Fréttablaðið - 08.01.2013, Side 24

KYNNING − AUGLÝSINGSkólar & námskeið ÞRIÐJUDAGUR 8. JANÚAR 20136
Seppi litli úrelt afsökun
„Hundurinn át heimaverkefnið mitt“ er löngu úrelt afsökun ef
heimaverkefnið liggur ekki klárt á kennaraborðinu á settum degi.
Nútímanemendur segja tæknina frekar hafa brugðist sér þegar
þeir reyna að snúa sig út úr verkefnaskilum. Þetta kom fram í
könnun sem náði til 500 kennara og 1.000 nemenda í skólum í
Bretlandi. Könnunin var gerð árið 2010 og birtist meðal annars í
The Telegraph. Hér eru nokkur dæmi um afsakanir nútímanáms-
manna, teknar af www.telegraph.co.uk:
Ég sendi verkefnið í tölvupósti en fékk póstinn aftur í hausinn.
Ég kláraði verkefnið en eyddi því óvart út.
Tölvan mín hrundi.
Prentarinn minn bilaði.
Ég kláraði verkefnið en gat ekki vistað það.
Blekið kláraðist í prentaranum.
Netið lá niðri og ég gat ekki fundið heimildir til að vinna verk-
efnið.
Ég missti drykkinn minn yfir tölvuna og hún hrundi.
Það var brotist inn hjá mér og tölvunni stolið.
Ég gat ekki tengt fartölvuna mína við prentara.
Það komst vírus í tölvuna mína sem rústaði harða drifinu.
Ég týndi tölvunni minni.
Dæmi um skrítnustu afsakanir sem kennararnir sem tóku þátt í
könnuninni höfðu heyrt:
Gullfiskurinn minn át það.
Hesturinn minn át það.
Lyklaborðið mitt brotnaði í tvennt.
Ég missti verkefnið í ána og straumurinn hreif það með sér.
Háskóli Íslands hefur um nokkurra ára skeið boðið upp á ókeypis íslensku-nám á vefnum undir heitinu Ice-
landic Online. Fyrsta námskeiðið fór í loft-
ið árið 2004 og síðan þá hafa um 120.000
manns skráð sig inn á vefinn og sótt nám-
skeið þar að sögn Kolbrúnar Friðriksdótt-
ur, verkefnastjóra Icelandic Online og að-
junkts í íslensku fyrir erlenda stúdenta á
Hugvísindasviði Háskóla Íslands. „Viðtök-
urnar hafa verið alveg ótrúlegar, sérstak-
lega þegar haft er í huga að við höfum nán-
ast ekkert markaðssett þessi námskeið.
Notendur koma frá flestum heimsálfum en
námskeiðin eru þó vinsælust hjá Banda-
ríkjamönnum, Þjóðverjum, Bretum, Frökk-
um og Rússum. Við sjáum þó einnig notend-
ur frá ýmsum löndum eins og Venesúela,
Japan, Kína, Ísrael, Brasilíu og Eistlandi.“
Námskeiðin eiga sér enga fyrirmynd að
sögn Kolbrúnar og eftir því sem hún best
veit eru engin sambærileg ókeypis nám-
skeið til á öðrum tungumálum. „Námskeið-
in voru nýsköpunarverkefni á sínum tíma
og áttu sér ekki beina fyrirmynd á þessum
tíma. Kollegar okkar á Norðurlöndum hafa
hins vegar horft til þeirra sem fyrirmynd-
ar og viljað þróa sambærileg námskeið fyrir
önnur norræn tungumál.“
Námskeiðin eru ætluð til sjálfsnáms að
sögn Kolbrúnar og er öllum opið endur-
gjaldslaust. Æfingar námskeiðanna eru afar
fjölbreyttar og um leið gagnvirkar þannig að
nemendur fá svörun jafnóðum og þeir vinna
þær. „Notendur fá þjálfun í grundvallarþátt-
um málsins, til dæmis orðaforða, málfræði,
málnotkun, skilningi og hlustun. Með efn-
inu eru auk þess rafrænir stuðningsmiðl-
ar eins og orðabók og málfræðigrunnur og
hjálparmálið á námskeiðunum er enska.
Notendur vefsins koma úr öllum áttum
að sögn Kolbrúnar enda mikill áhugi á ís-
lensku víða í heiminum. „Það er ekki einfalt
að fullyrða um hvað veldur þessum mikla
áhuga. Íslendingasögurnar spila þar vafa-
laust inn í. Síðan er mikið af tungumálafólki
og málvísindamönnum sem hafa mikinn
áhuga á tungumálinu. Íslenskan er auk þess
lítið málsamfélag þar sem tungumálið hefur
varðveist vel og það vekur áhuga margra.“
Hún nefnir einnig til sögunnar þýðendur og
þá sem hún kallar tungumálasafnara, fólk
sem lærir mörg ný tungumál sér til skemmt-
unar. „Síðan eru fjölmargir sem hafa ein-
faldlega áhuga á íslenskri náttúru, hestin-
um og menningu okkar og vilja þess vegna
læra tungumálið. Við urðum þess sérstak-
lega vör fyrir nokkrum árum þegar frægð
Bjarkar var sem mest. Þá bar nokkuð á því
að aðdáendur vildu læra íslensku til að geta
skilið móðurmál hennar og til að geta lesið
íslenska texta söngkonunnar.“
Íslenskunám um allan heim
Margir útlendingar stunda ókeypis íslenskunám í gegnum vefinn. Fyrsta námskeiðið fór í loftið árið 2004 og aðrar Norðurlandaþjóðir
nota það sem fyrirmynd að uppbyggingu sambærilegra námskeiða heima fyrir.
„Viðtökurnar hafa verið alveg ótrúlegar, sérstaklega þegar haft er í huga að við höfum nánast ekkert markaðs-
sett þessi námskeið,“ segir Kolbrún Friðriksdóttir, verkefnastjóri Icelandic Online og aðjunkt við Hugvísindasvið
Háskóla Íslands. MYND/VILHELM