Fréttablaðið - 09.01.2013, Blaðsíða 8

9. janúar 2013 MIÐVIKUDAGUR| FRÉTTIR | 8
Íslandsstofa kynnir markaðs- og söluþjálfun fyrir þá stjórnendur
fyrirtækja í mannvirkjahönnun sem afla verkefna erlendis.
Í verkefninu verður farið yfir ýmis hagnýt atriði sem nýtast við markaðsstarf
og samskipti við erlenda kaupendur. Í maí er áætluð markaðsheimsókn
til Noregs þar sem skipulagðir verða viðskiptafundir og fyrirtæki í einka-
geiranum heimsótt.
Dagskrá:
Vinnufundur 30. janúar: söluskilaboð og markaðsefni, menningarlæsi
og samningatækni
Vinnufundur 20. febrúar: samskiptahæfni, sölutækni og þjónusta
Vinnufundur 11.-13. mars: kynningartækni og kynningar fyrir erlendum
kaupendum

Markaðsheimsókn í maí: Osló, Stavanger og Bergen
Nánari upplýsingar veita:
Björn H. Reynisson, bjorn@islandsstofa.is, Erna Björnsdóttir, erna@islandsstofa.is
og Hermann Ottósson, hermann@islandsstofa.is
Aðstoð til árangurs
Þátttökugjald fyrir vinnufundina þrjá er kr. 160.000. Innifalið í gjaldinu eru öll gögn,
veitingar og gisting á síðasta vinnufundi. Kostnaður vegna Noregsferðar er ekki
innifalinn í þátttökugjaldi.
Þetta er samvinnuverkefni faghóps mannvirkjahönnuða og Íslandsstofu.
Áhugasamir eru vinsamlegast beðnir um að fylla út umsókn um þátttöku í verkefninu
sem finna má á islandsstofa.is og senda á Björn H. Reynisson, bjorn@islandsstofa.is.
Sími 412 2500 - sala@murbudin.is - www.murbudin.is
– Afslátt eða gott verð?
RÝMINGARSALA
Í MÚRBÚÐINNI
Á KLETTHÁLSI 7
Kletthálsi 7, Reykjavík
Opið virka daga kl. 8-18,
laugard. kl. 10-16
KÍNA, AP Baráttufólki fyrir mál-
frelsi í Kína laust saman við
stuðningsmenn Kommúnista-
flokksins í borginni Guangzhou
í Suður-Kína í gær. Almenning-
ur hefur tekið upp deilu sem upp
kom á ritstjórnarskrifstofum
Vikublaðs suðursins en stjórnvöld
loka á frásagnir stuðningsmanna
blaðsins á netinu.
Rót mótmælanna er að finna
í deilu blaðamanna blaðsins og
yfirritskoðara vegna nýársleið-
ara. Í fyrradag lögðu blaðamenn
blaðsins niður störf í mótmæla-
skyni. Deilan er nú miðpunktur
aukins þrýstings almennings á
kommúnistastjórnina í Kína að
auka upplýsingafrelsi í landinu.
Leiðara blaðsins, sem upphaf-
lega kallaði á pólitískar umbætur,
var breytt í lofræðu um Komm-
únistaflokkinn. Fræðimenn hafa
skrifað undir opin bréf þar sem
farið er fram á brottvikningu rit-
skoðarans, frægðarfólk og aðrir
stuðningsmenn blaðamannanna
hafa tekið upp málstað blaðsins í
smáfærslum á netinu (sem síðan
hafa kallað á viðbrögð stjórn-
valda) og hundruð höfðu í gær
safnast saman, annan daginn
í röð, fyrir utan höfuðstöðvar
útgáfufyrirtækisins með blóm og
stuðningsáletranir.
Að því er einn yfirmanna á rit-
stjórn Vikublaðs suðursins segir
á ritstjórnarnefnd blaðsins nú í
samningaviðræðum við yfirstjórn
þess, sem er hluti af áróðurs-
skrifstofu héraðsins. Maðurinn
ræddi við fréttaveitu AP undir
nafnleynd, vegna starfsreglna
blaðsins um að ræða ekki við
erlenda fjölmiðla.
Embættismenn á áróðurs-
skrifstofunni vilja að blaðið komi
út venju samkvæmt á fimmtu-
dag en yfirmenn ritstjórnar
vilja setja fyrir því ákveðin skil-
yrði, svo sem hvort birta megi í
blaðinu bréf til lesenda þar sem
farið verði yfir aðdraganda uppá-
komunnar og deilan útskýrð.
Þá mun ritstjórnarnefndin einn-
ig hafa sett fram kröfu um að látið
verði af ritskoðun á efni blaðsins
áður en til útgáfu kemur. Lagt
er til að í staðinn fái leiðtogar
Kommúnistaflokksins að leggja
ákveðnar línur, en megi ekki
skipta sér af störfum ritstjórnar-
innar og eigi að forðast að gera
athugasemdir við efni blaðsins
fyrr en eftir útgáfu.
Talsfólk málfrelsis tók að safn-
ast saman fyrir utan skrifstofur
Vikublaðs suðursins snemma í
gærmorgun, með skilti þar sem
kallað er eftir frelsi fjölmiðla og
öðrum lýðræðisumbótum. Fljót-
lega bar svo líka að stuðnings-
fólk Kommúnistaflokksins, þar
sem margir veifuðu kínverska
fánanum. Báðar fylkingar létu
svívirðingar ganga á víxl og upp-
nefndu hverjir aðra „svikara og
hundingja“. Smávægileg slags-
mál brutust út en lögregla stillti
til friðar. olikr@frettabladid.is
Kínverjar
mótmæla
ritskoðun
Blaðamenn á fréttablaði í Kína hafa lagt niður störf til
að mótmæla ritskoðun. Baráttufólki fyrir málfrelsi og
lýðræðisumbótum í Kína og stuðningsfólki Kommún-
istaflokksins laust saman í mótmælum gærdagsins.
MÓTMÆLANDI Maður með grímu sem á stendur „hljóður“ mótmælir við aðsetur
blaðanna Vikublaðs suðursins og Dagblaðs suðursins í Guangzhou-borg í Kína. Á spjald-
inu stendur „Látum drauminn rætast í sameiningu, áfram Vikublað suðursins“.
FRÉTTABLAÐIÐ/AP
BRUSSEL, AP Atvinnuleysi í þeim 17
löndum Evrópusambandsins sem
nota evru sem gjaldmiðil náði 11,8
prósentum í nóvember og hefur
aldrei verið meira.
Þá voru í fyrsta sinn frá upphafi
fjármálakrísunnar fyrir þremur
árum meira en 26 milljónir án
vinnu í ESB-löndunum 27. Tölurn-
ar endurspegla það verk sem fyrir
höndum er við að endurbyggja
efnahag svæðisins. Atvinnuleysi
eykst þótt ógnin sem steðjaði að
myntbandalaginu virðist að baki.
Atvinnuleysi jókst mest í Grikk-
landi, um sjö prósentustig milli
ára, og stóð í 26 prósentum. - óká
11,8 prósent án atvinnu:
Atvinnuleysi
aldrei meira í
evrulöndum
LÖGREGLUFRÉTTIR
Féll í sjóinn
Karlmaður féll milli skips og bryggju
við Grandagarð rétt eftir klukkan níu
í fyrradag. Maðurinn var í nokkrar
mínútur í sjónum áður en honum var
bjargað. Hann var fluttur á sjúkrahús til
skoðunar.