Fréttatíminn - 02.03.2012, Page 36
Sætúni 8, 105 Reykjavík. Sími: 531 3300. ritstjórn@frettatiminn.is Ritstjóri: Jón Kaldal kaldal@frettatiminn.is Framkvæmdastjóri: Teitur
Jónasson teitur@frettatiminn.is Fréttastjóri: Óskar Hrafn Þorvaldsson oskar@frettatiminn.is Ritstjórnarfulltrúi: Jónas Haraldsson jonas@frettatiminn.is. Auglýsinga-
stjóri: Valdimar Birgisson valdimar@frettatiminn.is. Fréttatíminn er gefinn út af Morgundegi ehf. og er prentaður í 82.000 eintökum í Landsprenti.
Í
Íslendingar hafa lengst af verið í miklum
vandræðum með sorpeyðingu sína.
Alræmt var þegar stöðvuð var dreifing á
matvælum frá bæ við Skutulsfjörð sem var
í um kílómetra fjarlægð frá sorpbrennslu
Ísafjarðarbæjar. Díoxínmengun var yfir
viðmiðunarmörkum. Sama eiturefni
mældist einnig yfir viðmiðunarmörkum
útblásturs sorpeyðingarstöðvar í Vest-
mannaeyjum. Þá var vakin
athygli á því að sorpeyðingar-
stöð á Kirkjubæjarklaustri var
byggð við hlið barnaskólahúss.
Þar sýndu mælingar að díoxín
í útblæstri var margfalt yfir við-
miðunarmörkum. Enn verra var
ástandið og mengunin meiri frá
sorpbrennslunni á Svínafelli í
Öræfum. Bæjarráð Hornafjarð-
ar ákvað að loka sinni stöð.
Hverjum datt sú reginvitleysa
í hug að brenna sorp? Svo spurði Sigurður
Grétar Guðmundsson orkuráðgjafi þegar
díoxínumræðan stóð sem hæst. Sorp-
brennsla getur aldrei orðið annað en mikill
mengunarvaldur, sagði hann. Nærtækast
er, sagði Sigurður, að urða sorp og benti
á í því sambandi að Sorpa, langstærsta
sorpeyðingarstöð landsins hefði aldrei gert
minnstu tilraun til sorpbrennslu heldur
urðað sorp. Flokkun sorps þegar kemur að
brennslu og annarri eyðingu skiptir auð-
vitað miklu en margt varhugavert hefur
ratað í sorpbrennslur hérlendis í gegnum
árin.
Raunar steðja vandamál einnig að Sorpu
og síðast í gær líkti formaður íbúasamtaka
Leirvogstungu í Mosfellsbæ urðunarstöð
Sorpu í Álfsnesi við risastóran útikamar
vegna ólyktar sem berst í hverfið.
Á mörgum stöðum hefur verið tekið á
þessum málum og þau færð til betri vegar
þótt enn sé víða pottur brotinn. En sveitar-
félögum á Suðurnesjum finnst greinilega
ekki nóg að fást við þann vanda sem stafar
af innlendu sorpi. Þær furðulegu fréttir
bárust fyrr í vikunni að sveitarfélögin þar
hugleiddu tilboð bandarísks sorpeyðingar-
fyrirtækis sem hefði gert tilboð í sorp-
brennslustöð á svæðinu. Bandaríska fyrir-
tækið sæi sér hag í að flytja úrgang yfir
hafið frá Bandaríkjunum og eyða honum
hér. „Það er mjög dýrt að eyða úrgangi
í Bandaríkjunum,“ sagði framkvæmda-
stjóri fyrirtækisins með glýju í augum yfir
10 milljón dollara tilboði í sorpbrennsluna
sem er mjög skuldsett og hefur strítt við
erfiðan rekstur. Haft er eftir Árna Sigfús-
syni, bæjarstjóra í Reykjanesbæ, að sveitar-
félögin séu að skoða tilboðið. Þó verði ekki
gengið að tilboðinu nema það standist allar
umhverfiskröfur.
Hvernig í ósköpunum dettur kjörnum
fulltrúum, sem treyst er fyrir hagsmunum
fólks og umhverfi, sú endemis vitleysa í
hug að skoða slíkt tilboð? Fráleitt er að
láta sér til hugar koma að bjarga fjárhag
íslenskrar sorpbrennslu með því að flytja
inn úrgang frá öðru landi. Þeim rekstri
verður að bjarga með öðrum og gáfu- og
gæfulegri hætti.
Hafi sveitarstjórnarmennirnir ekki dug í
sér til þess að vísa tilboðinu þegar í stað út
í hafsauga verður að koma vitinu fyrir þá.
Eiður Guðnason, fyrrverandi sendiherra,
alþingismaður og ráðherra, veltir því fyrir
sér hvort ekki beri að setja lög sem banni
að hingað til lands sé fluttur úrgangur til
eyðingar. Það hlýtur Alþingi að gera.
Hin arfavitlausa tilboðsskoðun sveitar-
stjórnarmanna á Suðurnesjum er nægilegt
tilefni til þess.
Sorpinnflutningur frá Bandaríkjunum
Arfavitlaus tilboðsskoðun
Jónas Haraldsson
jonas@frettatiminn.is
Árangursríkt náms- og starfsval
Hver er þín ástríða?
F yrir hverju hefur þú brennandi áhuga og í hvernig aðstæðum líður þér best? Þegar við veljum
okkur starfssvið erum við ekki einungis
að velja okkur vinnu til að stunda heldur
einnig ákveðið umhverfi, gildi og við-
mið sem umlykur þá starfsstétt sem við
tilheyrum. Menningarheimur okkar
starfsstéttar verður hluti af okkar lífsstíl
og okkur sem einstaklingum. Við erum
allt æviskeiðið að byggja upp sjálfsþekk-
ingu og oft eiga ungmenni sem velja sér
námsleiðir erfitt með að átta sig á hvað
hentar þeim best. Þá geta áhugakannan-
ir verið hjálplegar en það eru spurninga-
kannanir sem gefa viðkomandi meðal
annars vísbendingar um hvaða vinn-
andi stétt svör hans í könnuninni líkjast
mest. Náms- og starfsráðgjafar aðstoða nemendur við
að finna nám við hæfi þar sem unnið er út frá styrk-
leikum og áhugasviði hvers og eins.
Háskólaárin eru mikill þroskatími þar sem nemand-
inn leggur grunninn að eigin lífsformi. Auk faglegrar
þekkingar á sérsviði gefur námið tækifæri til að efla
sjálfþekkingu og ýmiss konar þverfaglega færni
sem atvinnulífið kallar eftir. Samfélagið í dag leggur
meðal annars áherslu á hugmyndaauðgi og sköpunar-
gleði, samskiptahæfni, færni til að tengja upplýsingar
og hugmyndir, áræðni og áreiðanleika. Á háskólaár-
unum skapast nýtt tengslanest sem varir oft ævina út
og styrkir stöðu einstaklingsins þegar út í atvinnulífið
er komið. Slík kynni verða oft til með því að mynda
metnaðarfulla námshópa sem hittist reglulega meðan
á námstíma stendur.
Nám er full vinna og ríflega það. Til að ná sem
bestum árangri gildir hin gullvæga regla
að vera virkur í náminu, skipuleggja sig
vel og gæta þess að fresta ekki verkefn-
um. Yfirsýn yfir námsefnið í hverju fagi
er mikilvæg svo og hæfni til að greina
aðalatriðin. Góð regla er að staldra við
vikulega og meta stöðuna hjá sér í nám-
inu með því að spyrja spurninga eins og:
Er ég að komast yfir námsefnið og skila-
verkefni? Þarf ég að vinna eitthvað upp
eða rifja upp ákveðina atriði? Ætti ég að
leita mér aðstoðar til dæmis hjá náms-
og starfsráðgjöfum skólans?
Rannsóknir sýna að nemendur sem
hafa skýr og krefjandi markmið ná
yfirleitt betri árangri en þeir sem hafa
ómótaða framtíðarsýn. Það er gagnlegt
að hafa skamm- og langtíma markmið
eins og vörður á þeirri leið sem þú ætlar þér að fara.
Skýr markmið og jákvæð hugsun auðveldar nemend-
um að takast á við dagleg verkefni viku frá viku. Há-
skólanám á að styrkja nemendur sem námsmenn og
sérfræðinga þannig að þeir séu sem best búnir undir
þátttöku í atvinnulífinu eða frekara nám. Nemendum
býðst margvísleg aðstoð hjá náms- og starfsráðgjöfum
meðal annars við tímastjórnun og námstækni.
Forsenda þess að finna tilgang í lífinu og getu til að
gefa af sér til samfélagsins er vissan um fyrir hvað
maður stendur og þekking á því hvað maður getur
gefið.
Það er lífsspursmál fyrir alla að finna eigin styrk-
leika og byggja ofan á þá, njóta sín í einkalífi og
starfi. Einstaklingur sem blómstrar á þennan hátt á
innihaldsríkt líf og gefur gleði og visku til samferða-
manna sinna.
Sigríður Hulda Jónsdóttir
Forstöðumaður Stúdenta-
þjónustu HR
Krúska fær
fullt hús stiga
Krúska ehf.
Forréttindi að fá svona ótrúlega hollan og góðan mat!
Valentína og hennar lið hefur verið algjörlega óskeikult síðan
hún tók við Krúsku. Alúðin og virðingin fyrir hráefnunum er
áþreifanleg. Ég fæ mér venjulega kjúklingarétt dagsins og er
alltaf himinlifandi. Ég mæli svo mikið með Krúsku að ég var
spurður um daginn hvort við hjónin ættum hlut í fyrirtækinu...
Nei svo gott er það nú ekki, en við erum á því að Krúska eigi
stóran hlut í okkur!! Nú er líka hægt að fá hollan brunch á
laugardögum! Snilld! Best geymda leyndarmálið er örugglega
takaway þjónustan, taka með sér kvöldmatinn heim seinni-
partinn eða öll fyrirtækin sem fá senda þessa snilld fyrir sitt
starfsfólk í hádeginu. Sex stjörnur! Minna en það er svindl!Ingi R. Ingason
| 20 ummæli
Suðurlandsbraut 12, 108 Reykjavík
sími 557 5880 | www.kruska.is
Hvernig í ósköpunum dettur kjörnum fulltrúum, sem treyst er fyrir
hagsmunum fólks og umhverfi, sú endemis vitleysa í hug að skoða slíkt
tilboð? Fráleitt er að láta sér til hugar koma að bjarga fjármálum ís-
lenskrar sorpbrennslu með því að flytja inn úrgang frá öðru landi.
34 viðhorf Helgin 2.-4. mars 2012