Prentarinn - 01.04.1985, Blaðsíða 10
Laugardaginn 17. ágúst
bauð Félag bókagerðar-
manna félögum sínum 67 ára
og eldri, ásamt mökum, í
dagsferð um Borgarfjörð og
á Þingvöll.
Þátttakendur voru 42 og
fararstjóri Jón Árnason skóla-
stjóri eins og svo oft áður. Frá
stjórn FBM voru með í ferð-
inni þau Ásdís Jóhannesdótt-
ir og Svanur Jóhannesson.
Lagt var af stað snemma
morguns og ekið um Hval-
fjörð. Komið var við í Saurbæ
á Hvalfjarðarströnd. Kirkju-
vörðurinn Vífill Búason sagði
frá ýmsu merkilegu í sam-
bandi við staðinn. Sérstaka
athygli vakti altaristaflan,
sem er mjög fögur freskó-
mynd. Áfram var haldið og
Jón fararstjóri sagði jafnóð-
um frá sögu landsins og því
sem fyrir augu bar. Meðal
annars varð á vegi okkar
Galtarholtslækurinn frægi,
þar sem Sigurður Snorrason
böðull drukknaði, en segja
má að það sé upphafið að
íslandsklukku Halldórs Lax-
ness. Komið var við í Borgar-
nesi og gerður stuttur stans í
Skallagrímsgarði. Síðan var
haldið í Bifröst og snædd
gómsæt lambasteik. Þá var
ekið til baka og orlofssvæði
BSRB í Munaðarnesi skoðað.
Stefnan var nú tekin á Kalda-
dal, upp Hvítársíðu, Hraun-
fossar skoðaðir, sem skört-
uðu sínu fegursta. Á Kalda-
dal var þoka og suddi svo
ekki varð mikið um fjallasýn.
Það lagaðist þó brátt þegar
nær dró Þingvöllum, en þar
átti að drekka kaffi.
Þar skeði svolítið óvænt.
Þegar félagarnir gengu í sal-
inn tilkynnti hljómsveit Val-
hallar „Hálft í hvoru“, að
næsta lag væri tileinkað
bókagerðarmönnum sérstak-
lega. Var gerður góður rómur
að leik þeirra og þeim klapp-
að lof í lófa. Eftir kaffið var
gengið til Þingvallakirkju og
farið með Faðirvorið og sung-
inn sálmur að beiðni leið-
sögumannsins Carlos Ferrer.
Þótti nú flestum nóg að gert
og var haldið til Reykjavíkur
eftir velheppnaðan dag.
Sv. Jóh.
10