Fréttablaðið - 27.08.2012, Blaðsíða 2
27. ágúst 2012 MÁNUDAGUR2
Alveg mátulegur
Heimilis
GRJÓNAGRAUTUR
H
V
ÍT
A
H
Ú
SI
Ð
/
S
ÍA
LÖGREGLUMÁL Mál Sverris Þórs
Gunnarssonar, Svedda tannar, er
enn til rannsóknar hjá lögregl-
unni í Rio de Janeiro í Brasilíu.
Hann situr enn í varðhaldi vegna
málsins og óvíst er hvort og þá
hvenær hann verður framseld-
ur til Spánar vegna eldri dóms,
samkvæmt upplýsingum Frétta-
blaðsins.
Sverrir var handtekinn í byrjun
júlí í kjölfar þess að yfir fimmtíu
þúsund e-töflur fundust í farangri
brasilískrar konu á Tom Jobim-
flugvellinum í Rio. Hann hafði
komið með sama flugi og hún
frá Lissabon
í Portúgal en
farið óáreittur
í gegnum toll-
skoðun á fölsku,
íslensku vega-
bréfi.
Sverrir var
færður í Ary
Franco-fangels-
ið í Água Santa,
nærri Rio de
Janeiro. Síðan hefur lögregla
rannsakað málið og meðal ann-
ars verið í sambandi við íslensk
yfirvöld vegna þess.
Eftirgrennslan brasilísku lög-
reglunnar leiddi í ljós að Sverrir
var með óafplánaðan níu ára
fangelsisdóm á bakinu á Spáni
vegna fíkniefnasmygls. Hugsan-
legt er að hann verði framseldur
þangað, en hins vegar er allt eins
líklegt að það yrði ekki fyrr en
að máli hans í Brasilíu verður að
fullu lokið – jafnvel eftir að hann
hefur afplánað fangelsisrefsingu.
Íslensk lögregluyfirvöld hafa
haft mál til rannsóknar sem
tengjast Sverri. Ólíklegt er að
hann sé á leið til Íslands í bráð
svo að leiða megi þau til lykta. - sh
Óvíst hvort og þá hvenær íslenskur smyglari verður framseldur til Spánar:
Mál Svedda eru enn í rannsókn
SVERRIR ÞÓR
GUNNARSSON
MENNTUN Nítján skólar víðs vegar
um landið hafa tekið upp eða eru
að taka upp nýja aðferð við lestr-
arkennslu, sem byggist á því að
nemendur vinni saman í pörum.
Mikil ánægja er með aðferðina,
sem nefnist PALS.
„Þetta virkar vel fyrir alla.
Þetta virkar fyrir sterka nemend-
ur, fyrir þá sem eru með íslensku
sem annað mál og líka þá sem
eru lesblindir eða með aðra erfið-
leika,“ segir Ásdís Hallgrímsdótt-
ir, kennari í Ölduselsskóla. Hún
hefur kennt aðferðina undanfarin
ár auk þess sem hún hefur ásamt
Kristínu Ingu Guðmundsdóttur,
kennara í Lágafellsskóla, haldið
námskeið fyrir aðra kennara.
PALS er upprunalega frá
Bandaríkjunum og stendur fyrir
Peer-Assisted Learning Strate-
gies. Á íslensku hefur þetta verið
þýtt sem pör að læra saman.
Aðferðin er byggð upp sem jafn-
ingjakennsla. Nemendur lesa
saman í pörum eftir mjög ákveðnu
skipulagi.
Annað barnið les fyrst í fimm
mínútur á meðan hitt hlustar, leið-
réttir mistök og hjálpar með erfið
orð. Þá eru gefin stig fyrir hverja
lesna setningu. Eftir fimm mínút-
ur er skipt um hlutverk. Aðferðin
hefur verið notuð í nítján ár ytra
og gefið góða raun. Rannsóknir
hafa sýnt framfarir í lestri á öllum
getustigum.
Ásdís segir aðferðina ekki nein
ný geimvísindi. „Það er ekkert í
þessu sem kennarar kunna ekki,
en þetta er sett saman á þann hátt
að úr verður góð aðferð til lestr-
arþjálfunar. Það er það sem gerir
þetta svo gott, þetta er sett í alveg
ákveðið form og þegar farið er
eftir því virkar það. Alls staðar
þar sem þetta er notað hefur sést
mikill árangur.“
PALS var innleitt í skólana á
vegum SÍSL, sérfræðingateym-
is í samfélagi, sem Hulda Karen
Daníelsdóttir, verkefnastjóri hjá
Reykjavíkurborg, fer fyrir. Hulda
Karen var að leita að aðferðum
sem hentuðu skóla án aðgrein-
ingar hér á landi, en PALS hafði
þótt mjög gott fyrir börn sem
höfðu ensku sem annað tungumál
í Bandaríkjunum.
Þjálfunin fer fram þrisvar í
viku. „Við höfum alltaf verið að
tala um að við getum ekki hlustað
nógu mikið á börnin lesa, og þau
lesa ekki nógu mikið til að þessi
þjálfun eigi sér stað. Þessi aðferð
gerir að verkum að við mætum
þessu, segir Ásdís.“ Þá segir hún
jafnframt að vegna þess að hægt
sé að hlusta á börnin mun oftar sé
auðveldara að greina vandamál.
thorunn@frettabladid.is
Lestur sem hentar
öllum nemendum
Ný aðferð í lestrarþjálfun er að ryðja sér til rúms í nítján skólum hér á landi.
Hún byggist á því að nemendur lesi saman í pörum og hjálpist að. Kennari segir
aðferðina henta jafnt sterkum nemendum sem þeim sem eiga í erfiðleikum.
LESTUR Aðferðin gengur út á að börnin lesi saman í pörum og hjálpist að. Hún hefur
gefið góða raun. NORDICPHOTOS/GETTY IMAGES
Gerður, er þessi þjónusta fyrir
makalausa einstaklinga?
„Já, makalausa einstaklinga í
makaleit.“
Gerður Huld Arinbjarnardóttir er
önnur tveggja stofnenda fyrirtækisins
Sambandsmiðlunar sem býður upp á
makaleitarþjónustu.
RÚSSLAND Tveir meðlima fem-
inísku pönkhljómsveitarinnar
Pussy Riot hafa flúið Rússland
eftir að lögreglan þar í landi
gaf út handtökuskipun á hendur
þeim. Þrír meðlimir hljómsveit-
arinnar voru dæmdir í tveggja
ára fangelsi fyrr í þessum mán-
uði eftir umdeild réttarhöld.
Meðlimirnir voru dæmdir fyrir
óspektir byggðar á trúarhatri
vegna tónleika sem hljómsveitin
hélt í dómkirkju rússnesku rétt-
trúnaðarkirkjunnar í Moskvu í
febrúar. Alls sjö tóku þátt í tón-
leikunum en lögreglu hefur ekki
tekist að finna alla meðlimi
hljómsveitarinnar. - mþl
Handtökuskipun gefin út:
Tvær úr Pussy
Riot flúnar
REYKJAVÍK Efnt var til mótmæla við
rússneska sendiráðið í Reykjavík þann
11. júlí vegna meðferðarinnar á Pussy
Riot.
Ölvuð í hörðum árekstri
Harður árekstur varð á gatnamótum
Kringlumýrarbrautar og Sæbrautar
í fyrrakvöld þegar tveir bílar skullu
saman. Ökumaður annars bílsins,
kona á fimmtugsaldri, var ölvuð og
var hún látin gista í fangaklefa. Til
stóð að yfirheyra hana í gær. Báðir
bílarnir skemmdust mikið og þurfti að
draga þá af vettvangi.
Grunuð um rúðubrot
Stúlka var handtekin við Kirkjuvelli í
Hafnarfirði í gærmorgun en hún er
grunuð um rúðubrot og hugsanlega
húsbrot. Stúlkan hafði skorið sig og
var flutt á slysadeild og síðar í fanga-
geymslu. Hún mun hafa verið eftirýst
af lögreglu vegna annarra mála.
LÖGREGLUFRÉTTIR
TÓGÓ, AP Kvennahreyfing tógóskra mannréttinda-
samtaka hefur kallað eftir því að konur landsins
neiti karlmönnum landsins um kynlíf í eina viku.
Með þessum hætti vilja konurnar sýna andstöðu sína
við forseta landsins, Faure Gnassingbe, en þess er
krafist að hann segi af sér.
Isabelle Ameganvi, leiðtogi kvennahreyfingar-
innar, segir að hreyfingin hvetji til þess að tógóskar
konur stundi ekki kynlíf með karlmönnum frá og
með deginum í dag til næsta mánudags. Verði hug-
myndinni vel tekið muni gremja tógóskra karlmanna
setja aukinn kraft í mótmælin gegn Gnassingbe,
segir Ameganvi.
Gnassingbe komst til valda í Tógó árið 2005 þegar
faðir hans, Gnassingbe Eyadema, lést en sá eldri
hafði ríkt yfir landinu í 38 ár. Gnassingbe hefur ekki
tjáð sig um kynlífsverkfallið og heldur ekki eigin-
kona hans. Gnassingbe hefur verið ásakaður um
mannréttindabrot í landinu.
Hugmynd kvennahreyfingarinnar er ekki ný
af nálinni því hópur kvenna í Líberíu beitti sömu
aðferðum í friðarbaráttu þar í landi árið 2003.
Þá fjallar hið þekkta gríska leikrit Lýsistrata eftir
gamanskáldið Aristófanes um konuna Lýsiströtu
sem sannfærir grísku kvenþjóðina um að fara í kyn-
lífsverkfall þar til endi hefur verið bundinn á Pelóps-
skagastríðið. Leikritið var fyrst flutt í Aþenu árið
411 fyrir Krist. - mþl
Tógóskar konur sækja innblástur til gamanleiks Aristófanesar frá 5. öld fyrir Krist:
Neita körlum um kynlíf í viku
BARÁTTUKÖLL Isabelle Ameganvi er leiðtogi kvennahreyfingar-
innar sem hefur kallað eftir því að konur Tógó neiti karl-
mönnum um kynlíf í viku. FRÉTTABLAÐIÐ/AP
STJÓRNSÝSLA Alls hefur rúmlega
1,4 milljörðum króna verið varið
í aðgerðir í kjölfar eldgosanna í
Eyjafjallajökli og Grímsvötnum.
Þetta kemur fram í skriflegu svari
Jóhönnu Sigurðardóttur forsætis-
ráðherra við fyrirspurn Sigurðar
Inga Jóhannssonar, þingmanns
Framsóknarflokksins.
Jóhanna segir að ekki hafi
reynst unnt að bæta tjón í öllum
tilvikum, slíkt sé aldrei hægt eftir
náttúruhamfarir. Til viðbótar
hefur eittthvað verið fjármagnað
af fjárheimildum stofnana. - kóp
Allt tjón verður aldrei bætt:
1,4 milljarðar í
bætur eftir gos
SÝRLAND, AP Ríflega 300 hafa fallið
í átökum í Damaskus, höfuðborg
Sýrlands, síðustu daga. Þar að
auki segja mannréttindasamtökin
Local Coordination Committees að
633 hafi látist á götum borgarinn-
ar Daraya í síðustu viku. Alls 32
féllu í skotbardaga í gær en í þeim
hópi voru þrjár konur og tvö börn.
Bashar al-Assad, forseti Sýr-
lands, ítrekaði í gær að ekki kæmi
til greina að hann færi frá völdum.
Þá sagði hann uppreisnina runna
undan rifjum erlendra ríkja. - mþl
Hundruð fallið síðustu daga:
Átökin í Sýr-
landi að harðna
HVALREKI Um 15 metra langt búr-
hvalshræ fannst í Bakkafjöru,
skammt vestan við Landeyjahöfn,
síðasta miðvikudag. Mikinn óþef
leggur frá hræinu sem hefur lík-
lega velkst lengi í sjónum áður en
það rak á land.
Nærri staðnum þar sem hvals-
hræið rak á land eru vatns- og
rafmagnslagnir sem liggja til
Vestmannaeyja. Hafa starfs-
menn röraverksmiðjunnar Sets á
Selfossi mátt þola nokkur óþæg-
indi vegna óþefsins við störf sín í
tengslum við lagnirnar.
Ekki hefur verið tekin ákvörðun
um hvað skuli gert við hvalshræið
en málið er á borði Heilbrigðiseft-
irlits Suðurlands. - mþl
Mikill óþefur á svæðinu:
Búrhvalshræ
í Bakkafjöru
BAKKAFJÖRU Elías Örn Einarsson, starfs-
maður Sets, tók þessa mynd af hræinu
á dögunum. MYND/ELÍAS ÖRN EINARSSON
SPURNING DAGSINS
Þetta virkar fyrir
sterka nemendur, fyrir
þá sem eru með íslensku
sem annað mál og líka þá
sem eru lesblindir eða með
aðra erfiðleika.
ÁSDÍS HALLGRÍMSDÓTTIR
KENNARI Í ÖLDUSELSSKÓLA