Fréttablaðið - 01.02.2013, Blaðsíða 52

1. febrúar 2013 FÖSTUDAGUR| MENNING | 36
Ekki líta undan– Magni
Magni er frábær söngvari, en
stundum of inn í sig. Skil ekki
að þetta lag hafi ekki komist
beint áfram. Kannski fengu
allir flogakast af ljósasjóinu
eða voru svo vissir um að hann
kæmist áfram. Hvað sem löku
gengi í forkeppninni líður held
ég að hann verði ofarlega á
laugar daginn og kemst jafnvel
í einvígið. Ef hann nær þangað
gæti hann alveg unnið og náð
fínasta árangri í Malmö.
Lífið snýst– Svavar
Knútur og Hreindís Ylfa
Sætt lag, fullvæmið og
alltof líkt I Want You með
Bob Dylan– skora á fólk að
skoða það á Youtube. Mér
finnst Svavar Knútur æðis-
legur en ég held að það sé
búið að skipa í hlutverk í
nýju uppfærslunni á Karíusi
og Baktusi. Ég vona að
krakkarnir kjósi frekar Unni
Eggerts á morgun.
Ég á líf– Eyþór Ingi
Skil að margir vilji senda Eyþór
Inga fyrir hönd landsins en ég vil
bara að hann fái betra lag sem
sýnir hæfileika hans skýrar. Þetta
bara nær mér engan veginn
og vona svo sannarlega að það
vinni ekki. Hef samt á tilfinn-
ingunni að ég hafi rangt fyrir
mér og að það fari til Malmö.
Munum, við erum ÍS-land - ekki
ÍR-land– og það er langt síðan
„írsku“ lögin náðu einhverjum
árangri í keppninni úti!
Meðal andanna–
Birgitta Haukdal
Þetta er í allt öðrum klassa en
annað í keppninni, sem sést m.a. á
þeirri vinnu sem lögð hefur verið í
alla myndavélavinnu. Þetta er eina
lagið sem virðist nánast tilbúið fyrir
Malmö þar sem það gæti alveg náð
góðum árangri, þarf bara enskan
texta (sem ég held að sé tilbúinn).
Sviðsetningin er skýr, þótt draugarnir
séu kannski fullmikið af því góða.
Birgitta hefur aldrei sungið betur og
bakraddirnar virka frábærlega.
Til þín– Jógvan Hansen &
Stefanía Svavarsdóttir
Flottur hljómur í þessu lagi
og svo finnst mér Jógvan
alltaf voðakrútt. Getur verið
að færeyski hreimurinn sé að
aukast? Vel sungið hjá þeim
Stefaníu, en lagið virkar ekki
alveg fullklárað. Svo fílaði
ég engan veginn kjólgopann
hennar Stefaníu. Svona fríð
kona á betra skilið! Vona að
þeim gangi vel en býst ekki
við að þau nái í lokaeinvígið.
Vinátta– Halli Reynis
Átti ekki von á að þetta kæmist í úrslit en samt kom það
mér ekki á óvart. Er ekki smá mótsögn í því? Þokka-
legasta lag við texta sem segir sögu. Sviðsetningin var
mjög viðeigandi og mér fannst bakraddirnar virkilega
smart. Verður líklega í neðri hluta laganna á morgun.
Eins og alþjóð veit er komið að því að við Íslend-
ingar veljum okkar framlag til Eurovision-söngva-
keppninnar á morgun. Sjö lög keppa í úrslitum og í
lok kvölds stendur eitt þeirra uppi sem sigur vegari.
Atkvæði þjóðarinnar vega til helminga á móti
atkvæðum dómnefndar og þannig verða tvö efstu
lögin valin. Þau tvö lög keppa þá í einvígi sín á milli
og hafa landsmenn þá öll völd í sínum höndum og
kjósa á milli þeirra tveggja.
Fréttablaðið fékk einn helsta Eurovision-speking
landsins, Reyni Þór Eggertsson, til að leggja sitt
mat á lögin sjö og spá fyrir um gengi þeirra í stóru
keppninni sem haldin verður í Svíþjóð í maí.
- trs
Eurovision-sérfræð-
ingurinn spáir í spilin
Reynir Þór Eggertsson spáir Unni, Birgittu og Magna í þrjú efstu sætin.
EINN HELSTI SPEKINGUR LANDSINS Reynir Þór hefur skipað sér sess hérlendis
sem einn okkar helsti Eurovision-spekingur. Hann telur lagið Ég syng með Unni
Eggertsdóttur vera líklegast til árangurs í Svíþjóð. FRÉTTABLAÐIÐ/GVA
Það lag sem sigrar í Söngvakeppn-
inni annað kvöld keppir fyrir
Íslands hönd í Eurovision sem
haldin verður í Svíþjóð í maí. Dag-
skrá keppninnar er hægt og rólega
að koma heim og saman og ýmis
atriði eru nú þegar komin á hreint.
- Undankeppnirnar fara fram 14.
og 16. maí. Íslendingar keppa í
fyrra holli síðara kvöldið.
- Úrslitakeppnin verður haldin
laugardaginn 18. maí.
- Allar keppnirnar þrjár fara fram
í Malmö Arena í Malmö.
- Aðeins einn kynnir sér um að
kynna keppnirnar í Svíþjóð en það
hefur ekki gerst frá árinu 1995.
Það hlutverk verður í höndum
sænska uppistandarans Petra
Mede.
- Þrjátíu og níu þjóðir taka þátt í
keppninni að þessu sinni og hefur
liðlega helm-
ingur þeirra
þegar valið
sín atriði.
- Bosnía
og Her-
segóvína,
Portúgal,
Slóvakía og
Tyrkland
eru meðal
þeirra þjóða
sem hafa
dregið
sig úr
keppni
í ár.
- Þrír af þeim flytjendum sem
hafa þegar verið ákveðnir hafa
áður tekið þátt í keppninni. Þar ber
helst að nefna Valentinu Monetta
sem keppir öðru sinni fyrir San
Marino, en hún hlaut mikla athygli
með þátttöku sinni í fyrra með hið
svokallaða Facebook-lag. Lagið
þótti auglýsa samskiptasíðuna of
mikið, sem er gegn reglum keppn-
innar, og þurfti því að semja nýjan
texta við það örfáum vikum fyrir
keppni. Monetta lenti í 14. sæti í
undanúrslitunum í fyrra og komst
því ekki áfram upp úr henni. Það
var samt sem áður besti árangur
San Marino í keppninni hingað til.
Hinir tveir sem taka nú þátt öðru
sinni voru þó aðeins í aukahlut-
verki í sínum atriðum. Albaninn
Bledar Sejo spilaði á gítar í fram-
lagi Albana 2011 og Armeninn Gor
Sujyan söng bakrödd fyrir hönd
síns lands árið 2010.
- Aðeins ein Norðurlandaþjóð
hefur þegar ákveðið sinn fulltrúa
og eru það frændur okkar Danir.
Þeir völdu um síðustu helgi og
var það hin tvítuga gospelsöng-
kona Emmelie de Forest sem fór
með sigur af hólmi. Hún syngur
lagið Only Teardrops sem
má segja að sé ágætis
blanda af þremur sigur-
lögum síðustu ára,
lagi Loreen frá því
í fyrra, hinnar
þýsku Lenu
frá ár inu
2 0 10 o g
Ruslönu frá
2004. - trs
Eurovision í Svíþjóð
er að taka á sig mynd
Sigurvegari Söngvakeppninnar annað kvöld fer strax
í að búa sig undir stóru keppnina sem fer fram í
Malmö í Svíþjóð í maí næstkomandi.
SÆNSKUR UPPISTAND-
ARI Petra Mede sér um
að kynna keppnirnar
þrjár í Svíþjóð í maí.
NORDOCPHOTOS/AFP
Ég syng– Unnur Eggertsdóttir
Þetta lag kom verulega á óvart á
laugardaginn. Upptakan á vefnum
var fín, en svo náði Unnur alveg
að slá í gegn, bæði söngurinn
og sviðsframkoman. Og svo eru
bakraddirnar æðislegar! Einfalt lag
en í Eurovision er einfaldleikinn oft
heillavænlegastur. Gæti trúað að
þetta lag næði bestum árangri allra
þessara sjö laga í Malmö. Vona að
það komist í einvígið!
Fáðu þér áskrift | 512 5100 | stod2.is | Verslanir Vodafone | Verslanir og
þjónustuver Símans 800 7000
SUPER BOWL
Baltimore Ravens gegn San Fransisco 49ers
Hver stendur uppi sem sigurvegari í ár?
Stöð 2 Fjölvarp kl. 23.00