Fréttatíminn - 05.04.2013, Blaðsíða 60

 Í takt við tÍmann Styr JúlÍuSSon
Venjulegur gallabuxnastrákur úr Vesturbænum
Styr Júlíusson er tvítugur Vesturbæingur sem er að klára stúdentspróf frá MH í vor. Hann leikur aðalhlutverkið í kvikmyndinni
Fölskum fugli sem frumsýnd verður síðar í mánuðinum. Styr á iPhone en kemst ekki á netið í honum.
Staðalbúnaður
Ég er frekar afslappaður í
fatakaupum, ég verð að við-
urkenna það. Ég er samt svo
heppinn að eiga frænku sem
er eigandi Kronkron svo flest
fötin mín eru þaðan. Cheap
Monday buxur eru svona
mitt „signature“ núna. Ég
er semsagt bara venjulegur
gallabuxnastrákur og geng
í hlýjum peysum og kannski
flottum jakka við. Það er
klassískt og gott.
Hugbúnaður
Ég eyði alveg tíma niður í bæ
og fer mikið á Prikið, Stofuna
á Ingólfstorgi og Næsta bar.
Þetta eru svona hlédrægir
staðir sem spila ekki of
háa tónlist. Ég stunda ekki
líkamsrækt en spila stund-
um fótbolta. Ég er mikill
kvikmyndaáhugamaður og
langar að starfa við kvik-
myndir í framtíðinni. Hvort
sem það verður fyrir framan
eða aftan myndavélina. Ég
er dálítið dottinn út úr dag-
skrá sjónvarpsstöðvanna en
á mér uppáhaldsþætti. Sá
íslenski er Sigtið með Frí-
manni Gunnarssyni og svo
eru það It’s Always Sunny in
Philadelphia. Þeir verða bara
fyndnari og fyndndari.
Vélbúnaður
Ætli ég sé ekki svona Mac-
gæi. Ég á alla vega iPhone
þó ég noti hann ekki mikið.
Hann er aldrei nettengdur og
ég kann ekki að virkja það.
En ég er alveg Facebook-kall.
Aukabúnaður
Ég geri nú ekki mikið af því
að elda, nema kannski
svona fimm mínútna
rétti. Þá eru egg í fyrirrúmi.
Annars borða ég bara hjá
mömmu og pabba eða á ein-
hverjum veitingastað. Sá
veitingastaður sem ég hef
oftast heimsótt er Hornið. Við
fjölskyldan förum oft þangað,
það er voða kósí staður. Ég
hef reynt við bílprófið en
kláraði það ekki. Ég féll samt
ekki. Þannig að ég labba
út um allt. Það er þægilegt
því ég fer ekki mikið út úr
Vesturbænum og miðbænum.
Ég á nokkra uppáhalds staði
í borginni, Hólavallagarð,
Hjartagarðinn og styttugarð
Einars Jónssonar. Í útlöndum
er París í uppáhaldi. Ég bjó
þar þegar ég var mjög ungur
með mömmu og hef farið
þangað nokkrum sinnum
síðan. Ég vil pottþétt búa þar
einhvern tímann sjálfur.
Styr Júlíusson
horfir á Sigtið
með Frímanni
Gunnarssyni og
It’s Always Sunny
in Philadelphia.
Ljósmynd/Hari
Breska tónlistarhátíðin All Tomorrow's
Parties verður haldin á gömlu herstöðinni
Ásbrú í Keflavík í sumar. Á hátíðinni koma
fram erlendar hljómsveitir ásamt hópi ís-
lenskra. Dagskrá hátíðarinnar verður kynnt
hinn 16. apríl næstkomandi.
Hátíðin fer fram helgina 28.-29. júní.
Miðasala fer fram á atpfestival.com. Miði á
hátíðina kostar 16.900 krónur. Einnig er
hægt að kaupa miða með gistingu.
All Tomorrow's Parties kemur
beint í kjölfarið á Keflavík Music
Festival sem plötusnúðurinn Óli
Geir Jónsson stendur fyrir dag-
ana 5.-9. júní. Aðalnúmerin þar
eru Tinie Tempha og DMX.
Þá var greint frá því í vikunni
að breska hljómsveitin Jethro
Tull heldur þrenna tónleika
hér á landi í júní, í Hofi á
Akureyri, Höllinni í
Vestmannaeyjum
og í Eldborgarsal
Hörpu. Þetta er
fimmta heim-
sókn Jethro
Tull hingað
til tónleika-
halds.
Á dög-
unum
var til-
kynnt
að tón-
listarhá-
tíðin Sónar
verður haldin í
annað sinn í Hörpu í
febrúar á næsta ári.
Einum degi verður
bætt við hátíðina sem
verður mun stærri í
sniðum. Forsala miða
hefst 17. apríl.
 tónliSt ný tónliStarhátÍð Í Sumar
Mikið líf í tónleikahaldi
Rapparinn DMX
treður upp í Kefla-
vík í sumar. Ljósmynd/
Nordicphotos/Getty
60 dægurmál Helgin 5.-7. apríl 2013
Vissir þú að margskipt gler geta verið mismunandi að gerð og gæðum?
Við bjóðum eingöngu upp á gler með "free form" tækni og er
sjónsviðið því breiðara en almennt gerist.
Hægt er að ráða hraða skiptingar og sérsníða glerin
eir þörfum hvers og eins.
Verið velkomin í eina glæsilegustu gleraugnaverslun landsins
Álfabakka 14a s. 527 1515
Frí sjónmæling og sérfræðiráðgjöf í glerjavali.
Glerjadagar
30% afsláttur af öllum sjónglerjum
Ný verslun í göngugötu gleraugnabudin@gleraugnabudin.is
69% ... kvenna á höfuðborgarsvæðinu lesa Fréttatímann*
*konur 25 – 80 ára
á höfuðborgarsvæðinu.
Capacent júlí-sept. 2012