Bændablaðið - 04.07.2013, Blaðsíða 40
40 Bændablaðið | Fimmtudagur 4. júlí 2013
hlj@bondi.is
Vélabásinn
Hjörtur L. Jónsson
Þeim sem lesið hafa pistla mína
hér í blaðinu ætti að vera orðið
ljóst að ég er með ólæknandi
mótorhjóladellu. Fyrir nokkru
átti ég leið framhjá Bernhard
Vatnagörðum, sem er með umboð
fyrir Honda-bifhjól, og sá þar
torfæruhjól í sýningarglugganum
sem ég hafði nokkru áður lesið
um á heimasíðu hjá eftirlitsmanni
vegslóða í Colorado sem lætur vel
af hjólinu sem vinnuhjól. Mig
langaði mikið til að fá að prófa
gripinn og þegar Bernhard seldi
fyrsta hjólið bauð kaupandinn
mér að prófa hjólið áður en hann
fékk það afhent.
Ég tók stuttan prufuhring á hjól-
inu, sem heitir Honda CRF 250
L, 23,1 hestafl, um 144 kg þungt
(fullt af bensíni og með öllum
olíum), með 7,7 lítra bensíntank,
sætishæðin ekki nema 87,5 cm frá
jörðu. Í byrjun vil ég nefna það að
þar sem ekki er búið að tilkeyra
vélina tók ég ekki mikið á vélinni
í þessum stutta prufuakstri. Þrátt
fyrir að prufuaksturinn hafi verið
stuttur ók ég hjólinu á malbiki,
moldarslóða, grýttum slóða og á
hefðbundnum malarvegi.
Hljóðlátasta mótorhjól
sem ég hef keyrt
Vinnslusvið vélarinnar er jafnt, tog
vélarinnar gott miðað við ekki stærri
mótor. Fjöðrunin er mjúk og fer vel
með mann en er ekki nein keppnis-
fjöðrun. Gripið í dekkjunum er ekk-
ert sérstakt á malarvegum og í grjóti
og þar sem það var rigning þegar ég
prufuók hjólinu var grip dekkjanna
næstum ekkert á moldarslóðanum.
Gírarnir eru sex og ef lagt er af stað
á hefðbundnum umferðarljósum úr
kyrrstöðu er maður komin í þriðja
gír og á um 50 km hraða þegar yfir
ljósin er komið (töluvert snarpara
en flestir bílar). Speglar eru góðir
og sést vel aftur fyrir hjólið í þeim.
Hávaðinn í hjólinu er nánast eng-
inn og er þetta eitthvert hljóðlátasta
mótorhjól sem ég hef keyrt.
Sætið er heldur breiðara en
á flestum torfæruhjólum og því
ágætt til aksturs í lengri tíma.
Fyrir aftan sætið eru festingar fyrir
farangur sem geta borið um fimm
kíló og hægt er að festa böggla-
bera í fyrir farangur. Mælaborðið
er einfalt, hitaljós, viðvörunarljós
frá vél, bensínmælir, klukka og
hraðamælir sem sést mjög vel á
þegar keyrt er.
Mætti gera enn betra með
nokkrum breytingum
Ef ég væri að kaupa þetta hjól
fyrir mig sem leiktæki mundi ég
skipta um dekk og fá mér mjúk
dekk sem ætluð eru fyrir klifurhjól
(trail-dekk). Einnig mundi ég lækka
hjólið með því að bora aukagat
neðst á afturdemparann til að lækka
hjólið um 5-7 sentimetra að aftan
og lækka hjólið að framan með því
að losa á demparaklemmunum á
framdempurunum. Einnig mundi ég
fá mér stærra tannhjól á afturgjörð-
ina (stækka um 4 tennur), en með
þessum breytingum mundi ég lækka
þyngdarpunktinn og hjólið yrði
meðfærilegra á lítilli ferð í grýttu
landslagi og torfærum vegslóðum.
Einnig myndi hjólið virðast léttara
í akstri með stærra afturtannhjól þó
að það lækki hámarkshraðann um
nokkra kílómetra á klukkustund
(kemur ekki að sök fyrir mig þar
sem ég er hættur að þora að keyra
mjög hratt).
Nauðsynlegt að setja hlíf undir
mótorinn
Að mínu mati er nauðsynlegt að
setja hlíf undir mótorinn til að verja
hann (almennt eru mótorar þunnir
og kemur auðveldlega gat ef keyrt
er utan í grjót), en þessi hlíf þarf að
ná aðeins upp og út fyrir mótorinn
til að verja kveikjuhlíf og kúpling-
arhlíf. Hægt er að fá meiri orku út
úr vélinni, en ég mæli ekki með
svoleiðis, ef orkan er ekki næg er
mun auðveldara að kaupa sér stærra
hjól (allar auka hestaflaaukningar
stytta líftíma hjóla og véla).
Persónulega tel ég þetta hjól
henta mjög vel sem „vinnu-snatt-
hjól“ við flestar aðstæður, þar sem
eyðslan er ekki nema rúmir þrír
lítrar á hundraðið, hjólið er þægi-
legt í akstri og þyngdarpunkturinn er
neðarlega. Eini neikvæði punkturinn
sem ég sé við þetta hjól er að það er
engin startsveif til að sparka hjólinu
í gang ef maður verður rafmagnslaus
einhvers staðar einn í óbyggðum.
Verðið er mjög sanngjarnt og
kostar gripurinn 1.099.000, eyðslan
er lítil og á þessum 7,7 lítra bensín-
tanki á að vera hægt að ná nokkuð
auðveldlega yfir 200 kílómetra.
Hægt er að fræðast meira um þetta
hjól á vefsíðunni www.honda.is
og hjá vegslóðaeftirlitsmanninum
í Colorado www.rickramsey.net.
Gott er að keyra hjólið standandi, þar hjálpa stór fótstig mikið. Myndir / HLJ
Hægt er að lækka hjólið um 5-7 cm með því að bora gat þar sem rauði
punkturinn er.
Með því að losa á demparaklemmunni er hægt að hleypa dempurunum upp
um 2-3 cm.
Aðeins 3,1 lítri á hundraðið
á Honda CRF 250 L
Útlit speglanna er allsérstakt.
Hraðatalan er stór og sést vel.