Læknablaðið - 01.06.1968, Side 66

142
LÆKNABLAÐIÐ
mikið og stöðugt loftrennsli um kerann og því augsýnilega um að
ræða allverulegan loftleka úr lunganu. Eftir þetta minnkaði loftrennsl-
ið fljótt, og röntgenmynd, tekin skömmu síðar, sýndi góða þenslu á
lunganu og miðmætið í miðlínu (5. röntgenmynd). Kerinn var þó ekki-
tekinn fyrr en eftir tvær vikur, en þá var lungað vel þanið.
Þessi sjúklingur hafði einnig hlotið allslæmt nýrnamar hægra
megin.
Sjúkdómsgreining: Fractura costarum II—IV dxt. c. pneumo-
hæmothorax. Fractura scapulae. Contusio renis dxt.
3. sjúklingur: R. P. no. 369/66.
Sjúklingur er 8 ára drengur lagður inn í skyndi vegna slyss, er
hann lenti í 3V2 klst. áður en hann kemur á deildina. Hann hafði
festst í drifskafti á dráttarvél, sem notuð var til þess að snúa steypu-
vél. Talið var, að drengurinn hefði snúizt a. m. k. 4—-5 hringi með
skaftinu, áður en unnt reyndist að stöðva dráttarvélina. Hann missti
ekki meðvitund. Honum varð mjög þungt um andardrátt þegar eftir
slysið.
6. röntgenmynd: R. P.