Fréttatíminn - 13.09.2013, Blaðsíða 24

S
ilja Ívarsdóttir situr einbeitt við náms-
bækurnar þegar starfsmaður iðjuþjálf-
unar geðdeilda Landspítalans vísar
mér til hennar. „Ég hef enga einbeit-
ingu til að læra heima hjá mér. Ég
er eins og ungbarn, þarf að hafa fasta rútínu og
mæti alltaf hingað á morgnana til að læra,“ segir
hún. Ellefu ár eru síðan Silja var fyrst lögð inn á
geðdeild vegna átröskunar og um tíma var hún
inniliggjandi meirihluta ársins. Þegar hún var
sem veikust neytti hún aðeins örfárra hitaein-
inga, hreyfði sig jafnvel klukkutímum saman
daglega og var ítrekað svipt sjálfræði þar sem
hún var í lífshættu.
Silja náði miklum árangri þegar hún dvaldi
í tvö ár á meðferðarstöð fyrir átröskunarsjúk-
linga í Bretlandi og síðasta haust hóf hún nám í
félagsráðgjöf við Háskóla Íslands. Hún hefur lítið
á milli handanna og gæti ekki stundað námið
nema vegna þess að hún hefur fengið styrk frá
forvarna- og fræðslusjóðnum „Þú getur“, en
markmið sjóðsins er að styrka til náms þá sem
hafa orðið fyrir áföllum eða eiga við geðræn
veikindi að stríða.
Myndavélar um allt
Ég hef aldrei hitti Silju áður en hef í gegnum árin
séð myndir af henni í fjölmiðlum. Hún tók þátt í
hinum íslensku Bachelor-þáttum á sínum tíma
og var þá þegar mjög veik. Hún segist hreinlega
ekki vita hvað hún var að hugsa að taka þátt í
þessum þáttum, auk þess sem það varð henni
erfitt að fela átröskunina þar sem myndavélar
voru um allt. Í framhaldinu birtust endurtekið
myndir af henni í slúðurdálkunum þar sem hún
var úti á lífinu, í eitt skiptið eftir að hún tók þátt
Silja Ívarsdóttir fær ekki hungurtilfinn-
ingu og borðar eftir klukku. Þrjú ár eru
síðan hún útskrifaðist af átröskunarheimili
í Bretlandi en áður hafði hún ítrekað
verið svipt sjálfræði þar sem hún var við
dauðans dyr vegna anorexíu. Silja stundar
nú nám í félagsráðgjöf og segir gott að
finna að fólk hefur trú á henni.
Silja Ívarsdóttir gleymir að borða þegar hún lærir á Þjóðarbókhlöðunni og þess vegna mætir hún að eigin ósk á geðdeildina til að sinna heimavinn-
unni. Ljósmynd/Hari
í keppni þar sem stúlkur voru hvattar að fækka
fötum til að vinna utanlandsferð. Hún grípur um
höfuð sér þegar hún rifjar þetta upp. „Ég bara veit
ekki hvað ég var að spá.“ Á þessum sama tíma var
hún inn og út af geðdeildum vegna anorexíu. „Þetta
var erfitt tímabil og ég kunni ekki að takast á við
áreitið. Allt í einu voru farnar að birtast myndir af
mér í blöðum og þar sem ég var með útlitið á heil-
anum hugsaði ég ekki um neitt annað en að grenna
mig enn meira. Átröskun er auðvitað geðsjúkdóm-
ur. Þetta er allt í höfðinu á manni. Ég er í mjög góðu
standi núna en í hvert skipti sem ég borða eitthvað
óhollt byrja ég að fá sektarkennd en ég reyni að láta
það ekki stjórna mér. Ég ætla ekki aftur á þann stað
sem ég var.“
Pabbi Silju lést í vélsleðaslysi þegar hún var
12 ára og hún varð flogaveik í framhaldinu. „Mín
fyrstu viðbrögð voru flogakast. Síðan fór ég að
verða meira flogaveik og um 16 ára aldur þurfti ég
mjög sterk lyf því ekkert annað
virkaði. Ég byrjaði að fitna mik-
ið af lyfjunum og á stuttum
tíma var ég orðin tæp 100
kíló. Sumarið eftir annan
bekk í menntaskóla fór ég á
útihátíðina Eldborg þar sem
mér var nauðgað. Ég sagði
engum frá þessu en einhvern
veginn fyllti þetta mælinn, ég
ákvað að ég vildi breyta
mér og fór að grenna
mig.“
20 kílóum undir
kjörþyngd
Á menntaskóla-
árunum vann
Silja með
skóla sem
sundlaug-
arvörður,
hafði þannig
aðgang að
sundlaug utan
opnunartíma og
fór að fara í sund
með vinkonu
sinni áður en
þær mættu í
skólann. „Ég
var mjög ýkt
í þessu og
vinkona mín
gafst fljótt
upp. En ég
hélt áfram
og var fljótt
farin að æfa
þrisvar á dag. Ég
var enn í djassballet
frá því ég var sjö ára,
byrjaði í kickbox, bad-
minton og bootcamp,
auk þess sem ég var
með kort í ræktinni.
Ég léttist um 40 kíló á
um fjórum mánuðum.
Vegna þess hversu
þung ég var í upphafi
fór fólk ekki að hafa
áhyggjur strax. Á end-
anum var ég orðin svo
horuð að mér var vísað
frá þegar ég ætlaði að
mæta á æfingar.“
Léttust var Silja
um 45 kíló
sem er um 20
kílóum undir
hennar kjörþyngd. „Ég
man að ég bjó um tíma
Þessi mynd af Silju
er tekin þegar hún er
nýbúin að ljúka með-
ferð á átröskunar-
heimili í Bretlandi.
Ljósmynd/Úr einkasafni
Framhald á næstu opnu.
Lærði að lifa
með átröskun
Skeifunni 11 | Sími 515 1100 www.rekstrarland.is
Hafið samband við sölumenn Rekstrarlands og leitið tilboða.
Rekstrarland er byggt á fyrrum rekstrarvörudeild Olís
og er dótturfyrirtæki Olíuverzlunar Íslands hf.
Samsettir fjáröflunarpakkar eða sérsniðnir eftir óskum hópsins
Öflug fjáröflun
fyrir hópinn
PI
PA
R\
TB
W
A
•
S
ÍA
•
1
3
2
5
0
3
24 viðtal Helgin 13.-15. september 2013