Fréttablaðið - 22.01.2013, Page 19

Íslendingasögur eru Óttari Guð-mundssyni geðlækni hugleiknar. Skemmst er að minnast útgáfu bókar
hans, Hetjur og hugarvíl, sem fjallar um
geðsjúkdóma og persónuleikaraskanir í
Íslendingasögunum. Kynlíf hefur einnig
skipað nokkurn sess á ferli Óttars en
hann gaf út Íslensku kynlífsbókina árið
1990 auk þess sem hann hefur haldið
fyrirlestra um kynlíf af ýmsum toga í
gegnum tíðina. Óttar sameinar þessi
tvö áhugamál sín í fyrirlestrinum Kynlíf
í Íslendingasögum sem hann heldur á
hádegisverðarfundi á Læknadögum í
Hörpunni á fimmtudaginn.
„Raunar er ekki úr miklu að moða,“
viðurkennir Óttar en bætir við að stór
hluti fyrirlestrarins fari í að skýra út
af hverju svo lítið er fjallað um kynlíf
í Íslendingasögunum. „Það er meðal
annars rakið til ákveðinna kristinna
viðhorfa. Í frumkristni og þeirri kristni
sem var við lýði eftir kristnitöku var
mjög kynlífsfjandsamlegt andrúmsloft
sem fólst í því að lostinn væri kominn
frá hinum vonda. Mesta böl mannsins
var syndafallið og brottreksturinn úr
Paradís sem stafaði af lostanum og því
að konan óhlýðnaðist drottni,“ útskýrir
Óttar. Hann bætir við að áhrifa kynlífs-
fjandsamlegra viðhorfa kirkjunnar hafi
einnig gætt í þeim klaustrum þar sem
Íslendingasögur voru skrifaðar.
Óttar segir að þær litlu kynlífslýs-
ingar sem sé að finna í sögunum séu þó
oft og tíðum frjálslegar. „Það er greini-
legt að menn reyna að komast fram hjá
þessari andúð kirkjunnar,“ segir hann
og tekur sem dæmi að mikinn kynferðis-
legan undirtón sé að finna í Njálssögu
og víðar. „Menn þorðu samt ekki að
hneyksla eða valda óróleika meðal kirkj-
unnar manna og því er lítið um berorð-
ar lýsingar.“
Hann tekur þó dæmi um eina slíka.
„Hún er fræg lýsingin á viðskiptum
Hrúts Herjólfssonar og Gunnhildar
kóngamóður í Njálu. Maður veit ná-
kvæmlega hvað höfundur er að fara
þegar hann segir að Gunnhildur hafi
bent Hrúti að koma með sér. Hann fer
með henni í svefnloft þar sem hann er
með henni við ákveðna iðju í marga
daga og þau neyta vart svefns né matar
fyrir losta og ákefð.“
Óttar hefur síður en svo lagt Íslend-
ingasögurnar á hilluna. „Ég er alltaf að
reyna að finna nýja og nýja fleti á þeim
og kannski verður þetta efni í næstu
bók,“ segir hann glettinn. ■ solveig@365.is
BRAUÐ ER EKKI FITANDI
Sumir telja að brauð sé fitandi. Það er þjóðsaga því
brauðið er ekki meira fitandi en önnur matvara. Það er
hins vegar fitandi að borða of mikið. Gróf brauð eru með
hátt hlutfall trefja sem er gott fyrir meltinguna og dreg-
ur úr hungurþörf. Brauðið er kolvetnaríkt og gefur orku.
KYNLÍFIÐ HEILLAR
Óttar Guðmundsson
geðlæknir segir lítið
fjallað um kynlíf í Íslend-
ingasögum og greinir
ástæður þess í hádegis-
fyrirlestri í vikunni.
MYND/GVA
KYNFERÐISLEGUR
UNDIRTÓNN
LÆKNADAGAR 2013 Óttar Guðmundsson geðlæknir heldur fyrirlesturinn
Kynlíf í Íslendingasögum á hádegisverðarfundi á fimmtudaginn. Fundurinn er
hluti af dagskrá Læknadaga 2013 í Hörpunni.
Laugavegi 178 - Sími: 568 9955
www.tk.is
Airfree lofthreinsitækið
Gegn myglugró og myglusveppi
Opið kl. 9 -18 laugardaga kl. 11 - 16 Stórhöfða 25 569 3100 e irberg.is
12
ÁRA
VELGENGNI Á ÍSLANDI
ÚTSALA
Faxafen 10 • 108 Reykjavík • sími 568 2870
Opið mán.-fös. kl. 11.00-18.00, lau. 11.00-15.00 • www.friendtex.is • praxis.is • soo.dk
40–70% afsl.
Ótrúleg tilboð í gangi