Fréttablaðið - 30.12.2011, Blaðsíða 2

SPURNING DAGSINS
Daníel Geir Moritz var valinn fyndnasti
maður [slands á þessu ári. Hann verður
veislustjóri á nýársfagnaði á Hótel Borg á
fyrsta degi næsta árs.
Daníel, verður þú með
; eintóma brandara frá því í
fyrra?
„Já, ég var valinn fyndnasti maður
I islands 2011."
STRÆTÓ Strætó mun aka eftir laugar-
dagsáætlun til 14 á gamlársdag.
Ekið til 14 á gamlársdag:
Strætó elclci
ekið á nýársdag
samgöngur Akstur strætis-
vagna á höfuðborgasvæðinu um
helgina mun taka mið af frí-
dögum helgarinnar. Á gamlárs-
dag, laugardaginn 31. desember,
verður ekið eftir laugardag-
sáætlun til klukkan 14 en þá
hætta vagnarnir akstri.
Á nýársdag, sunnudaginn 1.
janúar, falla ferðir strætisvagna
niður með öllu. Frá og með 2.
janúar verður akstur strætis-
vagna hins vegar með hefð-
bundnu sniði. - mþi
Borgin leitar manns til reynslu:
Pólskumælandi
ráðgjafí ráðinn
FÉLAGSMÁL Reykjavíkurborg
hefur auglýst eftir pólsku-
mælandi ráðgjafa í fullt starf.
Mannréttindaráð borgarinnar
samþykkti að ráða í starfið til
reynslu í eitt ár.
Ráðgjafinn mun heyra undir
mannréttindaskrifstofu en
starfa á þjónustuskrifstofu
borgarinnar. Hann mun sjá um
þýðingu á fréttum á pólskan vef
borgarinnar.
Þá verður stofnað nýtt síma-
númer þar sem veittar verða
upplýsingar á pólsku og mun
ráðgjafinn sjá um það.
Pólverjar eru fjölmennastir
innflytjenda í Reykjavík, um
3.300 manns. -þeb
FRÉTTABLAÐIÐ
30. desember 2011 FÖSTUDAGUR
Aðframkomin sauðkind íVestmannaeyjum aflífuð eftirað fossblæddi út um dularfullt gat á hálsi hennar:
Eyjalögreglan rannsakar banvæna árás á á
DÝR „Ég kom að fjárhúsinu upp úr hádegi og þar fannst aldrei, en lambið var skilið eftir með hálf-
lá hún ein með opið sár á hálsi. Hún var á lífi en
var að blæða út,“ segir Ólafur Týr Guðjónsson,
bóndi í Vestmannaeyjum, sem var að gefa kindum
kunningja síns á bænum Látrum í gær þegar
hann kom að helsærðri á. Hann kallaði á lögregl-
una, sem kom á staðinn og aflífaði hana.
„Ég get auðvitað ekki fullyrt að þetta hafi verið
dýrbítur, því það fennir í öll spor,“ segir Ólafur.
Hann lýsir sárinu sem stórri holu vinstra megin
á hálsi ærinnar, sem náði alveg inn í öndunarveg.
Ekkert hafi verið rifið í kringum sárið. „Þegar
ég tók í hana fann ég að það var allt laust inni í
hálsinum, eins og holrúm,“ segir Ólafur.
Fyrir um það bil tveimur árum lagðist dýrbítur
á heimalning á sunnanverðri Heimaey. Hann
étinn afturfót og þurfti því að aflífa það.
Kindin á Látrum var sú eina særða í fjárhús-
inu. Ólafur telur þó að hún hafi verið úti þegar
ráðist var á hana og hún gengið inn. „En það var
óvenjulegt að sjá allar kindurnar inni eða við
húsið. Venjulega eru þær úti á þessum tíma. Þær
hafa sennilega verið að fylgjast með henni.“
Sökum mikils fannfergis var ógerlegt að sjá
spor eða blóð í snjónum og því vill Ólafur ekkert
fullyrða um málið. Greinilegt sé þó að annað-
hvort hafi verið stungið eða bitið í hálsinn á kind-
inni. Lögreglan í Vestmannaeyjum rannsakar nú
málið. Að hennar sögn er lítið sem ekkert vitað
um hvað átti sér stað og nauðsynlegt að skoða
hræið til að komast til botns í því. - sv
AÐFRAMKOMIN AF BLÓÐLEYSI Stuttu eftir að þessi
mynd var tekin var ákveðið að aflífa kindina þar sem
hún hafði misst svo mikið blóð.
FRÉTTABLAÐIÐ/ÓSKAR P. FRIÐRIKSSON
Isavia leyft að svara
til um fangaflug CIA
Isavia hefur fengið heimild til að svara fyrirspurn um flug sem talið var á
vegum CIA með fanga. Tvenn mannréttindasamtök birtu nýverið áfanga-
skýrslu þar sem Evrópulönd eru sökuð um að hylma yfir með pyntingum.

LEYNIFANGELSII RÚMENÍU i kjallara skráningarstofu leyndarupplýsinga, ORNISS, í
Búkarest rak bandaríska leyniþjónustan CIA leynifangelsi á árunum 2003 til 2006 og
yfirheyrði grunaða hryðjuverkamenn. fréttablaðib/ap
mannréttinpamál Innanríkisráðu-
neytið hefur heimilað Isavia að
svara fyrirspurn tveggja mann-
réttindasamtaka um fangaflug
bandarísku leyniþjónustunnar CIA
á íslensku umráðasvæði.
ísland var á svörtum lista yfir
lönd sem engu höfðu svarað í
áfangaskýrslunni „Rendition on
Record" sem út kom í desember.
Helmingur Evrópulanda hunsaði
algjörlega upplýsingabeiðni sam-
takanna, en óhóflegur dráttur var
sagður orðinn á svari frá íslandi.
Samtökin sem kalla eftir upplýs-
ingum um fangaflugið heita Rep-
rieve og Access Info Europe. Þau
vilja sýna fram á umfang flutnings
CIA með fanga til staða þar sem
þeir kunni að hafa verið pyntaðir.
Friðþór Eydal, talsmaður Isavia,
segir að nú þegar heimild ráðu-
neytisins liggi fyrir verði farið í
þá vinnu að svara fyrirspurn sam-
takanna. Svarið verði þó ekki hrist
fram úr erminni því nokkuð þurfi
að hafa fyrir því að sækja umbeðn-
ar upplýsingar.
„Þessir aðilar sendu okkur lang-
an lista af skráningarnúmerum
flugvéla, sem þýðir að ieita þarf að
þeim í kerfinu hjá okkur. Ög það
er handavinna sem tekur einhvern
tíma,“ segir Friðþór. Að því loknu
verði samtökunum sent svar. „Við
klárum væntanlega snemma á nýju
ári.“
í flugumferðarstjórnargögnum
sem Isavia hefur aðgang að má sjá
bæði ferðir umræddra fiugvéla í
íslenskri lofthelgi og hvort og þá
hvar þær kunna að hafa lent hér
á landi.
Bandaríkin, auk sex Evrópu-
ríkja, D.anmerkur, Finnlands,
Þýskalands, írlands, Litháen og
Þessir aðilar sendu
okkar langan lista af
skráningamúmerum flugvéla
sem þýðir að leita þarf að
þeim í kerfinu hjá okkur.
FRIÐÞÓR EYDAL
TALSMAÐUR ISAVIA
Noregs, svöruðu fyrirspurn sam-
takanna áður en kom til útgáfu
áfangaskýrslunnar í desember.
Fimm Evrópulönd segja upplýs-
ingarnar ekki til, auk þess sem
evrópska flugumferðarstjórnin
Eurocontrol, Portúgal og Svíþjóð
(auk Kanada) hafa neitað að svara
fyrirspurninni.
Tólf ríki hafa engu svarað en
íslendingar höfðu sagt að fyrir-
spurnin væri í ferli. Um þrír mán-
uðir eru síðan samtökin sendu fyr-
irspurn sína, en fram hefur komið
að hún hafi fyrst farið til Flug-
málastjórnar, sem áframsendi
hana á Isavia, sem aftur vísaði því
til innanríkisráðuneytisins hvort
svara mætti fyrirspurninni. Sú
heimild fékkst í gær.
olikr@frettabladid.is
Samningaviðræður í gangi:
Samherji ræðir
um kaup í Olís
VIPSKIPTI Samherji er í miðjum
samningaviðræðum um að kaupa
stóran hlut í
Olís í samstarfi
við aðra fjár-
festa. Þetta
staðfestir Þor-
steinn Már
Baldvinsson,
forstjóri Sam-
herja.
„Það hafa
verið viðræður
við okkur um
að eignast hlut í félaginu en það
er gegn því að þónokkuð margir
nýir hluthafir komi þar að,“ sagði
Þorsteinn við Stöð 2 í gær. Niður-
staða fengist ekki fyrr en á nýju
ári. Núverandi eigendur munu
að líkindum áfram verða í hlut-
hafahópi Olís, en með minni hlut
en áður.
Samherji hefur um árabil verið
meðal stærstu viðskiptavina OIís.
Undanfarið hafa eigendur móður-
félags Olís verið í viðræðum um
aðkomu nýrra hiuthafa að rekstri
Olís vegna erfiðrar skuldastöðu
við Landsbankann. - þþ
Niðurskurður á Vestfjörðum:
Náttúrustofan
skuldum vafín
vestfirpir Náttúrustofa Vest-
fjarða er skuldum vafin eftir nið-
urskurð síðustu ára. Ekki hefur
þó komið til þess enn að segja
þurfi upp fastráðnu starfsfólki,
að sögn Þorleifs Eiríkssonar, for-
stöðumanns stofnunarinnar, í
samtali við Bæjarins besta.
Reksturinn kostaði um 60
milljónir í fyrra en um 90 millj-
ónir árið 2009. Framlög ríkis-
sjóðs til stofunnar hafa dregist
töluvert saman síðan árið 2008.
Árið á eftir voru framlögin 35
milljónir króna. Á næsta ári er
gert ráð fyrir 23,9 milljónum
króna í fjárframlög. .s»
þorsteinn már
BALDVINSSON
NJÖTUM ÞESS AÐ HREYFA OKKUR
VLyf&heiisa
vid hlustum!
Fréttablaðið auglýsir eftir vetrarmyndum í Ijósmyndasamkeppni:
Besta myndin prýðir forsíðuna
samkeppni Fréttablaðið auglýsir eftir þátttakendum í
ljósmyndasamkeppni sem hefst í dag og stendur þar
til á hádegi á þriðjudag. Að þessu sinni er þemað vetr-
arríkið sem fæstir íslendingar hafa farið varhluta af
undanfarna daga.
Besta myndin mun prýða forsíðu Fréttablaðsins
á fyrsta helgarblaði nýs árs, hinn 7. janúar, og aðrar
útvaldar birtast á innsíðu.
Verðlaun fyrir þrjú efstu sætin í samkeppninni eru
miðar fyrir tvo í Borgarleikhúsið og fyrir efsta sætið
eru að auki vegleg verðlaun frá Sjónvarpsmiðstöðinni.
Hver þátttakandi skal senda inn eina mynd og skal
hún hafa verið tekin nú í snjóatíðinni. Óheimilt er að
senda inn eða eigna sér ljósmyndir sem eru teknar af
öðrum.
Áskilinn er réttur til að hafna hvaða mynd sem er
og til að breyta fyrirsögn og myndatexta í birtingu.
Jafnframt er áskilinn réttur til birtingar myndar á
forsíðu blaðsins. Innsendar myndir eru eign höfunda
en Fréttablaðinu og visir.is er heimilt að birta þær í
tengslum við keppnina og í kjölfar hennar, svo fremi
sem höfundarnafn er tiltekið.
Samkeppnin stendur frá morgni dagsins í dag, 30.
SNJÓÞUNGT Veturinn setti mark sitt á líf býsna margra í gær.
FRÉTTABLAÐIÐ/GVA
desember, til klukkan tólf á hádegi þriðjudaginn 3.
janúar. Vinningshöfum verður tilkynnt um val for-
síðumyndarinnar um miðjan föstudag 6. janúar.
Tekið er við myndum á netfanginu ljosmyndasam-
keppni@frettabladid.is og skulu þær vera í nægilegri
upplausn til að þær geti birst í blaðinu. Myndinni þarf
að fylgja nafn höfundar og upplýsingar um heimilis-
fang, netfang og símanúmer. - sh