Fréttablaðið - 30.12.2011, Side 24
6 I Líkamsrækt og næring
I KYNNING - AUGLÝSING
FÖSTUDAGUR 30. DESEMBER 2011
Hlaðborðið á Gló er vissulega freistandi.
Matarpakkarnirfrá Gló með öllum máltíðum dagsins njóta mikilla vinsælda.
Kjúklingaréttirnir eru'vinsælir hjá afreksíþróttamönnum sem þurfa að huga að prótein-
inntökunni.
Sólveig Eiriksdóttir segir úrvalið af hráfæðisréttum á Gló koma viðskiptavinum skemmtilega á óvart.
MYND/VILHELM
Maturinn á Gló hið fullkomna fæði
Veitingahúsið GIó í Listhúsinu við Engjateig sérhæfir sig í hráfæði. Þar er þó einnig hægt að fá kjúkling og nú er hægt að panta matarpakka með
öllum máltíðum dagsins með fullkominni samsetningu næringarefna. Afreksmenn í íþróttum dásama hráfæðið.
Fólk er orðið mjög meðvitað um hvað það
setur ofan í sig og verður alltaf meðvitaðra
og meðvitaðra," segir Sólveig Eirfksdóttir,
sem rekur veitingastaðinn Gló í Listhúsinu við
Engjateig. „Það hefur komið okkur skemmtilega á
óvart hversu breiður kúnnahópurinn er. Þegar ég
tók við Gló fyrir tveimur árum héldum við að hér
yrðu aðallega ungar meðvitaðar konur en hér eru
fastakúnnar af báðum kynjum, allt frá tvítugum
konum upp í sjötuga karla og allt þar á milli."
Solla segir að það sem komi viðskiptavinunum
hins vegar mest á óvart sé hversu alhliða hráfæð-
ið sé, en auk þess bjóði Gló upp á eldaða græn-
metisrétti og kjúklingarétti. „Auk þess stefnum
við á að vera með fiskidaga á nýja árinu." Gló
býður upp á matarpakka sem í eru allar máltíð-
ir dagsins. Upphaflega voru matarpakkarnir ein-
göngu með hráfæði en nú er hægt að velja um að
fá hráfæði eða eldaðan grænmetisrétt eða kjúk-
ling í kvöldmat. „Hjá okkur er líka hægt að kaupa
matarkort með tuttugu máltíðum með rúm-
lega 20 prósenta afslætti á máltíð. Margir afreks-
menn í íþróttum notfæra sér þetta og þeir eru
alveg heillaðir af því hvað þetta er fullkomið fæði.
Þeir fá nóg af próteinum úr kjötinu og hnetunum
ásamt því að fá góð kolvetni úr græna litnum. Við
styrkjum ýmsa afreksmenn í íþróttum ogþeim
ber öllum saman um að betra fæði sé ekki hægt
að fá."
í hugum flestra er hráfæði bara eitthvert gras
en Solla segir að það sé mikill misskilningur.
„Hráfæðið er í raun og veru bara matreiðslu-
aðferð þar sem maturinn er ekki hitaður upp
fyrir 47 gráður, sem er nú töluverður hiti. Ef heiti
potturinn væri svo heitur myndirðu brenna
þig. Þannig að í raun erum við bara að tala um
þessa matreiðsluaðferð þar sem við matreiðum
hnetur, grænmeti, fræ og margt á fléira á þann
hátt að það líkist hinum hefðbundna mat sem
fólkþekkir. Við leggjum mikið upp úr því að
maturinn sé næringarríkur með því að nota til
dæmis avókadó og ýmislegt annað sem kallað
er „super food". Fæðið er algjörlega laust við
mjólkurafurðir en við búum til „sýrðan rjóma",
„osta" ogýmislegt annað úr hnetum ogfræjum.
Svo eru það auðvitað pitsubotnar, lasagna, fala-
fel-bollur og ýmislegt annað sem fólk þekkir úr
öðrum hráefnum. Munurinn er bara sá að með
þessari matreiðsluaðferð haldast mestöll nær-
ingarefnin í hráefninu og lítið sem ekkert fer til
spillis. Úrvalið af réttum kemur nýjum viðskipta-
vinum alltaf jafn mikið á óvart og það er virkilega
gleðilegt að fylgjast með því hversu ánægt fólk er
með matinn." Lasagnað á Gló er ekkert venjulegt lasagna.