Fréttablaðið - 16.07.2012, Blaðsíða 46

16. júlí 2012 MÁNUDAGUR26
GOTT Á GRILLIÐ
Lene Stæhr, dönsk heimildar-
myndagerðarkona, vinnur að þrí-
leik í samstarfi við danska rík-
issjónvarpið sem fjallar um líf
fólks í Færeyjum, á Grænlandi
og á Íslandi. Stæhr leitar nú að
söguefni hér á Íslandi og henni
þykir ekkert viðfangsefni of stórt
eða lítið.
Stæhr óskar eftir sögum frá
fólki sem glímir við vanda eða
átök í lífi sínu og hefur hugrekki
til að deila sögu sinni með öðrum.
Myndirnar sem gerast á Græn-
landi og í Færeyjum eru langt á
veg komnar og segja frá samkyn-
hneigðum manni á Grænlandi og
súludansara er hraktist burt úr
hinu strangkristna samfélagi í
Færeyjum og leitast nú eftir því
að byggja upp samband við fjöl-
skyldu sína á ný.
Þess má geta að þríleikurinn er
framleiddur af framleiðslufyrir-
tæki í eigu leikstjórans Nicolas
Winding Refn sem leikstýrði
meðal annars kvikmyndunum
Drive, Bronson og Pusher.
Stæhr segist ekki vita við
hverju hún megi búast af Íslend-
ingum en vonar að einhverjir
sýni verkefninu áhuga. Hún mun
lesa allar þær sögur sem ber-
ast og í kjölfarið reyna að hitta
þá sem sendu sögurnar. „Það er
mikilvægt að hitta alla því ég
þarf að sjá hvort fólk geti miðlað
sögu sinni til áhorfenda á áhrifa-
ríkan hátt. Ég vil þó taka fram
að heimildarmyndin er unnin í
samráði við viðmælendur. Þetta
verður mannleg saga unnin af ást
og alúð.“
Áætlað er að tökur hefjist í
september og búast má við að
eftirvinnslan taki upp undir ár.
Afraksturinn verður svo sýnd-
ur í Danmörku og öðrum Norð-
urlöndum sem og í Frakklandi.
Hafi einhver góða sögu til að
deila með Stæhr getur sá hinn
sami sent henni tölvupóst á net-
fangið lenestaehr@hotmail.com.
- sm
Óskar eftir sögum venjulegs fólks
LEITAR AÐ SÖGUEFNI Lene Stæhr, dönsk
heimildarmyndagerðarkona, vinnur að
þríleik í samstarfi við danska ríkissjón-
varpið. Hún leitar að sögum hér á landi.
„Guði sé lof fyrir Skype,“ segir
Guðmundur Valur Viðarsson sem
upplifði fæðingu frumburðar síns
í gegnum Skype staddur í Ástralíu
á stærstu forritunarkeppni heims
á dögunum.
Guðmundur og hópur hans,
Radiant Games, lenti í 4. til 5. sæti
í keppninni Imagine Cup sem er
skólakeppni á vegum Microsoft og
fór fram í Sidney. Íslenski hópur-
inn komst í tíu liða úrslit af 506
umsækjendum í flokknum leikja-
hönnun fyrir Windows og Xbox en
keppt var í sjö flokkum og mörg
þúsund lið skráð til leiks.
„Ég varð vitni að því í beinni
þegar dóttir mín kom í heiminn,
eða eins mikið og ég gat í gegnum
tárin,“ segir Guðmundur. „Ég get
ekki þakkað Skype þetta nóg og ég
á eftir að senda þeim tölvupóst.“
Hann kynnti leikinn Robert‘s
Quest fyrir stjörnum prýddri
dómnefnd ásamt Hauki Steini
Logasyni, Axel Erni Sigurðssyni
og Sveini Fannari Kristjánssyni
en þeir hafa unnið dag og nótt að
leiknum frá áramótum. Guðmund-
ur nemur við Margmiðlunarskól-
ann en hinir eru nemar við HR.
Daníel Brandur Sigurgeirsson,
aðjúnkt við HR, var leiðbeinandi
verkefnisins og fylgdi þeim út.
„Larry Hryb, sem er yfir Xbox
Live, var dómari og tók í hönd-
ina á mér af fyrra bragði og einn
aðaldómarinn lofaði grafíkina
í hástert við mig,“ nefnir hann
kátur.
Leikurinn fjallar um íkornann
Róbert sem breytir orkugjöfum
mengaðrar borgar í endurnýjan-
lega. Markmið þeirra er að börn
spili leikinn til skemmtunar og
fræðist ómeðvitað. „Ef hann væri
ekki skemmtilegur gætum við
alveg eins rétt börnum bækling
um græna orku og það les enginn,“
segir nýbakaði faðirinn.
Hann eignaðist dóttur aðfara-
nótt 6. júlí með konu sinni Gunn-
þóru Elínu Erlingsdóttur, þá til-
tölulega nýlentur í Ástralíu. „Það
var bara heppni að þetta fór af
stað klukkan hálf átta fyrsta
morguninn í Sidney því hann var
enn sofandi uppi á herbergi,“ segir
Gunnþóra sem hringdi á hótelið í
mikilli geðshræringu en sími Guð-
mundar virkaði ekki. Fyrir brott-
för hafði hún reynt öll húsráð til
að koma stúlkunni í heiminn en
eftir að hann fór af landi brott
tóku við öfug húsráð án árangurs.
„Systir mín og mamma voru
með í fæðingunni og önnur sá til
þess að skjárinn ferðaðist með
mér. Fyrsta fjölskyldumyndin er
af okkur mæðgunum í rúminu og
honum í tölvuskjá með heyrnartól,
hún er ómótstæðileg,“ segir hún.
hallfridur@frettabladid.is
GUÐMUNDUR VALUR VIÐARSSON: DÓTTIRINN KOM Í HEIMINN Í BEINNI
Fæðing á Skype á stærstu
forritunarkeppni heims
FAGNAÐARFUNDIR Liðsmenn Radiant Games ásamt Gunnþóru og nýfæddu
dótturinni samankomin eftir atburði sem hafa einkennst af fjarlægð, tækni og gleði.
FRÉTTABLAÐIÐ/STEFÁN
„Við grillum lamba rib-eye á
jöklinum og höfum kartöflu-
salat, kalda sósu og jökulkaldan
bjór með.“
Pétur Haukur Loftsson, starfs-
maður hjá Pure Adventures.
Heilsueldhúsið
„Fáum hefur tekist jafn vel að teknó-væða
mannfólkið eins og Dave Clarke,“ segir
Arnviður Snorrason, betur þekktur sem
Addi Exos. Hann er meðal skipuleggjenda
framkomu eins frægasta teknó-plötusnúðs
heims á Þýska barnum næsta laugardags-
kvöld.
„Hann er rosalega hrifinn af Íslandi en
hann hefur komið hingað þrisvar og þá síð-
ast árið 2004,“ segir Addi sem þótti mikill
heiður að hita upp fyrir goðið árið 2000 og
2001. „Mjög margir muna eftir þeim kvöld-
um en hann sprengdi húsið af Gauknum.“
Koma hans eru mikil tíðindi fyrir
íslenska aðdáendur tónlistartegundar-
innar en hann er mikill áhrifavaldur í
þróun hennar. „Árið 1994 kom Protective
Custody út en það var þéttasta teknó-lag
sem heyrst hafði og eftir það varð teknóið
öflugra.“
Dave Clarke er enn í dag umfangsmesti
tónlistarmaður stefnunnar. „Hann spilar
aðeins á stærstu hátíðunum og tónleika-
stöðunum í heiminum,“ segir hann og
bætir við að það sé skyldumæting fyrir
gamla teknó-refi: „Þýski barinn er með
leyfi fyrir 400 manns svo þetta verður
aðeins fyrir útvalda.“ - hþt
Goðsögn spilar teknó fyrir útvalda
TEKNÓ-REFUR „Dave Clarke spilar teknó á mjög kraftmikinn hátt eins og
hipphopp plötusnúðar,“ segir Addi og lofar góðu kvöldi þar sem flottir
tónlistarmenn sjá um upphitun fyrir goðið.
Larry Hryb, sem er
yfir Xbox Live, var
dómari og tók í höndina á
mér af fyrra bragði.
GUÐMUNDUR VALUR VIÐARSSON
LIÐSMAÐUR RADIANT GAMES
The Clone Wars
Stjörnustríð á Cartoon Network
CARTOON NETWORK ER Á STÖÐ 2 FJÖLVARP | FÁÐU ÞÉR ÁSKRIFT Á STOD2.IS
QI
Stephen Fry fer á kostum
í skemmtilegum þáttum
BBC ENTERTAINMENT ER Á STÖÐ 2 FJÖLVARP | FÁÐU ÞÉR ÁSKRIFT Á STOD2.IS