Bændablaðið - 14.11.2013, Síða 22

22 Bændablaðið | Fimmtudagur 14. nóvember 2013
Fánasmiðjan ehf. hóf starfsemi á
Ísafirði í ársbyrjun 2011. Fyrirtækið
var áður starfandi á Þórshöfn á
Langanesi en við efnahagshrunið
á Íslandi hrundi markaðurinn
samhliða því að stökkbreyting
varð á skuldum félagsins. Ekki
var þá vilji hjá viðskiptabanka
félagsins að endurreisa starfsemina
á Þórshöfn og var fyrirtækið því
selt til Ísafjarðar.
Örn Smári Gíslason, núverandi
framkvæmdastjóri Fánasmiðjunnar,
var potturinn og pannan í því að
kaupa fyrirtækið og var hugmyndin
að skjóta þannig fleiri stoðum undir
atvinnulífið á Ísafirði. Hann var
einnig í rekstri rafiðnaðarfyrirtækisins
Rafskauts á Ísafirði. Það félag keypti
húsnæði Norðurtangans á Ísafirði þar
sem áður var tækjasalur, fiskvinnsla
og umbúðageymsla. Í þessu húsnæði
var Fánasmiðjan sett upp. Fyrirtækið
hafði þó ekki starfað nema í eitt og
hálft ár í Norðurtangahúsinu þegar
brennuvargur kveikti í húsnæðinu
um sumarið 2012. Miklar skemmdir
urðu á húsi og öllum búnaði
fánasmiðjunnar og var tjónið talið
nema um 70 milljónum króna.
Örn Smári sagði að taka hefði þurft
allt húsnæðið í gegn. Afgreiðslan,
prentrýmið, sauma stofan, skrifstofan
og lagerinn hefði eyðilagst í brunanum
og sót lagst yfir annan búnað. Þá hefði
mikið af tækjabúnaði eyðilagst en
tryggingar verið af skornum skammti
svo að tjón eigenda hefði verið mjög
tilfinnanlegt. Þrátt fyrir að sá sem olli
brunanum hafi á endanum viðurkennt
íkveikju segir Örn Smári ljóst að hann
sé ekki borgunarmaður fyrir tjóninu.
Eigi að síður var tekin sú ákvörðun að
endurreisa Fánasmiðjuna og kaupa þá
inn nýjan og enn fullkomnari búnað
af ýmsum toga.
Opnað á ný í janúar á þessu ári
Fyrirtækið var á ný opnað eftir
gagngerar endurbætur í janúar á þessu
ári. Örn Smári segir að þrátt fyrir
að viðskiptavinir hafi þurft að leita
annað eftir brunann sé markaðurinn
óðum að vinnast upp á nýjan leik.
„Núna erum við mjög vel tækjum
búin. Það er því vonandi að það sem
tapaðist í brunanum ásamt því fjár-
magni sem þurft hefur að bæta við
vegna uppbyggingarinnar vinnist upp
á næstu árum. Það var ágætis vertíð í
sumar en veturnir eru alltaf rólegri í
þessum geira. Við keyrum því talsvert
á heimamarkaðinn þessa mánuðina.“
Með öfugustu vél á landinu
Fánasmiðjan gerir fleira en að prenta
fána í öllum mögulegum gerðum, því
þar er líka hægt að láta prenta myndir
á striga og þá með olíubundnum
litum sem þola vel raka. Silkiprentun
er mjög stór þáttur í rekstrinum og
er Fánasmiðjan með öflugustu vél á
því sviði á landinu. Getur hún annað
þrefaldri ársframleiðslu á Íslandi.
Hægt er að prenta í 160 sentímetra
breidd í rafrænni prentun og 220
sentímetra í silkiprentvélinni og í nær
ótakmarkaðri lengd. Í raun eru lítil
takmörk fyrir því sem hægt er að gera
nema hugmyndaflug viðskiptavina
og starfsmanna.
Framleiðsla minjagripa af ýmsum
toga er líka iðkuð í Fánasmiðjunni
og hefur hún m.a. aðgang að
vatnsskurðarvél Rafskauts sem
getur t.d. skorið út platta og aðra
Fánasmiðjan ehf. á Ísafirði komin á fullt skrið á ný eftir bruna á síðasta ári:
Mjög vel tækjum búin og er helst
að kljást við samkeppni frá Kína
Myndir / HKr.