Fréttatíminn - 02.03.2012, Blaðsíða 60

 María Birta Fékk sér lokk í vörina
Veitingastaðurinn Rub23
hefur notið mikilla
vinsælda á Akureyri
á síðustu árum og
eigendur staðarins
eru nú að færa út
kvíarnar og
opna útibú
í Reykjavík
eftir viku.
Kokk-
arnir
Einar
Geirs-
son
og Kristján Þórir Kristjánsson festu
ekki alls fyrir löngu á hinum rómaða
Sjávarkjallara í Aðalstræti sem nú er að
breytast í Rub23. Reykvískir matgæð-
ingar bíða margir hverjir spenntir, það
er þeir sem hafa komist upp á bragðið
hjá Einari og Kristjáni norðan heiða og
þannig heldur til dæmis Smartlands-
stýran á mbl.is, Marta María
Jónasdóttir, niðri í sér andanum
af eftirvæntingu eftir því að fá
úr því skorið hvort sushi-pizza
Rub23 komi í bæinn.
Rub í Reykjavík
Skákstjörnur í
Hörpu
Margir af sterkustu skákmönn-
um heims tefla á alþjóðlega
Reykjavíkurskákmótinu sem
fram fer í Hörpu 6. til 13. mars.
Um 200 keppendur frá um 40
löndum eru skráðir til leiks og
hafa aldrei verið fleiri í næstum
hálfrar aldar sögu mótsins. Tvö
efnilegustu ungmenni heims
í skákinni, kínverska stúlkan
Hou Yifan, 18 ára, sem varð
heimsmeistari kvenna aðeins
15 ára, og Fabiano Caruana,
sem kominn er í 7. sæti heims-
listans, þrátt fyrir að vera
aðeins 19 ára, mæta til leiks.
Þá lætur Bosníumaðurinn Ivan
„grimmi“ Sokolov sig ekki
vanta en hann er sá erlendi
meistari sem unnið hefur
flesta sigra á Íslandi. Augu
flestra Íslendinga verða svo
væntanlega á þeim Hannesi H.
Stefánssyni sem sigrað hefur 5
sinnum á Reykjavíkurmótinu og
Hjörvari Steini Grétarssyni,
efnilegasta skákmanni Íslands.
Bolur í frakka
Glæpamyndin Svartur á leik var frumsýnd með stæl
á fimmtudagskvöld. Myndin er gerð eftir sam-
nefndri skáldsögu rithöfundarins Stefáns Mána.
Sá hefur ósköp einfaldan fatasmekk og sést oftast í
hlýrabolum sem leyfa útbreiddum húðflúrum hans
að njóta sín. Frumsýning myndarinnar var þó nógu
hátíðlegt tilefni til þess að rithöfundurinn dreif sig í
Kringluna og keypti sér ullarfrakka til þess að skera
sig ekki um of úr prúðbúnum hópi frumsýningar-
gesta á bolnum.
Dagný tekur rosa
mikið af kókaíni og
ég varð að læra réttu
handtökin.
María Birta ætlaði að taka sér
gott frí frá kvikmyndaleik eftir
Svartur á leik en boltinn er byrj-
aður að rúlla og hún byrjar í tökum
á nýrri mynd Marteins Þórssonar,
XL, á sunnudaginn. „Þar leik ég
ástkonu Ólafs Darra. Ég gat bara
ekki sagt nei við því þegar það
bauðst.“
Lét ekki skemma
sæta naflann sinn
Leikkonan unga og eigandi verslunarinnar Maníu, María Birta Bjarnadóttir, stígur fram sem
grjóthörð glæpagella í krimmanum Svartur á leik sem frumsýndur var í gær. Hún lagði ýmsilegt
á sig fyrir krefjandi hlutverkið, fékk sér lokk í vörina og saug mjólkursykur upp í nefið (í stað
kókaíns). Lokkurinn sem hún skartar í naflanum í myndinni er aftur á móti plat.
J á, það má segja að ég sé hörkuglæpakona í myndinni. Ég leik Dagnýju sem stjórnar
hálfum fíkniefnamarkaði borgar-
innar,“ segir María Birta. „Hún er
eiginlega einn af strákunum. Er
skvísa en samt alger gaur. Ætli ég
hafi ekki fengið hlutverkið út á það
að mér er mjög eðlislægt að daðra,“
segir María Birta.
Hún vakti fyrst athygli sem
leikkona í Óróa árið 2010 og þótti
sumum framganga hennar þar
djörf en í Svörtum á leik bregður
henni fyrir í umtalsvert djarfari
senum. „Mér finnst nú fyndið að
ég hafi sært blygðunarkennd ein-
hverra í Óróa með því að láta sjá
í bert bakið á mér. Þú getur séð
meira í Sundhöll Reykjavíkur.“ Hún
gengur mun lengra að þessu sinni
en segir frumsýningu myndarinnar
þó leggjast vel í sig. „Ég bjóst við að
ég yrði meira stressuð en eftir að
hafa séð nýjustu klippin er ég mjög
örugg. “
Eins og geta má sér nærri um
er ekki tekið út með sældinni að
bregða sér í hlutverk undirheima-
drottningar og María Birta mátti
gera meira en gott þykir í nafni
listarinnar: „Ég þurfti að læra að
reykja en ég er eiginlega með of-
næmi fyrir sígarettureyk. Ég þurfti
að reykja hálfa sígarettu á dag í tvo
mánuði. Það var alger hryllingur,“
segir María Birta sem ánetjaðist þó
ekki óþverranum og er reyklaus í
dag. „Svo þurfti ég að taka mjólkur-
sykur í nefið. Dagný tekur rosa
mikið af kókaíni og ég varð að læra
réttu handtökin. Það hefði getað
eyðilagt myndina ef ég hefði ekki
borið mig rétt að við þetta enda vita
svo margir hvernig þetta er gert,“
segir María Birta og skellir upp úr.
Svartur á leik gerist í kringum
síðustu aldamót þegar bernskur ís-
lenskur fíkniefnamarkaður tekur
þroskakipp. Í þá daga voru lokkar
hverskyns, ekki síst í andliti, tungu
og viðkvæmari stöðum, mjög móð-
ins og Dagný gefur ekkert eftir og
er með lokk i naflanum og vörinni.
„Ég er með tvö tattú í myndinni ef
ég man rétt og lét gata mig í vörina
fyrir myndina. Ég vildi hafa þetta
ekta og hafði alltaf langað í þetta
gat og hugsaði bara með mér:
„Æ, ég geri þetta bara fyrir þessa
mynd.“ Gatið sem ég er með í nafl-
anum er samt plat. Ég er með það
fallegan nafla að ég vildi ekki fórna
honum,“ segir María Birta og bætir
hlæjandi við að sér hafi verið strítt
nokkuð á því að vera til í að leggja
andlitið undir en ekki naflann.
Gatið í vörinni mun þó tæpast
halda sér þar sem hún hefur ekki
haft lokk í því síðan tökum lauk og
leyfir því að gróa.
„Jú, þetta var vont en mér fannst
það vera þess virði. Að hafa þetta
ekta. Ég á nú líka nokkra kossa í
myndinni og það hefði verið erfitt
að gera þetta með gervi.“ María
Birta segir hlutverkið hafa verið
mjög erfitt. „Þetta var góð lífs-
reynsla en tók mjög á,“ segir hún og
bætir við að sér finnist gott að gera
róttækar breytingar á útliti sínu
fyrir hlutverk. „Þannig finnst mér
ég ekki vera að horfa á sjálfa mig á
hvíta tjaldinu en ég vil ekki sjá mig
þar. “
Þórarinn Þórarinsson
toti@frettatiminn.is
Viðhald húsa
Föstudaginn 16. mars gefum við út sérblað í
samstarfi við Húseigendafélagið og Samtök
iðnaðarins. Þar verður fjallað ítarlega um viðhald
húsa, rekstur húsfélaga og allt það sem lýtur að
rekstri á húseignum almennt.
Leitaðu upplýsinga og tilboða hjá auglýsingadeild
Fréttatímans í síma 531 3310 eða sendu póst á
auglysingar@frettatiminn.is
sérblað 16. mars
 leikhús Dýrin í hálsaskógi
Jóhannes og Ævar leika Mikka og Lilla
Þ jóðleikhúsið hefur ákveðið sýna Dýrin í Hálsaskógi næsta haust. Þetta staðfestir Ari Matthíasson,
framkvæmdastjóri leikhússins, í samtali
við Fréttatímann. „Thorbjörn Egner (höf-
undur leikritsins) hefði orðið hundrað ára á
þessu ári þannig að það er
hátíðarmóment og verður
engu til sparað,“ segir Ari.
Ágústa Skúladóttir mun
leikstýra verkinu sem hefur
verið vinælasta barnaleikrit
landsins allt frá því að það
var fyrst frumsýnt í Þjóð-
leikhúsinu árið 1962.
Að sögn Ara mun Brynhildur Guð-
jónsdóttir leika ömmu mús og Jóhann G.
Jóhannsson leika Martein skógarmús. Þá
standa yfir viðræður við Örn Árnason um
að leika Hérastubb bakara. Aðalhlutverkin
eru hins vegar í höndum þeirra Ævars Þórs
Benediktssonar og Jóhannesar Hauks Jó-
hannessonar. Ævar Þór, sem slegið hefur
í gegn í hlutverki Ævars vísindamanns í
Stundinni okkar, leikur Lilla klifurmús en
Jóhannes Haukur leikur Mikka ref.
„Það var á „To do-listanum“ að leika
Mikka ref. Ég hlustaði auðvitað
mikið á upptökuna með Bessa
Bjarna og mun eitthvað litast af
því. Ég er að feta í fótspor Bessa,
Sigga Sigurjóns og Þrastar Leós
og get ekki slegið slöku við ef ég
ætla að standast samanburð við
þá,“ segir Jóhannes og bætir við
að hann sé gríðarlega ánægður
með að leika á móti Ævari Þór. „Við höfum
starfað saman í Ballinu á Bessastöðum,
Heimsljósi og Vesalingunum og það verður
gaman að hrella hann.“ -óhþ
Þrjár þekktar uppfærslur á Dýrunum í Hálsaskógi
1962
Mikki refur:
Bessi Bjarnason
Lilli klifurmús:
Árni Tryggvason
1993
Mikki refur:
Sigurður Sigurjónsson
Lilli klifurmús:
Örn Árnason
2003
Mikki refur:
Þröstur Leó Gunnarsson
Lilli klifurmús:
Atli Rafn Sigurðsson
Jóhannes Haukur og Ævar Þór leika frægustu
persónur sem fyrirfinnast á Íslandi í barnaleik-
ritum á stóra sviðinu í Þjóðleikhúsinu næsta haust.
58 dægurmál Helgin 2.-4. mars 2012