Bændablaðið - 14.11.2013, Blaðsíða 29

30 Bændablaðið | Fimmtudagur 14. nóvember 2013
„Framtíð hestamanna á Akureyri
er björt. Æskulýðsstarfið á þó undir
högg að sækja því sportið er dýrt
en við höfum ýmsar hug myndir um
að auka nýliðun í greininni og erum
bjartsýn. Keppnis hóparnir okkar
eru gríðar lega sterkir og hafa
sýnt það undan farið að við erum í
hópi þeirra bestu á landinu,“ segir
Andrea Margrét Þorvaldsdóttir,
formaður Hestamanna félagsins
Léttis á Akureyri, en félagið
fagnaði fyrr í þessum mánuði 85
ára afmæli sínu, var stofnað 5.
nóvember árið 1928. Félagsmenn
voru þá 15 talsins en eru nú 455.
Nefndi Andrea að Léttir ætti
nú Íslandsmeistara í fjórgangi í
barnaflokki og félagið hefði átt
glæsilega fulltrúa á Fjórðungsmóti
hestamanna sem haldið var á
Hornafirði á liðnu sumri, þar
sem Léttisfélagar röðuðu sér í
verðlaunasæti.
Höfum komist langt
Tilgangur með stofnun félagsins fyrir
85 árum var að stuðla að rétti og góðri
meðferð á hestum, efla áhuga og
þekkingu á ágæti þeirra, greiða fyrir
því að félagsmenn gætu haldið hross
og að bæta reiðvegi á Akureyri og í
nágrenni. „Við höfum komist langt
á þeim 85 ár sem liðin eru frá því að
félagið var stofnað,“ segir Andrea.
Starfsemi félagsins lá að mestu niðri
á árunum 1930 til 1942 vegna kreppu
en Jón Geirsson læknir hafði svo
forgöngu um að endurreisa félagið
í maí árið 1942 og hefur síðan verið
unnið sleitulaust við að byggja upp
hestamennsku á Akureyri. Reiðleiðir
hafa verið lagðar, hesthús byggð,
keppnisvellir sömuleiðis og unnið
að ýmsu félags- og velferðarstarfi.
Fyrsti skeiðvöllur félagsins var
byggður árið 1942 í svonefndum
Stekkjarhólma á vesturbakka
Eyjafjarðarár. Léttir gekk til liðs
við Landssamband hestamanna
árið 1950 og tóku félagsmenn þátt í
landsmóti á Þingvöllum það ár. Efnt
var til hópferðar, sem líklega er sú
fjölmennasta sem farin hefur verið
á vegum félagsins, en þátttakendur
voru 27 talsins með alls 118 hesta.
Hafa Léttismenn takið þátt í öllum
landsmótum sem síðan hafa verið
haldin og yfirleitt með góðum
árangri.
Aðstaða á keppnissvæði Léttis eins
og best verður á kosið
Léttir og hestamannafélagið Funi í
Eyjafjarðarsveit sameinuðust um að
byggja upp veglegt keppnissvæði
á Melgerðismelum og þar var
haldið Landsmót árið 1998 og
einnig tvö fjórðungsmót. Andrea
segir að síðan hafi lítið gerst hvað
uppbyggingu varðar þar og Léttir
sé svo gott sem kominn út úr
eignarhaldi á Melgerðismelum en
ráði þó enn yfir hluta svæðisins
þar sem ætlunin sé að koma á
aukinni fjölskylduhestamennsku.
Keppnissvæði félagsins er nú við
Hlíðarholt og er aðstaða eins og
best verður á kosið. Þar er bæði
gæðinga- og íþróttakeppnisvöllur
ásamt kynbótavelli og kappreiðabraut
auk þess sem þar er stærsta reiðhöll
landsins. „Við höldum fjölmörg mót
á hverju ár, ísmót, innanhússmót,
gæðingakeppni og íþróttakeppnir
á útivelli. Þá höldum við líka
skeiðkappreiðar og á liðnu sumri
héldum við Íslandsmót barna og
unglinga sem tókst mjög vel, enda
er svæðið einstaklega vel fallið til
að halda slík mót.“
Miklar framfarir með tilkomu
reiðhallar
Bygging reiðhallar hófst haustið
2006 og var hún formlega tekin í
notkun vorið 2009. Með tilkomu
hennar rættist 20 ára gamall draumur
hestamanna á Akureyri og óhætt að
segja að öllu starfi félagsins hafi
fleygt mjög fram í kjölfarið, bæði
æskulýðsstarf sem og reiðmennsku
almennt. „Við stöndum nú jafnfætist
þeim bestu í landinu,“ segir Andrea.
Akureyrarbær hefur ávallt stutt
dyggilega við bakið á hestamönnum
í bænum, m.a. við gerð reiðstíga
sem og við byggingu reiðhallar.
„Stefna okkar og von er sú að allir
útivistarhópar í bænum sameinist
og búi til eitt stórt útivistarsvæði í
og umhverfis bæinn. Þar gætum við
öll unað í sátt og samhljómi, það er
óþarfi að búa til stíga fyrir hvern hóp
fyrir sig, við getum sem best notað
sömu stígana,“ segir Andrea.
/MÞÞ
Hestamannafélagið Léttir á Akureyri 85 ára
Baldvin Ari Guðlaugsson hefur um árin sópað til sín fjölda verðlauna. Hér er hann með öll gullin sín.
Heiðurshjónin Sigrún Aðalsteinsdóttir og Haraldur Höskuldsson fengu
silfur merki Léttis fyrir vel unnin störf.
Svipmyndir frá
upphafs árum
Léttis.
Hestamannafélagið Léttir á
Akureyri afhjúpaði á dögunum
minnisvarða um Georg Schrader
í tilefni 85 ára afmælis félagsins.
Minnisvarðinn er við Hótel KEA,
þar sem húsið Caroline Rest stóð
á sínum tíma. Athöfnin fór fram
á afmælisdegi Léttis, en félagið
var stofnað hinn 5. nóvember
árið 1928.
Schrader byggði hesthús
og gistiheimili á staðnum fyrir
hundrað árum, árið 1913 og nefndi
það eftir móður sinni, Caroline
Rest. Í húsinu var hægt að hýsa
130 hesta og gistiaðstaðan rúmaði
30 manns.
Það var Aldís Björnsdóttir
heiðursfélagi Léttis, sem afhjúpaði
minnisvarðann. Sjálf kom Aldís á
yngri árum inn í hesthúsið og man
hvernig þar var umhorfs.
Halda merkilegri sögu lifandi
Sigfús Ólafur Helgason, fyrrverandi
formaður Léttis, flutti ávarp við
afhjúpun minnisvarðans og sagði
Léttismenn vera stolta yfir því að
hafa haft um það forgöngu að setja
upp minnismerki um þann mikla
mann- og hestavin sem Georg
Schrader hefði verið. Með því að setja
merkið upp héldu þeir merkilegri
sögu lifandi. Minnisvarðinn væri
afmælisgjöf hestamanna, veitt með
því markmiði að varðveita söguna
fyrir komandi kynslóðir.
Að hesturinn þyrfti ekki
að húka undir vegg
George Herman Ferdinand Schrader
var þýskættaður Bandaríkjamaður
sem kom til Akureyrar á fyrri hluta
síðustu aldar. Reisti hann greiðasölu
og gistiheimili í bænum, bæði fyrir
menn og hesta, en hugmyndin með
hinu myndarlega hesthúsi sem
rúmaði 130 hross var að útbúa athvarf
fyrir bændur úr nágrannahéruðum
sem erindi áttu í kaupstaðinn. „Og
ekki síður var hugsun Schraders að
hesturinn, þessi litli ferfætti þarfasti
þjónn þess tíma, skyldi ekki þurfa að
húka undir vegg, jafnvel svitablautur
í hvaða veðrum sem var, á meðan á
viðskiptunum stóð, hesturinn skyldi
eignast líka sitt hvíldarheimili,“
sagði Sigfús í ávarpi sínu. /MÞÞ
Léttismenn afhjúpa minnisvarða um Georg Schrader:
Reisti fyrir 100 árum hesthús sem rúmaði 130 hross
Aldís Björnsdóttir, heiðursfélagi
Léttis, afhjúpar minnisvarðann.
Sigfús Ólafur Helgason í einkennis-
búningi Léttis og Hólmgeir
Valdimarsson fylgjast með, en þeir
tveir höfðu forgöngu um að reisa
minnisvarðann.