Bændablaðið - 14.11.2013, Page 26
26 Bændablaðið | Fimmtudagur 14. nóvember 2013
Arna komin á skrið með framleiðslu á laktósafríum og sykurskertum mjólkurvörum í Bolungarvík:
„Viðbrögðin hafa verið frábær“
– segir Hálfdán Óskarsson samlagsstjóri en þar er líka í deiglunni skyrgerð með gamla laginu og spennandi nýjungar í ostagerð
Mjólkurvinnslustöðin Arna í
Bolungarvík hefur fengið góðar
viðtökur með framleiðsluvörur
sínar. Fyrirtækið sérhæfir sig í
framleiðslu á hágæða laktósafríum
mjólkurafurðum sem framleiðsla
hófst á í haust og hafa viðtökurnar
farið fram úr björtustu vonum
eigenda. Fyrirtækið er til húsa þar
sem áður var rækjuverksmiðjan
Bakkavík og þar áður gamla
frystihús Einars Guðfinnssonar.
Vörur sem henta öllum
Þó að vörurnar séu fyrst og fremst
hugsaðar fyrir einstaklinga sem
finna fyrir óþægindum við neyslu á
venjulegum mjólkurafurðum henta
þær öllum öðrum líka, bæði þeim
sem kjósa mataræði án laktósa og
auðvitað öðrum sem finnst vörurnar
einfaldlega bragðgóðar.
Eigendur Örnu eru ellefu talsins.
Þar er frumkvöðullinn að stofnun
félagsins, Hálfdán Óskarsson
samlagsstjóri Örnu, sem er
mjólkurtæknifræðingur að mennt
og var áður framkvæmdastjóri
Mjólkursamlags Ísfirðinga. Hann
og fjárfestirinn Jón von Tetzchner
eru stærstu einstöku hluthafarnir
í fyrirtækinu. Þá er Þórarinn Egill
Sveinsson mjólkurverkfræðingur á
Akureyri einnig í eigendahópnum
ásamt Oddgeiri Sigurjónssyni
mjólkurtæknifræðingi á Akureyri
og sjö öðrum einstaklingum,
fyrirtækjum og félögum.
Þórarinn og Oddgeir eru osta-
sérfræðingarnir í teyminu svo að ljóst
er að mikil þekking í mjólkuriðnaði
er á bak við fyrirtækið. Halldór
Karlsson mjólkurtæknifræðingur
gekk einnig til liðs við fyrirtækið
fyrir skömmu og Hálfdán segir að
þar sé á ferðinni öflugur liðsmaður
sem mikill fengur sé að. Þar að
auki er Óskar sonur Hálfdáns í
starfsmannahópnum, en hann er
nýbúinn að ljúka meistaranámi í líf-
og læknavísindum sem Hálfdán segir
að nýtist vel við þessa framleiðslu.
Ljós í myrkrinu
Félagar í Búnaðarfélaginu Bjarma,
þar sem félagsmenn eru bændur
í Ísafjarðarbæ og í Álftafirði að
undanskildum hluta bænda í gamla
Auðkúluhreppi sem er með eigið
búnaðarfélag, fóru í heimsókn í
mjólkurvinnslu Örnu laugardaginn
2. nóvember og fékk tíðindamaður
Bændablaðsins að slást með í förina.
Guðmundur Steinar Björgmundsson
á Kirkjubóli II sagði að sú nýbreytni
hefði verið tekin upp í Bjarma að
halda morgunverðafundi í Holti
í Önundarfirði fyrsta laugardag í
hverjum mánuði. Þar leystu menn
heimsmálin yfir hafragraut og slátri.
Heimsóknin í Örnu var reyndar
undantekning frá þeirri reglu.
Guðmundur
Steinar sagði að
bændur á svæðinu
væru mjög
ánægðir með þetta
framtak Hálfdáns
og félaga. „Ég
held að þetta sé
ljós í myrkrinu hér fyrir vestan og
fagnaðarefni að einhver þori að fara
út í verkefni af þessu tagi.“
Frábær viðbrögð
Klukkan tíu að morgni var bankað
upp á hjá Örnu og tóku Hálfdán
og Óskar sonur hans á móti
komufólki. Lá beinast við að ráðast
beint á Hálfdán og spyrja hann
um starfsemina. Hann segir að
vissulega sé vinnsla á laktósafríum
mjólkurvörum flóknari og dýrari í
framkvæmd en hefðbundin vinnsla
en eigendur Örnu
hafi fulla trú á
að þörf sé fyrir
þessar vörur
hér á landi.
Sagði Hálfdán
að vinnsla á
l a k t ó s a f r í r r i
mjólk væri um
40-45% dýrari
en vinnsla á
hefðbundinni mjólk.
Hvernig hafa viðbrögðin verið við
vörum ykkar?
„Viðbrögðin hafa verið frábær.
Fólk er mjög ánægt með það sem
við erum að gera, ekki síst hér á
svæðinu,“ sagði Hálfdán. „Við höfum
fundið fyrir einstaklega mikilli
Myndir / HKr.
Bændur úr búnaðarfélaginu Bjarma heimsóttu mjólkur-