Bændablaðið - 07.03.2013, Blaðsíða 46
46 Bændablaðið | Fimmtudagur 7. mars 2013
Hjónin Sigurður Páll Tryggvason
og Sólveig Halla Kristjánsdóttir
hófu búskap á Þverá árið 2010. Þau
leigja jörðina, útihús og íbúðar-
húsið af foreldrum Sigurðar,
þeim Tryggva Óskarssyni og
Árdísi Sigurðardóttur. Tryggvi
og Árdís hafa búið í um hálfa öld
á Þverá og eru með tæplega 50
kindur í dag. Þau hafa byggt sér
nýtt íbúðarhús á jörðinni.
Býli? Þverá.
Staðsett í sveit? Reykjahverfi í
Suður-Þingeyjarsýslu.
Ábúendur? Sigurður Páll
Tryggvason og Sólveig Halla
Kristjánsdóttir og börnin Heiðdís
Dalrós (3 ára) og Kristján Páll (1
árs).
Stærð jarðar? Um 4.000 ha.
Gerð bús? Sauðfjárbúskapur.
Fjöldi búfjár og tegundir? Við
erum með 509 kindur en alls
eru í húsunum 555 kindur þegar
taldar eru með kindur Tryggva og
Árdísar. Þau eru einnig með þrjú
hross.
Hvernig gengur hefðbundinn
vinnudagur fyrir sig á bænum?
Fyrst er farið með heimasætuna í
leikskólann á Húsavík. Síðan komið
heim og farið í húsin að gefa og
einnig er tíminn nýttur núna til að
endurbæta útihúsin og smíða, auk
þess sem gripið er í að breyta ýmsu
í íbúðarhúsinu. Dóttirin kemur
heim eftir hádegið og eftir kaffið
er farið í húsin að sinna seinni
gjöfum. Annars er breytileikinn í
sveitastörfum talsverður frá degi til
dags, utan gjafa, svo ekki sé talað
um eftir árstíma.
Skemmtilegustu/leiðinlegustu
bústörfin? Skemmtilegust eru
sauðburður, heyskapur, göngur og
réttir að hausti. Þegar vel gengur.
Flestum þykir leiðinlegast að
verka grindur.
Hvernig sjáið þið búskapinn fyrir
ykkur á jörðinni eftir fimm ár?
Vonandi verðum við langt komin
með að endurnýja gömlu fjárhúsin
eins og við viljum hafa þau. Með
svipaðan fjölda búfjár, komin vel
á veg með að endurnýja um 50-60
prósent af gömlu túnunum – og búin
að bæta tækjakost að einhverju leyti.
Hvaða skoðun hafið þið á
félagsmálum bænda? Nú þegar
er verið að vinna vel að mörgum
góðum málum er varða bændur, sem
er bæði virðingar- og þakkarvert.
Við tökum ofan fyrir þeim sem
leggja sig fram í þeim efnum og gefa
af tíma sínum. En gott væri ef við
bændur værum enn virkari í að koma
skoðunum okkar á framfæri og
stæðum betur saman sem ein heild.
Hvernig mun íslenskum land-
búnaði vegna í fram tíðinni?
Íslenskur landbúnaður hefur allt til
að bera til að gefa vonir um að vera
gríðarlega bjartsýn.
Hvar teljið þið að helstu tæki-
færin séu í útflutningi íslenskra
búvara? Að hluta til í Kína og til
annarra Asíulanda.
Hvað er alltaf til í ísskápnum?
Eitthvað matarkyns. Húsbóndinn
verður fljótt órólegur þegar mjólkin
er að verða búin, þá er tilefni fyrir
bæjarferð.
Hver er vinsælasti maturinn á
heimilinu? Kótilettur í raspi, með
tilheyrandi meðlæti.
Eftirminnilegasta atvikið við
bústörfin? Það verður að segja eins
og er að síðastliðið haust kemur
fyrst upp í hugann, öll sú reynsla
sem því fylgdi í kjölfar haust-
hretsins. En nú er það liðið og við
horfum björtum augum til framtíðar.
Heimasætan myndi hins vegar
nefna þegar fullorðni hrúturinn Botni
,,datt niður og dó“ og þegar lömbin
fæddust í fyrra. Hún bíður nú þegar
með eftirvæntingu eftir að sauðburður
hefjist. Og litli bústjórinn, bróðir
hennar, virðist ætla að verða liðtækur
við bústörfin með henni.
Fyrir nokkru kom út matreiðslubók
úr smiðju Happs eldhússins sem
þær Unnur Guðrún Pálsdóttir og
Erna Sverrisdóttir eru höfundar
að. Þær hafa um árabil sérhæft
sig í heilbrigðu mataræði og
leggja metnað sinn í að hafa
uppskriftirnar hollar en um leið
að setja þær fram á skemmtilegan
og freistandi máta.
Múslí
› 8½ dl hafrar
› 2 dl möndlur
› 2 dl sólblómafræ
› 2 dl graskersfræ
› ¾ dl sesamfræ
› 1 msk. hörfræ
› 1¼ dl eplasafi
› 2 dl hunang
› 4 msk. olía
Aðferð:
Stillið ofninn á 160 °C. Blandið öllum
hráefnunum saman í skál og hrærið
varlega. Klæðið bökunarplötu með
bökunarpappír og dreifið múslíinu á
plötuna. Bakið í 30 mínútur og ef til
vill lengur. Passið að hræra reglulega
í meðan á bökunartíma stendur.
Látið kólna og geymið í loftþéttum
umbúðum. Gott að borða með grískri
jógúrt, berjum og ávöxtum. Fyrir þá
sem vilja er hægt að setja örlítið af
hlynsírópi eða hunangi út á. Einnig
gott með möndlumjólk.
Allrahanda hnetur með sætu
› 1½ dl valhnetur
› 1½ dl pekanhnetur
› 1½ dl möndlur
› ½ dl hlynsíróp
› ¼ tsk. vanilla
› sjávarsalt á hnífsoddi
› ½ tsk. kanill
Aðferð:
Stillið ofninn á 180 °C. Blandið
öllum hráefnunum saman og
dreifið á bökunarplötu klædda
bökunarpappír. Bakið í um það bil
20 mínútur. /ehg
Líf og lyst
BÆRINN OKKAR
MATARKRÓKURINN
Mikið happ og hollusta
Þverá
Heiðdís Dalrós, Kristján Páll og pabbinn, Sigurður Páll.