Bændablaðið - 07.03.2013, Blaðsíða 27
búnaðarþing 2013 | 27BLAÐAUKI BÆNDABLAÐSINS 7. MARS 2013
Sindri í Bakkakoti er nýr formaður Bændasamtakanna:
Vonast til að störf sín verði til gæfu fyrir alla bændur
Sindri Sigurgeirsson, bóndi
í Bakkakoti, var á búnaðar-
þingi kjörinn nýr formaður
Bændasamtaka Íslands. Sindri
hlaut 31 atkvæði en Guðbjörg
Jónsdóttir, bóndi á Læk, sem
bauð sig fram rétt fyrir formanns-
kjör hlaut 13 atkvæði. Sindri
er því réttkjörinn formaður
Bændasamtakanna. Hann þakk-
aði í ræðu fyrir traustið og sagðist
vona að honum tækist að haga
störfum sínum þannig að þau yrðu
til gæfu fyrir alla bændur á Íslandi.
Sindri er 38 ára gamall sauðfjár-
bóndi og býr ásamt Kristínu
Kristjánsdóttur og börnum þeirra
tveimur í Bakkakoti í Borgarfirði.
Sindri er fyrrverandi formaður
Lands samtaka sauðfjárbænda,
búfræðingur að mennt frá Hvanneyri
og hefur síðustu ár einnig stundað
nám í viðskiptafræði við Háskólann
á Bifröst.
Gleðst yfir víðtækum stuðningi
Nokkuð er um liðið síðan Sindri lýsti
því yfir að hann hygðist gefa kost
á sér til formanns. Lengst af leit út
fyrir að hann yrði einn í framboði,
allt þar til Guðbjörg bauð sig fram
rétt áður en kosning átti að hefjast.
Sindri segir að það hafi komið sér á
óvart. „Það er eðlilegt að fólk hafi
metnað og áhuga á að bjóða sig fram
til svona starfa. Ég var satt að segja
hissa á að ekki skyldu fleiri gefa sig
fram til þess í aðdraganda búnaðar-
þings. Ég var alveg búinn að ímynda
mér að þessi staða gæti komið upp en
ég ætla ekki að segja að ég hafi átt
von á þessu þarna, ég hefði haldið að
þetta myndi liggja fyrir aðeins fyrr.“
Sindri hlaut nokkuð afgerandi
kosningu til formanns. Hann segir
að það hafi verið gott að fá mælingu
á því hvaða stuðning hann hefði í
embættið. „Það var mjög gott og ég
er bara ánægður með að vita að ég
hef víðtækan stuðning. Ég hef verið
lengi í félagsmálum og þegar svo
er þá er bara eðlilegt að menn séu
ekki á einu máli um mína persónu og
hvernig ég hef haldið á málum, mínar
skoðanir og hvernig ég hef unnið.
Maður verður bara að gera ráð fyrir
því, aumur er umtalslaus maður eins
og þar stendur.“
Stóra krafan er endurskoðun
félagskerfisins
Þrátt fyrir að Sindri hafi lengi tekið
þátt í félagsmálastarfi bænda og setið
á búnaðarþingi í tólf ár er ljóst að
mikil vinna er fram undan hjá honum
við að koma sér inn í starf formanns.
Sindri segir að hann kvíði því ekki
enda hafi hann öflugt fólk sér við hlið
í þeim efnum. „Næstu skref verða að
setja mig inn í þau mál sem eru nú
þegar í ferli hjá Bændasamtökunum.
Það mun ég gera í samráði við fyrrver-
andi formann, framkvæmdastjóra og
nýja stjórn. Síðan er auðvitað að vinna
úr þeim ályktunum sem búnaðar þing
samþykkir nú. Þó að ég sé fullur af
áhuga og hugmyndum þá er felst auð-
vitað fyrst og fremst ákveðin verk-
stjórn í starfi formanns, með ákvarð-
anir búnaðarþings að leiðar stefi. Þar
er stærsta krafan, heyrist mér vera,
að farið verði í endur skoðun félags-
kerfis bænda, að einfalda það og gera
það skilvirkara. Mínar persónulegu
hugmyndir sem lúta að félagskerfinu
eru að eðlilegt sé að opna það meira.
Við þurfum hins vegar auðvitað að
gá að því að Bænda samtökin verði
áfram hagsmunasamtök bænda. Við
þurfum jafnframt að auka samvinnu
og þétta raðirnar. Við þurfum að sam-
nýta krafta allra þeirra sem að vinna
í þessum geira. Þá er ég til dæmis
að tala um starfsmenn búgreinasam-
takanna. Auk þess er nefnd að störfum
sem er að fjalla um samstarf búnaðar-
sambandanna og Bænda samtakanna.
Búnaðar samböndin eru afar mikilvæg
í hagsmuna gæslu á héraðsvísu og því
mjög mikilvægt að þau komi þarna
að. Ég held að við verðum að taka
sem best utan um þetta heildstætt og
það verður verkefnið á næstunni,“
segir Sindri.
Telur að sólarlag sé í
Evrópusambandsumsókninni
Spurður út í hver sé hans framtíðar-
sýn varðandi embætti formanns og
framtíðarstefnu í íslenskum land-
búnaði svarar Sindri því til að hann
sé á þeirri skoðun að kortleggja verði
hvaða tækifæri felist í íslenskum
landbúnaði og hvernig þau verði best
nýtt. Hins vegar sé ljóst að utanað-
komandi áhrif geti haft veruleg áhrif
í þeim efnum. Þar skipti ekki síst
máli hver afdrif aðildarumsóknar-
innar að Evrópusambandinu verði.
„Framtíðarsýn næstu ára veltur á
býsna mörgum þáttum. Það er t.a.m.
ekki ljóst hvort Bændasamtökin
þurfi að vinna ýmis verk sem við
höfum þurft að sinna fram til þessa.
Það hefur, eins og Haraldur forveri
minn hefur nefnt, þurft að sinna
ákveðnu slökkvistarfi og við höfum
ekki komist til að vinna að ýmsum
uppbyggilegum verkefnum. Þetta
ræðst meðal annars af afdrifum
Evrópusambandsumsóknarinnar.
Bændasamtökin hafa unnið mjög
ötullega í þeim efnum og verði
umsóknin áfram á borðinu munum
við áfram þurfa að sinna þeim
málaflokki. Ég hef hins vegar sjálfur
efasemdir um að framhald verði á
því máli. Það ræðst auðvitað ekki
síst í komandi Alþingiskosningum
en mér finnst margt benda til þess að
það sé ákveðið sólarlag í aðildarum-
sókninni.“
Góð afkoma forsenda fyrir öllu
„Framtíðarsýn mín að öðru leyti er að
við þurfum að nýta öll þau tækifæri
sem felast í íslenskum landbúnaði.
Við eigum ekki bara að tala um
öll þessi tækifæri, við þurfum að
kortleggja hver þau eru og hvernig
við getum nýtt þau. Við þurfum
að marka íslenskum landbúnaði
stefnu til langs tíma. Ætlum við að
framleiða hér meira því eftirspurn
eftir landbúnaðarafurðum er að
aukast? Það er spurning sem þarf að
taka afstöðu til. Við þurfum líka að
vara okkur á því að framleiða ekki of
mikið. Það liggja mörg sóknarfæri í
stöðunni eins og hún er en við verðum
að sjálfsögðu að passa okkur á að
fara ekki fram úr okkur sjálfum. Við
verðum að gæta þess að ganga ekki
um of á landið og að fara ekki fram
úr okkur. Offramleiðsla getur skaðað
okkur,“ segir Sindri og bætir við:
„Forsendan fyrir þessu öllu saman
er auðvitað að afkoma í landbúnaði
sé góð, þá er allt hitt svo auðvelt.
Bæði verður auðvelt að sækja fram í
landbúnaði og eins að tryggja nýliðun.
Ef við skoðum búreikninga sjáum
við að víða er rekstur í landbúnaði í
ljómandi góðu standi. Á sama tíma
hefur hins vegar vantað upp á að
bændur hafi getað greitt sér nægilega
há laun og sömuleiðis vantar fé til
endurnýjunar og uppbyggingar. Við
þurfum að spyrja okkur hvað eðlileg
stærð á búi þurfi að vera til að hægt
sé að framfleyta þar fjölskyldu.
Það verður auðvitað hver og einn
að finna sinn takt í því en þessi
spurning skiptir meginmáli. Nýjustu
tölur Hagstofunnar sýna að bændur
hafa víða gengið á laun sín, aðföng
hafa hækkað umfram afurðaverð
og við því verðum við að bregðast.
Hvernig það verður best gert verður
viðfangsefni næstu missera.“
Vill koma á reglulegum
samskiptum
Sindri er eins og áður segir fyrr-
verandi formaður Landssamtaka
sauðfjár bænda og sjálfur
sauðfjár bóndi. Sem formaður
Bændasamtakanna mun hann þurfa
að tala máli landbúnaðarins alls.
Hann segist ekki kvíða því en leggur
áherslu á að hann vilji koma á reglu-
legum samskiptum við forsvarsfólk
allra búgreina. „Ég held að þetta
muni ganga mjög vel. Ég ætla mér
að fræðast um það hvað menn eru að
gera í öðrum búgreinum, þótt ég telji
mig nú hafa almenna þekkingu á því
heilt yfir. Ég ætla að gefa mér tíma
nú í upphafi formennsku minnar til
að hitta forsvarsmenn allra búgreina,
ræða við þá, kynnast starfinu og
heyra hvað þeir hafa til málanna að
leggja.“
Verður gott að komast í fjárhúsin
Sindri segir ljóst að nýtt embætti
muni hafa áhrif á búrekstur hans
og Kristínar í Bakkakoti. „Kristín
er mikil búkona og frábært að eiga
hana og börnin að í þessum efnum.
Svo búa tengdaforeldrar mínir í
Bakkakoti og eru ansi vel liðtæk. Ég
hins vegar hugsa þetta þannig að ég
geti ekki verið í þessu starfi upp á þau
býtti að láta búskapinn lenda alfarið
á öðrum. Ég hef hugsað mér, alla
vega fyrst um sinn, að reyna að gera
þetta þannig að ég sinni gegningum
að morgni og að kvöldi, en sé við
formannsstörf þess á milli. Það er
hins vegar ljóst að það koma tímar
þar sem ég verð að heiman í einhverja
daga og þá þarf bara að leysa það
með öðrum hætti. Ég er auðvitað
að bæta við mig talsverðri vinnu en
við höfum undanfarin ár hugsað um
vinnuhagræðingu á búinu sem hjálpar
til í þessum efnum. Maður verður
kannski á kvöldin í gegningum en
það er bara ljómandi fínt. Það verður
gott að komast í fjárhúsin eftir daga
á skrifstofunni.“ /fr
Sindri Sigurgeirsson, nýkjörinn formaður Bændasamtaka Íslands, þakkar stuðninginn í ræðustól á búnaðarþingi
eftir að niðurstaðan í formannskjörinu var orðin ljós. Mynd / HKr.
» Lánamál í landbúnaði
Markmið
Búnaðarþing 2013 ítrekar ályktun
frá fyrra ári um fjármál bænda og
átelur harðlega seinagang við laus-
nir á skuldamálum þeirra.
Þingið telur nauðsynlegt að horfa
til framtíðar og ljúka úrvinnslu mála
sem tengjast efnahagshruninu 2008
Sá seinagangur sem verið hefur á
lausnum skuldamála og sanngjör-
num lagfæringum á stökkbreyttum
lánum fjölskyldna og fyrirtækja,
hefur komið í veg fyrir nauðsynle-
gar ákvarðanir um uppbyggingu og
atvinnusköpun til framtíðar.
Leiðir
Bændasamtökin gera kröfu um að:
Komist verði að samkomulagi um
aðferðir við mat á bújörðum er
taki mið af núverandi starfsemi og
ástandi jarðanna.
Búrekstraráætlanir er taki tillit til
eðlilegrar afkomu bænda og en-
durnýjunar rekstrar- og fastafjár-
muna verði lagðar til grundvallar
við lausnir.
Lausnir verði sniðnar að mis-
munandi rekstrareiningum þannig
að boðið verði upp á framtíðar-
lausnir í lánamálum án tillits til
bústærðar.
Skilmálar fjármálagjörninga
verði skýrir, skerði ekki réttindi
sem kunna að skapast við seinni
tíma úrskurði og/eða dóma. Gera
verður kröfu um að fjárhagsleg
endurskipulagning sé til lengri
tíma.
· Lokið verði við endurútreikning
gengistryggðra lána sem fyrst til
að ljúka þeirri óvissu sem er um
fjárhagsstöðu viðkomandi búa.
Mótaðar verði aðgerðir til leiðrét-
tingar á verðtryggðum lánum með
sanngirnissjónarmið að leiðarljósi
og komi þær til móts við almen-
ning og bændur er sýndu ráðdeild
og skynsemi við ákvarðanatöku á
árunum fyrir hrun.
Samið verði um afdrif biðlána
þannig að ljúka megi fjárhagslegri
endurskipulagningu búanna.
Samkeppnisskilyrði í bankastarf-
semi verði bætt með því að:
Takmarka eða setja reglur um
uppgreiðslugjöld lána.
Lántökugjöld verði í samræmi
við raunverulega umsýslu lán-
sins.
Stimpilgjöld verði ekki innheimt
við endurfjármögnun lána milli
lánastofnana.
Bændasamtökin vinni að því að
leita leiða til þess að takmarka
persónulegar ábyrgðir í land-
búnaðarrekstri, m.a. með því að
skilgreina og veita ráðgjöf um hep-
pilegt rekstarform fyrir búrekstur.
Framgangur
Búnaðarþing leggur áherslu á að
stjórn Bændasamtaka Íslands be-
iti sér af fullum þunga í þessum
málum.