Fréttablaðið - 27.08.2012, Blaðsíða 10

27. ágúst 2012 MÁNUDAGUR10
FRÉTTASKÝRING
Hvernig hyggjast stjórnvöld á Íslandi
skapa lagaumhverfi um smálán?
Efnahags- og viðskiptaráðherra
hyggst leggja frumvarp til laga
um ný neytendalán fyrir Alþingi
nú í haust. Frumvarpið mun lítt
breytt frá frumvarpi sem lagt var
fyrir síðasta þing en ekki náðist
að afgreiða vegna tímaskorts.
Frumvarpið miðar að því að
auka neytendavernd vegna lána-
starfsemi í takt við Evróputilskip-
anir þess efnis. Frumvarpið sem
lagt verður fyrir þingið nú tekur
þó til fleiri lána, þar á meðal ann-
ars smálána.
Í núgildandi lögum um neyt-
endalán er undanþága sem segir
að lánasamningar sem gilda
skemur en þrjá mánuði séu und-
anskildir gildissviði laganna.
Innan þess ramma hafa smálána-
fyrirtækin hérlendis starfað. Ekk-
ert fyrirtækjanna fimm veitir lán
til lengri tíma en 90 daga.
Nýja frumvarpið mun skapa
lagaumhverfi fyrir smálán, eink-
um með tvennum hætti. Lögð
verður upplýsingaskylda á fyr-
irtækin. Gerð verður krafa um
að þar sem auglýstir eru lána-
samningar og einstök kjör verði
að birtast staðlaðar upplýsingar.
Með stöðluðum upplýsingum er til
dæmis átt við útlánsvexti, árlega
hlutfallsstöðu kostnaðar, lánsfjár-
hæð og lengd samnings. Þá verður
lánveitandinn, í þessu tilviki smá-
lánafyrirtækin, að meta lánshæfi
lántaka áður en lánasamningur
er gerður. Þá mun neytandi hafa
rétt til að falla frá samningi innan
tveggja vikna.
Neytendastofa hefur farið með
eftirlit með neytendalánum og
smálánum. Það mun stofnunin
gera áfram en mun hafa ríkari
heimildir til að grípa inn í sé ekki
farið að lögum og ákvörðunum
stjórnvalda.
Haukur Örn Birgisson, lögmað-
ur Útlána, segir að verði frum-
varpið að lögum í óbreyttri mynd
muni það hafa óveruleg áhrif á
starfsemi smálánafyrirtækja.
„Það er verið að sníða þeim aðeins
þrengri stakk og það verður bara
að bregðast við því og það er allt í
góðu,“ segir Haukur Örn.
„Þessari löggjöf er bara vel
tekið meðal annars út af þessu
slæma umtali sem hefur verið
undanfarin misseri, að um þessi
lán gildi engin lög og að með þeim
sé ekkert eftirlit. Það er auðvitað
rangt,“ segir Haukur Örn.
birgirh@frettabladid.is
Auknar kvaðir á smálána-
fyrirtækin í nýju frumvarpi
Frumvarp til laga um neytendalán verður lagt fyrir Alþingi í haust. Ný lög eiga að leggja auknar kvaðir á
þá sem veita smálán. Lögmaður smálánafyrirtækja segir að frumvarpið muni hafa óveruleg áhrif.
Í Danmörku, Svíþjóð og Finnlandi hefur verið stefnt að sambærilegu fyrir-
komulagi og hérlendis, það er að fella veitingu smálána undir umgjörð
neytendalánalöggjafar með það að markmiði að tryggja neytendavernd.
Við undirbúning frumvarpsins hafði efnahags- og viðskiptaráðuneytið
samráð við aðrar stofnanir sem fjalla um fjármál neytenda. Meðal þeirra var
Umboðsmaður skuldara, hjálparstofnanir, Fjármálaeftirlitið og Neytenda-
stofa. Þá var haft samráð við systurstofnanir Neytendastofu á Norðurlönd-
unum.
Stjórnvöld hafa víðast hvar horn í síðu þessarar lánastarfsemi og segjast
þar bera hag neytenda fyrir brjósti. Meðal leiða sem farnar hafa verið er að
setja vaxtaþak á lánasamninga. Það takmarkar hagnaðarvon fyrirtækjanna
og skerðir rekstrarforsendur, enda þrífast þau aðallega á vaxtatekjum og
lánsgjöldum. Þá má banna starfsemina. Sú leið hefur þó þótt varasöm þar
sem bannið mundi að öllum líkindum keyra lánastarfsemina í undirheima
eða á svartan markað.
Áþekk stefnumótun á Norðurlöndum
SKIPULAGSMÁL Þak Morgunblaðs-
hússins við Aðalstræti 6 verður
hækkað um einn til tvo metra ef
vilji eigenda þess verður að veru-
leika. Fasteignafélagið Reitir, sem
á húsið, hefur sent skipulagsstjóra
Reykjavíkurborgar fyrirspurn
vegna málsins.
„Breytingin felur í sér að hækka
þak þannig að það sé lögleg loft-
hæð á efstu hæð,“ segir í gögn-
um sem Reitir hafa skilað inn til
skipulagsstjóra. Þakið er einhalla
og mismunur er í hækkunum. Til
þess að ná markmiðum um löglega
lofthæð þyrfti að hækka húsið um
einn til tvo metra, að því er fram
kemur í gögnum frá arkitektastof-
unni Arkís. Gluggar yrðu sam-
kvæmt teikningum.
Á fundi skipulagsstjóra síðast-
liðinn föstudag var málið tekið
fyrir og ákveðið að það skyldi
kynnt formanni skipulagsráðs,
Páli Hjalta Hjaltasyni.
Meðal þeirra sem hafa aðstöðu í
húsinu eru sendinefnd Evrópusam-
bandsins á Íslandi og Vinstrihreyf-
ingin – grænt framboð. Þá eru þar
skrifstofur fyrirtækja, verslun,
lögmannsstofur og hótelrekstur.
- þeb
Fasteignafélagið Reitir hefur sent inn fyrirspurn til skipulagsstjóra borgarinnar:
Vilja hækka þak Moggahallar
AÐALSTRÆTI 6 Efsta hæð hússins hefur
ekki fulla lofthæð og eigendur þess vilja
fá leyfi til að hækka þakið af þessum
sökum. FRÉTTABLAÐIÐ/VALLI
ALÞINGI Innanríkisráðuneytið
hefur ekki gert þjónustusamning
við löggilt ættleiðingarfélag. Drög
að slíkum samningi eru til og hafa
verið til umfjöllunar. Þetta kemur
fram í svari Ögmundar Jónasson-
ar innanríkisráðherra við fyrir-
spurn Unnar Brár Konráðsdóttur,
þingmanns Sjálfstæðisflokksins.
Samkvæmt lögum mega löggild
ættleiðingarfélög ein hafa milli-
göngu um ættleiðingu. Í svari ráð-
herra segir að meta þurfi skyldur
félagsins að lögum og greina fjár-
veitingar. - kóp
Samningsdrög tilbúin:
Ósamið vegna
ættleiðinga
www.volkswagen.is
Frelsi til
að ferðast
Volkswagen Tiguan
Komdu og reynsluaktu Volkswagen Tiguan
Tiguan Sport & Style kostar aðeins frá
5.790.000 kr.
Fullkomið leiðsögukerfifyrir Ísland
Volkswagen Tiguan sportjeppi eyðir
aðeins 5,8 l á hverja 100 km.
• High-Tech Polyethlen-akrýl efni
• Langtíma yfi rborðsvörn
• Einstök UV vörn
• Háglans án póleringar
• Hreinsar og ver í einni umferð
Bílasmiðurinn hf · Bildshöfða 16
sími: 5672330
ALLT SEM
Þú ÞARFT
NANO-TECH BÍLABÓN
GEFÐU
HÆNU
gjofsemgefur.is
9O7 2OO3
Í DÝRAGARÐI Tveir Bengaltígrar
gæða sér á kjötbita í dýragarðinum í
Asunción, höfuðborg Paragvæ. Yfirvöld
í Paragvæ tóku við níu Bengaltígrum
og sjö Afríkuljónum frá argentínskum
sirkus eftir að dýrin höfðu eytt tuttugu
dögum við landamæri ríkjanna.