu verksmiðj-
urnar sem endurvinna og bræða gler taki á móti tuttugufalt meira magni en því sem kemur frá Íslandi. FRÉTTABLAÐIÐ/VALLI
„Mjög víða er gler ekki kerfisbundið endurunnið vegna þess að sú vinnsla er
dýrari en að taka fram sandinn sem liggur víða og vinna úr honum nýtt gler,“
segir Helgi Lárusson, framkvæmdastjóri Endurvinnslunnar.
Helgi bendir á að við endurvinnslu á gleri þurfi að hreinsa það mjög vel,
bæði allan pappír af ílátunum og allt innihald. Þessi hreinsun sé mengandi.
Að auki þurfi að flytja glerið með flutningabíl í skip, sigla skipinu í höfn
erlendis, og þaðan keyra það í glerbræðslu. Þessir flutningar mengi líka.
„Og þá kemur alltaf upp spurningin: Hvað viltu ganga langt og hvenær er
verið að vernda umhverfið? Er þetta umhverfisvænt eða ekki?“
Helgi segir skynsamlegra að endurnýta glerið.
„Við höfum frekar notað þetta í malbik, glerteppi, í viðhald á görðum eða
saxað glerið í sand og notað í stíga.“
Helgi telur það betri kost en endurvinnslu.
„Það er mjög dýrt að endurbræða gler og það kostar mengun að endur-
vinna það.“
Endurvinnslan dýr og mengandi
Munurinn á endurnýtingu og endurvinnslu er að með endurvinnslu er glerið
brætt og aðrir glermunir gerðir úr því.
Með endurnýtingu er glerið notað í eitthvað annað, til dæmis brotið niður
og notað við stígagerð eða sem uppfyllingarefni ofan á urðunarstaði.
Endurnýting og endurvinnsla er því ekki það sama. Íslendingar eru duglegir
að endurnýta gler, en endurvinna það hins vegar ekki.
Samtals var rúmlega níu tonnum af gleri safnað árið 2009. Ekkert var endur-
unnið, en tæp sex tonn endurnýtt eða 64 prósent.
Munur er á endurnýtingu og -vinnslu
DISCOVERY CHANNEL ER Á STÖÐ 2 FJÖLVARP | FÁÐU ÞÉR ÁSKRIFT Á STOD2.IS
BRETLAND Konur hafa í fyrsta sinn
síðan mælingar hófust farið fram
úr körlum á greindarprófum.
Ríflega 100 ár eru liðin frá
því að mælingar á greind hófust.
Breska blaðið Daily Telegraph
segir konur hingað til hafa verið
um fimm stigum undir körlum í
meðalgreind. Nú hefur orðið við-
snúningur og konur mælast að
meðaltali hærri en karlar. Ein
kenning er að greind kvenna hafi
aukist vegna álags á heilann við
að samþætta flókið fjölskyldulíf
og starfsframa í nútímasamfélagi.
Tímamót í greindarmælingu:
Konur standa
körlum framar
NÁTTÚRA Fá tún á Suðurnesjum
skarta um þessar mundir grænum
lit og reyndar varla stingandi strá
á mörgum þeirra. Það er kannski
ekki að undra að túnin láti á sjá en
varla hefur komið dropi úr lofti á
þessum slóðum frá því í lok maí.
Þorvaldur Örn Árnason, líffræð-
ingur og íbúi í Vogum, segir það
svo ekki bæta úr skák að grasþök-
urnar hafi verið lagðar ofan á möl
og sand en hvorutveggja helst illa
á raka. Betur mundi reynast, segir
hann, að hafa góða mold.
„Þetta er einhver tíska sem
hefur tröllriðið öllu hérna sem er
ekki nógu gott því slíkar flatir þola
varla viku þurrk,“ segir hann. „Svo
er hér stór íþróttavöllur sem er
hannaður eftir þessari tísku og það
þarf að vökva hann daglega svo
hann skrælni ekki í þessu árferði
sem er að öðru leyti afskaplega
ánægjulegt.“ Hann segir enn frem-
ur að allur gróður sem hafi mold
við rætur sér þrífist afbragðsvel
þrátt fyrir þurrkatíðina.
Hilmar Bragi Bárðarson, frétta-
stjóri Víkurfrétta, segir að reynt
hafi verið að halda græna litnum við
með því að vökva en það hafi ekki
borið tilætlaðan árangur. - jse
Grasfletir á þéttbýlisstöðum á Suðurnesjum víðast brúnir og illa brunnir:
Víða brún tún á Suðurnesjum
SKRÆLNAÐUR SKRÚÐGARÐUR Skrúð-
garðurinn í Reykjanesbæ er þurr og vart
stingandi strá að sjá. MYND/JÓN ÞORGILSSON
KJÖRKASSINN
Fer órækt í Reykjavík í
taugarnar á þér?
JÁ 64,5%
NEI 35,5%
SPURNING DAGSINS Í DAG:
Finnst þér að borgin eigi að
kaupa Perluna og leigja ríkinu
undir náttúruminjasafn?
Segðu þína skoðun á vísir.is.