Fréttatíminn - 27.09.2013, Qupperneq 8

hvert er
þitt hlutverk?
- snjallar lausnir
Wise býður ölbreyttar
viðskiptalausnir fyrir fólk
með mismunandi hlutverk.
Gold Enterprise Resource Planning
Silver Independent Software Vendor (ISV)
TM
Borgartún 26, Reykjavík » Hafnarstræti 102, Akureyri
sími: 545 3200 » wise@wise.is » www.wise.is
B úast má við fjaðrafoki þegar þingið tekur aftur til starfa á þriðjudaginn enda lítil sem engin fordæmi fyrir
jafnstórum kosningaloforðum og Fram­
sóknarflokkurinn setti fram í vor og þarf
nú að efna. Gunnar Helgi Kristinsson,
prófessor í stjórnmálafræði við Háskóla Ís­
lands, segir að framundan sé erfiður vetur
fyrir ríkisstjórnina. „Stjórnin hefur tapað
miklu fylgi samkvæmt skoðanakönnunum,
þrjú til fjögur prósent á mánuði, sem rekja
má til þess að væntingaboginn hefur verið
spenntur mjög hátt en ekki mikið hefur
gerst,“ segir hann. „Ríkisstjórnin er að fara
inn í verulega erfiðan vetur og forgangs­
röðunin er ólík hjá stjórnmálaflokkunum.
Ríkisfjármálin eru erfið þar sem loforð um
skattabreytingar annars vegar og niður­
skurð hins vegar togast á. Framsóknar­
flokkurinn vill fara í gríðarlega mikla til­
færsluaðgerð yfir til skuldara sem mun
bitna á öllu öðru, skattakerfinu, opinberum
rekstri og útgjöldum ríkisins. Sjálfstæðis­
flokkurinn lagði hins vegar áherslu í að­
draganda kosninganna á skattabreytingar.
Það er erfitt að sjá hvernig þetta tvennt
kemur heim og saman enda gæti skapast
togstreita milli stjórnarflokkanna,“ segir
Gunnar Helgi.
Kjarasamningar framundan
Hann bendir jafnframt á að í framhaldinu
séu nýir kjarasamningar sem gætu reynst
erfiðir. „Verið gæti að stjórnin neydd­
ist til að semja um alls kyns stefnumál í
tengslum við kjarasamninga sem mun
kosta sitt,“ segir Gunnar Helgi.
Grétar Þór Eyþórsson, prófessor í stjórn­
málafræði við Háskólann á Akureyri, tekur
undir þetta. Skuldaleiðréttingar og verð­
tryggingarmálin hljóti að verða mál mál­
anna í vetur, ekki síst í ljósi þess að þegar
hafi verið gefið út að draga muni til tíðinda
í nóvember. „Það þarf ekki að koma á óvart
að talsmenn launþega tali um það að þeir
vilji stutta samninga því allir eru að bíða
eftir því hvað kemur upp úr hatti forsætis­
ráðherra í nóvember. Það stjórnar öllum
væntingum og kröfum í þjóðfélaginu,“
bendir hann á.
Grétar býst við því að stjórnarandstaðan
muni láta verulega í sér heyra þegar ríkis­
stjórnin kynnir tillögur sínar að útfærslum
á kosningaloforðum Framsóknarflokksins.
„Það er nýtt að gefa svona afdráttarlaus
kosningaloforð en ekki má gleyma því að
forsætisráðherra hefur bætt í frekar en hitt
eftir því sem frá er liðið. Hann hefur ekki
reynt að tala þessi loforð niður á neinn hátt
heldur fullvissað fólk um að þetta verði
eitthvað sem hvergi annars þekkist,“ bend­
ir Grétar Þór á.
Stóru málin í skugganum
Þeir eru sammála um að erfitt sé að átta
sig á hvernig leiðtogi Sigmundur Davíð sé.
Prófsteinninn á það sé í nóvember þegar
tillögurnar verði kynntar enda muni þá
reyna á hvernig honum tekst að tækla um­
ræðuna um þær.
Gunnar Helgi bendir jafnframt á að
fjölda annarra mála sé einnig ólokið.
„Hvað varðar samningaviðræður við Evr­
ópusambandið þá mun ríkisstjórnin ekki
fara í þjóðaratkvæðagreiðslu um mál
sem hún getur tapað og mun því ýta því
á undan sér,“ segir Gunnar Helgi. Hann
telur einnig líklegt að stjórnin reyni að
fresta eins og hún getur umræðunni um
veiðileyfagjaldið. „Svo getur vel verið að
stjórnin ætli í einhvern slag í umhverf­
ismálum,“ bendir hann á. Grétar tekur
undir þetta og bendir jafnframt á að öll
önnur mál á næstu mánuðum muni standa
í skugganum af skuldaleiðréttingum.
Gunnar Helgi bendir jafnframt á að til
viðbótar þessum málum öllum sé kosn­
ingavetur framundan því sveitarstjórnar­
kosningar verða í vor. „Algengast er að
stjórnarflokkar tapi í sveitarstjórnarkosn­
ingum en það verður erfitt fyrir stjórnina
að fá áfall af slíku tagi,“ segir Gunnar
Helgi.
Spurður hvernig leiðtogi Sigmundur
Davíð sé segir Gunnar Helgi erfitt að
átta sig á því. „Formenn stjórnarflokk­
anna hafa passað sig á því að vera ekki að
munnhöggvast mjög mikið. Það er hins
vegar viss óróleiki í baklandinu. Forsætis­
ráðherra ber sérstaklega að sjá um að
friður ríki innan stjórnarinnar en
það mun reyna mjög á hann á
komandi vetri. Hann er bæði
ungur og hefur ekki verið
lengi í stjórnmálum. Þetta
verður erfitt próf,“ segir
Gunnar Helgi.
Sigríður Dögg
Auðunsdóttir
sigridur@frettatiminn.is
Það er nýtt að gefa svona af-
dráttarlaus kosningaloforð en ekki
má gleyma því að forsætisráðherra
hefur bætt í frekar en hitt eftir því
sem frá er liðið.
 Stjórnmál VæntingaBoginn hátt Spenntur
Þetta verður erfitt próf
Gunnar Helgi
Kristinsson.
Grétar Þór
Eyþórsson.
Stjórnmálafræðingar segja að ríkisstjórnin sé að fara inn í erfiðan vetur og framundan sé erfitt próf fyrir forsætisráðherra með útfærslu á kosningaloforðum sem
kynnt verður í nóvember. Togstreita geti skapast milli stjórnarflokkanna þar sem forgangsröðun þeirra sé ólík, Framsóknarflokkurinn vilji fara í gríðarlega til-
færsluaðgerð yfir til skuldara sem bitni á öllu öðru en Sjálfstæðisflokkurinn vilji skattabreytingar.
Stjórnmálafræðingar eru
sammála um að reyna muni
mjög á Sigmund Davíð Gunn-
laugsson forsætisráðherra á
komandi vetri. Hann hefur til-
kynnt að í nóvember muni hann
kynna tillögur ríkisstjórnar-
innar um skuldaniðurfærslu og
sagt þær ólíkar öllu öðru sem
heimurinn hafi hingað til séð.
Væntingaboginn hefur því verið
spenntur til hins ítrasta.
8 fréttaskýring Helgin 27.-29. september 2013