Fréttatíminn - 13.09.2013, Blaðsíða 28

B laðamaður mælti sér mót við Björtu á heimili hennar í miðbæ Reykjavíkur snemma morguns rigningardag einn
í vikunni. Fundi hjá atvinnuveganefnd hafði
verið frestað og því gat hún gefið sér góðan
tíma í spjall yfir kaffi og tei. Björt er þrítug
og árið hefur verið viðburðaríkt hjá henni
því í byrjun sumars tók hún sæti á alþingi í
fyrsta sinn og giftist svo unnusta sínum til
tíu ára í júlí.
Framhald af sumarþingi er nýhafið og
nýtti Björt tímann í sumar til að ferðast um
landið og hitta útvegsfólk og aðra tengda
fiskvinnslu til að kynna sér málin fyrir starf-
ið í atvinnuveganefnd. „Ég er utan af landi
og finnst Það lítið mál að banka bara upp
á og biðja fólk um að útskýra fyrir mér sín
sjónarmið,“ segir Björt sem er þingmaður
Reykjavíkurkjördæmis norður. „Sumir ráku
upp stór augu yfir því að höfuðborgar þing-
maður kæmi út á land að kynna sér málin
en allir tóku mér vel. Fólk var líka þakklátt
fyrir að ég gæfi mér tíma í þetta,“ segir hún.
Björt telur mikilvægt að fulltrúar í nefndum
alþingis fari út á meðal fólks, taki stöðuna
og eigi í samskiptum og skoðanaskiptum.
Enn á Björt eftir að heimsækja nokkur
bæjarfélög sem eru í mikilli og fjölbreyttri
útgerð en segir það reynslu sína enn sem
komið er að fólk sé almennt sammála um að
greiða eigi fyrir afnot af auðlindinni, hvort
sem það sé útvegs- og fiskverkafólk eða
íbúar í 101 Reykjavík. „Spurningin er auð-
vitað hversu hátt það gjald á að vera, svo við
verðum bara að ræða það. Mér hefur sýnst
að undanfarið hafi verið einblínt á smáatrið-
in en við þurfum að setja okkur sameiginleg
markmið um þjóðararðinn í sjávarútvegi út
frá heildarmyndinni.“
Breyttir starfshættir eru
harðkjarna stefnumál
Eitt af meginstefnumálum Bjartrar fram-
tíðar er að breyta vinnubrögðum alþingis og
auka tiltrú fólks á því. Björt segir það algjört
grundvallarmál til að ná árangri á því sviði
og þetta sé alls ekki léttvægt stefnumál.
„Þetta hríslast niður í allt, alla hagsæld á
Íslandi ef fólk getur ekki treyst stjórnmála-
mönnum og að þeir geti ekki tekið góðar
ákvarðanir í sameiningu til langs tíma.“ Því
sé svo mikilvægt að ríkisstjórnir hvers tíma
brjóti odd af oflæti sínu og bjóði minnihlut-
anum að borðinu. Ef sem flest er unnið í
heiðarlegri samvinnu eru mun minni líkur
á að öllu verði breytt við valdaskipti. „Það er
því mjög klókt og heiðarlegt af ríkisstjórnum
að taka ákvarðanir í samvinnu við minnihlut-
ann ef þær vilja byggja til framtíðar.“
Björt segir stöðuna vera þannig núna
að málþóf sé eina vopnið sem stjórnarand-
staðan hafi. „Það er óskilvirk aðferð. Svona
vinnubrögð myndu ekki tíðkast á neinum
öðrum vinnustað. Að tefja málin eins og
hægt er til að pota í stjórnina svo hún komi
til móts við minnihlutann. Hvar annars
staðar vinnur fólk svona? Þetta er auðvitað
grátbroslegt.“ Hún telur þó að alþingi sé að
mörgu leyti heillandi vinnustaður þar sem
margar litríkar persónur starfi. „Við gæt-
um samt gert betur til að stjórnmálin skilji
meira eftir sig.“ Björt leggur áherslu á að
ekki sé nóg að tala um breyttar stjórnmála-
hefðir heldur standi upp á þingmenn Bjartr-
ar framtíðar sem leggja mikið kapp á að
sýna þau í verki, til dæmis með því að taka
ekki þátt í málþófi. „Við spilum ekki með í
leikjum sem við teljum til mikilla trafala og
leiða af sér óhagræði. Ef við alþingismenn
færum þetta flokkaegó út fyrir rammann
tekst að breyta stjórnmálunum og við getum
farið að vinna að sameiginlegum markmið-
um til framtíðar.“
Björt hefur brennandi áhuga á þing-
mannsstarfinu og vinnudeginum lýkur ekki
á hefðbundnum tíma. „Það gerist stundum
að ég er búin að meðtaka eitthvað yfir dag-
inn og svo á kvöldin gerjast hugmyndir
tengdar því. Oft þegar ég er lögst á koddann
á kvöldin sprett ég fram úr rúminu og kveiki
á tölvunni og dúndra einhverju þar inn því
ég held að ég hafi komist að einhverju sem
eigi eftir að valda miklum straumhvörfum,“
segir hún og hlær en bætir við að hún reyni
þó að hafa tímann á milli fimm og átta heil-
agan og þau hjónin skiptast þá á að sækja
Garp, fjögurra ára son sinn á leikskóla og
elda kvöldmat.
Íslenskt samfélag er frábært
Þingseta hafði aldrei verið einn af draumum
Bjartar í lífinu heldur vaknaði áhuginn
þegar Besti flokkurinn tók við stjórnar-
taumunum í Reykjavík. Þær Heiða Kristín,
annar formanna Bjartrar framtíðar, eru
vinkonur úr MH og hafði Björt kynnst starf-
inu í gegnum hana. Björt segist vanalega
vera snögg til en þegar að þingframboði
kom hafi hún tekið langan tíma í að taka
ákvörðun. Björt komst að þeirri niðurstöðu
að hún hefði erindi á alþingi og fór þá á fullt
í kosningabaráttuna. „Það var kannski af
sjálfsbjargarviðleitni því ég vil hafa alla
mína í kringum mig og það má ekki verða
þannig að fólk neyðist til að flytja í burtu frá
Íslandi því það sé ekki gott að búa hér. Við
stöndum frammi fyrir því í dag að fólkið
sem er okkar stoðkerfi; læknar, hjúkrunar-
fræðingar og annað heilbrigðisstarfsfólk
getur ekki setið við lengur og er annaðhvort
að fara frá Íslandi eða kemur ekki heim
eftir nám erlendis. Við verðum að taka því
alvarlega og gera bót á. Þegar mér bauðst
að taka sæti á lista Bjartrar framtíðar sagði
ég já en að ég myndi ekki vera fyrir aftan
einhverja helvítis kalla. Þau settu mig því í
fyrsta sætið!“ Björt segir íslenskt samfélag
að mörgu leyti frábært og vill efla það enn
frekar. „Við erum svo örugg hér og frjáls og
ekki hrædd um börnin okkar úti við. Maður
kannski býr uppi í sveit og fer á hestbaki í
sjoppuna. Þetta er paradís.“
Ólst upp á tólf manna heimili
Í bernsku bjó Björt með fjölskyldu sinni að
Torfastöðum í Biskupstungum við sérstakar
heimilisaðstæður því foreldrar hennar, þau
Ólafur Einarsson og Drífa Kristjánsdóttir,
ráku meðferðarheimili fyrir unglinga. Þau
systkinin eru þrjú og hjá þeim voru yfir-
leitt sex til sjö börn. „Maður þurfi að kljást
við hluti með þeim og upplifði þeirra stöðu
mjög sterkt og það hefur mótað mig.“ Sum
þeirra heldur Björt enn sambandi við í dag
en önnur hittir hún aðeins á förnum vegi.
„Sumum varð ég mjög tengd því þau hafa
þurft á meiri stuðningi að halda og leitað
hans hjá mömmu og pabba. Ég á tvo albræð-
ur og einn til sem er eins og bróðir minn og
er hluti af fjölskyldunni.
Dagurinn hjá stóru fjölskyldunni var
yfirleitt þannig að þau borðuðu öll sam-
an morgunmat við langborð og svo fóru
Elskar að
moka skít
Björt Ólafsdóttir tók sæti á alþingi
eftir síðustu kosningar og tekur
nýja starfið alvarlega. Hún á sæti í
atvinnuveganefnd og hefur að undan-
förnu ferðast um landið og rætt við
fólk tengt fiskvinnslu um framtíð
greinarinnar. Einu góðviðrishelgina í
júlí giftist hún unnusta sínum til tíu ára
en lenti í því óhappi tíu dögum fyrir
brúðkaupið að detta af þaki niður á
stétt og brjóta í sér allar framtennur
í efri gómi svo á tímabili var tvísýnt
hvort af brúðkaupinu gæti orðið. Björt
ólst upp að Torfastöðum þar sem for-
eldrar hennar ráku meðferðarheimli
fyrir börn. Hún veitt fátt betra en að
fara í sveitina og moka skít og semur
alþingisræður við moksturinn.
Þegar mér bauðst að taka sæti á lista Bjartrar framtíðar sagði ég já en að ég myndi ekki vera fyrir aftan einhverja helvítis kalla svo ég fékk fyrsta sætið. Mynd/Hari
28 viðtal Helgin 13.-15. september 2013